ആദ്യമായി ജോഫിന്‍ ടി ചാക്കോ കഥയെഴുതി സംവിധാനം ചെയ്ത ഹൊറര്‍ മിസ്റ്റീരിയസ് ത്രില്ലര്‍ ദി പ്രീസ്റ്റിന്റെ വിഎഫ്എക്സ് ബ്രേക്ക് ഡൗൺ വീഡിയോ പുറത്തിറങ്ങി. മമ്മൂട്ടി നായകനായ ഈ ചിത്രത്തില്‍ മഞ്ജു വാര്യരാണ് നായിക. മഞ്ജു വാര്യരും മമ്മൂട്ടിയും ആദ്യമായി ഒന്നിച്ച് അഭിനയിച്ചു എന്ന സവിശേഷതയും ഈ ചിത്രത്തിനുണ്ട്. നിഖില വിമലും സാനിയ ഇയ്യപ്പനും പ്രധാന കഥാപാത്രങ്ങളാവുന്ന ചിത്രത്തില്‍ കൈതി, രാക്ഷസന്‍ തുടങ്ങിയ ചിത്രത്തിലൂടെ തിളങ്ങിയ ബേബി മോണിക്ക ഒരു സുപ്രധാന വേഷം കൈകാര്യം ചെയ്യുന്നു. വി എഫ് എക്സിൻ ഏറെ പ്രാധാന്യം നൽകിയാണ് ചിത്രം ഒരുക്കിയിരിക്കുന്നത്. ലവൻ പ്രകാശ്, കുശൻ പ്രകാശ് എന്നിവരുടെ നേതൃത്വത്തിൽ ഡിജിറ്റൽ ടർബോ മീഡിയ എന്ന ടീമാണ് ചിത്രത്തിനോട് നൂറ് ശതമാനം നീതി പുലർത്തി വി എഫ് എക്‌സ് ചെയ്തിരിക്കുന്നത്. ആന്റോ ജോസഫും ബി ഉണ്ണി കൃഷ്ണനും വി എന്‍ ബാബുവും ചേര്‍ന്നാണ് ചിത്രം ഈ നിര്‍മ്മിച്ചിരിക്കുന്നത്. അഖില്‍ ജോര്‍ജ് ഛായാഗ്രഹണം നിര്‍വഹിക്കുന്ന ഈ ചിത്രത്തിന്റെ സംഗീത സംവിധാനം രാഹുല്‍ രാജാണ് ചെയ്തിരിക്കുന്നത്. ആന്റോ ജോസഫ് ഫിലിം കമ്പനിയാണ് ഈ ചിത്രം തിയേറ്ററുകളില്‍ വിതരണത്തിന് എത്തിച്ചത്.
തീയറ്റർ റിലീസിന് പിന്നാലെ ആമസോണിലൂടെ ചിത്രം പ്രേക്ഷകരിലേക്ക് എത്തിയിരുന്നു. കഴിഞ്ഞ ദിവസം ടെലിവിഷൻ പ്രീമിയർ നടത്തിയ ദി പ്രീസ്റ്റ് മമ്മൂക്കയുടെ കരിയറിലെ തന്നെ ഏറ്റവും കൂടുതൽ ടി ആർ പി നേടിയ ചിത്രം എന്ന നേട്ടവും കൈവരിച്ചുക്കഴിഞ്ഞു.
ദി പ്രീസ്റ്റ് വിഎഫ്എക്സ് ബ്രേക്ക്ഡൗൺ വീഡിയോ….
