കൊട്ടാരക്കര: നെടുവത്തൂര്‍ പഞ്ചായത്ത്‌ അഞ്ചാം വാര്‍ഡിലെ ബി.ജെ.പി സ്ഥാനാര്‍ഥി സി. അജീവ്കുമാറിനെ (സുന്ദരി) കാണ്മാനില്ലെന്ന് പരാതി.
തെരഞ്ഞെടുപ്പില്‍ ബി.ജെ.പി സ്ഥാനാര്‍ഥിയായി പ്രചാരണം നടത്തുന്നതിനിടയില്‍ അഞ്ചുദിവസമായി ഇയാളെ കാണാനില്ലെന്ന് ബന്ധുക്കള്‍ പൊലീസിന് നല്‍കിയ പരാതിയില്‍ പറയുന്നു.
അഞ്ചുദിവസം മുമ്ബ്് വരെ വീടുകള്‍ കയറി വോട്ടര്‍മാരെ കാണാനും പ്രചാരണത്തിനുമെല്ലാം സജീവമായിരുന്ന അജീവ് കുമാര്‍ പെട്ടെന്ന് അപ്രത്യക്ഷനാകുകയായിരുന്നു.
തിരികെയെത്തുമെന്ന പ്രതീക്ഷയിലായിരുന്നു ബന്ധുക്കളും പാര്‍ട്ടി പ്രവര്‍ത്തകരും. തെരഞ്ഞെടുപ്പ് പ്രചാരണം അവസാനിച്ച ഇന്നലെയും ഇയാള്‍ എത്തിച്ചേരാതിരുന്നതിനെ തുടര്‍ന്നാണ് ബന്ധുക്കള്‍ കൊട്ടാരക്കര പൊലീസില്‍ പരാതി നല്‍കിയത്. പൊലീസ് അന്വേഷണം ആരംഭിച്ചു.
