Day: May 6, 2020

ശ്രീനഗര്‍: കശ്​മീരിലെ പുല്‍വാമ ജില്ലയില്‍ സുരക്ഷസേനയുമായുണ്ടായ ഏറ്റുമുട്ടലില്‍ ഹിസ്​ബുല്‍ മുജാഹിദീന്‍ ഭീകരന്‍ റിയാസ്​ നായ്​ക്​ കൊല്ലപ്പെട്ടു. നിരോധിത ഭീകരസംഘടനയായ ഹിസ്​ബുല്‍ മുജാഹിദീ​െന്‍റ നേതാവാണ്​ റിയാസ്​ നായ്​ക്​. പുല്‍വാമയിലെ ​ബീഗ്​ബോറ ഗ്രാമത്തില്‍ വെച്ചാണ്​ നായ്​കിനെ പിടികൂടിയത്​. ഇയാളെ വധിച്ചത്​ ​മഹത്തായ നേട്ടമാണെന്ന്​ മുതിര്‍ന്ന പൊലീസ്​ ഓഫിസര്‍ പ്രതികരിച്ചു. ജമ്മു കശ്​മീര്‍ പൊലീസ്​ ഡയറക്​ടര്‍ ജനറല്‍ ദില്‍ബര്‍ഗ്​ സിങ്​ ആണ്​ സൈനിക ഓപറേഷന്​ നേതൃത്വം നല്‍കിയത്​. ബുര്‍ഹാന്‍ വാനിയെ സൈന്യം വധിച്ചതോടെയാണ്​ നായ്​ക്​ ഹിസ്​ബുല്‍ മുജാഹിദീ​െന്‍റ നേതാവായത്​.

തിരുവനന്തപുരം : കൊവിഡ് 19 മൂലം തൊഴില്‍ ദിനങ്ങള്‍ നഷ്ടപ്പെട്ട കര്‍ഷക തൊഴിലാളി ക്ഷേമനിധിയില്‍ അംഗങ്ങളായ തൊഴിലാളികള്‍ക്ക് കേരള കര്‍ഷക തൊഴിലാളി ക്ഷേമനിധി ബോര്‍ഡ് 1000 രൂപ വീതം ധനസഹായം അനുവദിച്ചു. സംസ്ഥാനത്ത് പൊതുഗതാഗത സംവിധാനം ഇല്ലാത്തതിനാല്‍ ജില്ലാ ഓഫീസുകളിലെത്തി അപേക്ഷ സമര്‍പ്പിക്കാന്‍ കഴിയാത്തവര്‍ക്ക് കര്‍ഷകത്തൊഴിലാളി ക്ഷേമനിധി ബോര്‍ഡിന്റെ www.karshakathozhilali.org എന്ന വെബ്‌സൈറ്റ് വഴി അപേക്ഷ സമര്‍പ്പിക്കാം. അക്ഷയ കേന്ദ്രങ്ങള്‍ വഴിയും മൊബൈല്‍ വഴിയും ലഭിക്കുന്ന സേവനം അംഗങ്ങള്‍ പരമാവധി ഉപയോഗപ്പെടുത്തണമെന്ന് ജില്ലാ എക്‌സിക്യൂട്ടീവ് ഓഫീസര്‍ അറിയിച്ചു. അപേക്ഷയോടൊപ്പം ആധാര്‍ കാര്‍ഡ്, ബാങ്ക് പാസ്ബുക്കിന്റെ ആദ്യപേജ്, അംഗത്വ പാസ്ബുക്കിന്റെ ആദ്യപേജ്, അവസാനം അംശാദായം അടച്ച പേജ്, ഈ രേഖകളിലോ പേരിലോ വിലാസത്തിലോ വ്യത്യാസമുണ്ടെങ്കില്‍ വണ്‍ ആന്റ് സെയിം സര്‍ട്ടിഫിക്കറ്റ് എന്നിവയും അപ്‌ലോഡ് ചെയ്യണം. വിവരങ്ങള്‍ക്ക് ഫോണ്‍ 04862 235732.

