ഹൈദരാബാദ്: സാനിറ്റൈസറുമായി പോയ ലോറിയില്‍ വന്‍ തീപിടിത്തം. തെലുങ്കാനയിലാണ് സംഭവം. തീപിടുത്തത്തില്‍ 5,000 ലിറ്റര്‍ ഓളം സാനിറ്റൈസര്‍ ആണ് കത്തി നശിച്ചത്. ഹൈദരാബാദിനടുത്തെ മിയാപുരില്‍ വെച്ചാണ് ലോറിയില്‍ തീപിടിച്ചത്. എന്നാല്‍ അപകടത്തില്‍ ആളപായമില്ലെന്നാണ് വിവരം.
അപകട വിവരമറിഞ്ഞ് ഒന്നിലേറ അഗ്നിശമന സേനാ യൂണിറ്റുകള്‍ സ്ഥലത്തെത്തിയാണ് തീയണച്ചത്. സംഭവത്തിന്റെ കൂടുതല്‍ വിവരങ്ങള്‍ പുറത്തുവന്നിട്ടില്ല. ഇന്ന് രാവിലെയായിരുന്നു അപകടം.
