കൊവിഡ് ബാധിതന്‍ കളമശേരി മെഡിക്കല്‍ കോളജ് ആശുപത്രിയില്‍ മരിച്ച സംഭവത്തില്‍ പൊലീസ് അന്വേഷണം തുടങ്ങി. പൊലീസ് ഹാരിസിന്റെ മരണ സമയത്തെ ഡ്യൂട്ടി ഷിഫ്റ്റ് ആവശ്യപ്പെട്ടു.കൂടാതെ ആശുപത്രിയിലെ ഇതര ജീവനക്കാരുടേയും ഡോക്ടേഴ്‌സിന്റേയും മൊഴിയെടുക്കും.ആശുപത്രി ജീവനക്കാരുടെ ചികിത്സാ വീഴ്ചയെ തുടര്‍ന്ന് മരണപ്പെട്ടത് മെഡിക്കല്‍ കോളജ് ആശുപത്രിയില്‍ ചികിത്സയിലായിരുന്ന കൊച്ചി സ്വദേശി ഹാരിസാണ്. രോഗി മരിച്ചത് ഓക്‌സിജന്‍ ലഭിക്കാതെയാണെന്നുള്ള നഴ്‌സിംഗ് ഓഫീസര്‍ വെളിപ്പെടുത്തുന്ന ശബ്ദ സന്ദേശം വലിയ വിവാദങ്ങള്‍ക്ക് വഴിവച്ചിരുന്നു. ഇത്തരത്തിലുള്ള സംഭവങ്ങള്‍ മെഡിക്കല്‍ കോളജില്‍ മുന്‍പും ഉണ്ടായിട്ടുണ്ടെന്നും നഴ്‌സിംഗ് ഓഫീസര്‍ വെളിപ്പെടുത്തിയിരുന്നു. നഴ്‌സിംഗ് ഓഫീസറെ ശബ്ദ സന്ദേശം പുറത്തുവന്നതിന് പിന്നാലെ സസ്‌പെന്‍ഡ് ചെയ്തു. ആരോഗ്യമന്ത്രി സംഭവത്തില്‍ അന്വേഷണത്തിന് ഉത്തരവിടുകയും ചെയ്തിരുന്നു.
കളമശേരി മെഡിക്കല്‍ കോളജില്‍ കൊവിഡ് ബാധിതന്‍ മരിച്ച സംഭവത്തില്‍ പൊലീസ് അന്വേഷണം തുടങ്ങി