ന്യൂഡെല്‍ഹി: ( 06.05.2020) കഴിഞ്ഞ ദിവസം വടക്കന്‍ കശ്മീരില്‍ ഹന്ദ്വാഡയില്‍ ഭീകരരുമായുള്ള ഏറ്റുമുട്ടലില്‍ വീരമൃത്യു വരിച്ച മേജര്‍ അനൂജ് സൂദിന്റെ മൃതദേഹത്തിനു മുന്നില്‍ നിര്‍വികാരയായിരിക്കുന്ന ഭാര്യയുടെ ചിത്രം സമൂഹമാധ്യമങ്ങളില്‍ നിറയുന്നു. ചൊവ്വാഴ്ച സമൂഹമാധ്യമങ്ങളില്‍ പ്രചരിച്ച ചിത്രത്തില്‍ വികാരാധീനമായ പ്രതികരണങ്ങളാണ് വരുന്നത്. ഹൃദയം തകര്‍ക്കുന്ന കാഴ്ചയെന്നാണ് പലരുടേയും പ്രതികരണങ്ങള്‍. പൂക്കള്‍ കൊണ്ട് അലങ്കരിച്ച പെട്ടിയില്‍ ചേതനയറ്റ് കിടക്കുന്ന തന്റെ പ്രിയതമന്റെ മുഖത്തേക്ക് നോക്കി നിര്‍വികാരതയോടെ ഇരിക്കുന്ന ആകൃതി സൂദിന്റെ ചിത്രമാണ് സമൂഹമാധ്യമം ഏറ്റെടുത്തത്. ഹൃദയം തകര്‍ക്കുന്ന കാഴ്ചയെന്നാണ് ചിത്രം പങ്കുവയ്ക്കുന്നവര്‍ പറയുന്നത്. ട്വിറ്ററില്‍ വളരെയധികം പേരാണ് ചിത്രം പങ്കുവച്ചത്. നാലു മാസങ്ങള്‍ക്കു മുമ്ബാണ് ആകൃതിയും അനൂജും വിവാഹിതരായത്. വടക്കന്‍ കശ്മീരിലെ ഹന്ദ്വാഡില്‍ ശനിയാഴ്ച രാത്രി നടന്ന ഏറ്റുമുട്ടലില്‍ 21 രാഷ്ട്രീയ റൈഫിള്‍സിലെ കേണല്‍ അശുതോഷ് ശര്‍മ, മേജര്‍ അനൂജ് സൂദ്, നായിക് രാജേഷ്‌കുമാര്‍, ലാന്‍സ് നായിക് ദിനേഷ് സിങ്,…

പുതിയ തലമുറയുടെ ഗതി എങ്ങോട്ട്…??? വാട്സ്ആപ്പ്, ഫേസ്ബുക്ക്, ട്വിറ്റെർ ഇതിലൊക്കെ ഒതുങ്ങി കൂടുന്ന യുവതലമുറയിൽ നിന്നും ഒന്നും പ്രതീക്ഷിക്കേണ്ട….. കേരളത്തിന്റെ സംസ്കാരം പാടെ മറന്നുകൊണ്ട് അച്ഛനെ വരെ മച്ചു എന്നും ബ്രോ എന്നും വിളിച്ചു നടക്കുന്നവരെ കൊണ്ട് നാടിനും വീടിനും എന്ത് ഗുണം.. !!!!!! എന്നെല്ലാം പുച്ഛിച്ചു തള്ളിയവർക്കു കാലം തെളിയിച്ചു കൊടുത്തു പുതിയ തലമുറ എന്താണെന്നും അവരുടെ മനസിലെ നന്മയും സഹജീവികളോടുള്ള കരുതൽ എന്താണെന്നും.. പ്രളയം എന്ന മഹാ വിപത്തിൽ ഒരു നിമിഷം പകച്ചു നിന്ന ഒരു നാടിനെ തന്നെ കൈപിടിച്ചു കയറ്റുവാൻ സർക്കാരിനൊപ്പം തോൾ ചേർന്ന് ഒരു സൈന്യമായി തന്നെ അണിനിരന്നത് ഇന്നത്തെ യുവ തലമുറയാണ്.. പ്രളയം കഴിഞ്ഞും നാടിന്റെ നടുവൊടിയാതെ താങ്ങി നിർത്തിയ അതേ യുവ തലമുറ തന്നെയാണ് ഇന്നു നാളുകൾക്കിപ്പുറം കൊറോണ എന്ന വൻ വിപത്തിനെ നേരിടുവാൻ നാടൊരുങ്ങുമ്പോൾ മുൻപന്തിയിൽ. മാളങ്ങളിൽ…

