നിനച്ചിരിക്കാത്ത നേരത്താണ് ഡോക്ടർ നാദിയ ചൗധരിയെത്തേടി ആ ദുരന്തം എത്തുന്നത്. ഗർഭാശയ കാൻസറിന്റെ അവസാന ഘട്ടത്തിലാണ് നാദിയ താൻ കാൻസർ ബാധിതയാണെന്ന് തിരിച്ചറിയുന്നത്. കാൻസറിനെ പൊരുതിത്തോൽപ്പിക്കാൻ ശ്രമിച്ചെങ്കിലും അപ്പോഴേക്കും കാൻസർ നാദിയയെ കീഴടക്കിക്കഴിഞ്ഞിരുന്നു. ഇപ്പോഴിതാ മരണം മുന്നിൽക്കാണുന്ന നാദിയ തന്റെ ജീവിതത്തിന്റെ അവസാനഘട്ടമെത്തിയെന്ന് മകനോട് പറയുന്നതിനെക്കുറിച്ചാണ് സോഷ്യൽ മീഡിയയിൽ പങ്കുവെച്ചിരിക്കുന്നത്. “ഇന്ന് എന്റെ മകനോട് ഞാൻ കാൻസർ മൂലം മരിക്കാൻ പോകുന്നുവെന്ന വിവരം പറയും. ആ വിവരം അവൻ എന്നിൽ നിന്ന് കേൾക്കേണ്ട സമയം ആയിരിക്കുന്നു. ഇപ്പോൾ ഞാൻ കരയും, പക്ഷെ അവനോട് ഈ കാര്യം പറയുമ്പോൾ ഞാൻ ധൈര്യശാലിയായിരിക്കും. ഇപ്പോൾ ഞാൻ ദുഖത്താൽ നിലവിളിക്കും എങ്കിൽ മാത്രമേ അവനെ സമാധാനിപ്പിക്കാൻ എനിക്ക് കഴിയൂ”. മകനൊപ്പമുള്ള ചിത്രം പങ്കുവെച്ചുകൊണ്ട് നാദിയ കുറിച്ചു. അതേസമയം ഈ വിവരം മകനോട് പങ്കുവെച്ച ശേഷം മകൻ തന്നെ കെട്ടിപ്പിടിച്ച് ആശ്വസിപ്പിച്ചു എന്നും…
കാൻസാറാണ്, ജീവിതത്തിന്റെ അവസാന നിമിഷങ്ങളെക്കുറിച്ച് മകനെ അറിയിച്ച് ‘അമ്മ; ഹൃദയം തൊട്ട് കുറിപ്പ്