കോഴിക്കോട്: ( 05.05.2020) വയനാട്ടിലെ ശ്രീധന്യ സുരേഷ് കോഴിക്കോട് അസിസ്റ്റന്റ് കളക്ടറായി ചുമതലയേല്‍ക്കുന്നു. സിവില്‍ സര്‍വീസ് പരീക്ഷയില്‍ 410-ാം റാങ്ക് നേടി കേരളത്തിന്റെ അഭിമാനമായി ശ്രീധന്യ സുരേഷ് മാറിയിരുന്നു. സിവില്‍ സര്‍വീസ് പരീക്ഷ ജയിച്ച്‌ ചരിത്രംകുറിച്ച വയനാട്ടിലെ ശ്രീധന്യ കേരളത്തിന്റെ തന്നെ അഭിമാനമാവുകയാണ്. കേരളത്തില്‍ ആദിവാസി വിഭാഗത്തില്‍നിന്ന് സിവില്‍ സര്‍വീസ് പരീക്ഷ ജയിക്കുന്ന ആദ്യത്തെ ആളാണ് ശ്രീധന്യ സുരേഷ്. കടുത്ത സാമ്ബത്തിക പ്രതിസന്ധിയും ജീവിത പ്രാരാബ്ധങ്ങളും മറികടന്ന് ശ്രീധന്യ തിളക്കമാര്‍ന്ന നേട്ടം കൈവരിച്ചത് വലിയ വാര്‍ത്തയായിരുന്നു. വയനാട് ഇടിയംവയല്‍ കോളനിയിലെ സുരേഷ്-കമല ദമ്ബതികളുടെ മകളാണ്. തരിയോട് നിര്‍മല ഹൈസ്‌കൂളില്‍ നിന്ന് പ്രാഥമിക വിദ്യാഭ്യാസം നേടിയ ശ്രീധന്യ കോഴിക്കോട് ദേവഗിരി കോളേജില്‍ നിന്ന് സുവോളജിയില്‍ ബിരുദമെടുത്തു. കാലിക്കറ്റ് സര്‍വകലാശാലയില്‍ നിന്ന് ബിരുദാനന്തര ബിരുദം പൂര്‍ത്തിയാക്കിയ ശേഷം ശ്രീധന്യ സിവില്‍ സര്‍വ്വീസിലേക്ക് ചുവടുവെച്ചു. ചിട്ടയോടു കൂടിയ പഠനത്തിലൂടെയുള്ള തയ്യാറെടുപ്പും ആത്മവിശ്വാസവുമാണ്…

തിരുവനന്തപുരം: വിദേശത്തുനിന്നു തിരിച്ചെത്തുന്ന മലയാളിളെ സര്‍ക്കാര്‍ നിരീക്ഷണത്തില്‍ 14 ദിവസമാക്കി താമസിപ്പിക്കാന്‍ ആലോചന. സര്‍ക്കാര്‍ നിയന്ത്രണത്തില്‍ തന്നെ 14 ദിവസവും നിരീക്ഷണം ഏര്‍പ്പെടുത്തണമെന്ന കര്‍ശന നിര്‍ദേശം കേന്ദ്ര സര്‍ക്കാര്‍ നല്‍കിയിരുന്നു. ഇതിന് പിന്നാലെ‌ ഇന്ന് ചേര്‍ന്ന മന്ത്രിസഭായോഗത്തില്‍ പുനരാലോചന ഉണ്ടായി. ഉന്നതതല അവലോകന യോഗത്തിന് ശേഷം അന്തിമ തീരുമാനം എടുക്കും. ചൊവ്വാഴ്ച വാര്‍ത്താസമ്മേളനത്തില്‍ മുഖ്യമന്ത്രി പറഞ്ഞത് ഏഴ് ദിവസം സര്‍ക്കാര്‍ നിരീക്ഷണത്തിലും തുടര്‍ന്ന് പ്രശ്നങ്ങളൊന്നുമില്ലെങ്കില്‍ വീടുകളിലേക്കയക്കുമെന്നായിരുന്നു. വീട്ടില്‍ ഏഴ് ദിവസം നിരീക്ഷണത്തില്‍ കഴിയണമെന്നും മുഖ്യമന്ത്രി പറഞ്ഞിരുന്നു. എന്നാല്‍ ഇതിന് പിന്നാലെ കേന്ദ്ര സര്‍ക്കാര്‍ നിര്‍ദേശം 14 ദിവസം നിര്‍ബന്ധിത നിരീക്ഷണം ആണെന്ന് വിദേശകാര്യ സഹമന്ത്രി വി.മുരളീധരന്‍ വ്യക്തമാക്കി.