ബോളിവുഡിലെ ആദ്യ ചിത്രം റിലീസിന് ഒരുങ്ങുന്നതിനിടെ ഗ്ലാമറസ് ലുക്കില്‍ എത്തി ആരാധകരെ അമ്ബരപ്പിക്കുകയാണ് നടി പ്രിയ വാര്യര്‍. ഡീപ്പ്നെക്ക് ലെഹങ്കയിലുള്ള താരത്തിന്റെ ഫോട്ടോഷൂട്ട് ചിത്രങ്ങളായി സോഷ്യല്‍ മീഡിയയില്‍ വൈറലാവുന്നത്. ലെഹങ്കയും ആഭരണങ്ങളും അണിഞ്ഞ് അതിസുന്ദരിയായാണ് താരം എത്തുന്നത്.
ഹാന്‍ഡ് പ്രിന്റ‍ഡ്, എബ്രോയിഡേര്‍ഡ് ലെഹങ്കയും ചോളിയുമാണ് താരത്തിന്റെ വേഷം. നെക്ക്ലൈനാണ് വസ്ത്രത്തെ ആകര്‍ഷകമാക്കുന്നത്. ധാഗ കി കഹാനിയുടേതാണ് വസ്ത്രം.
തലയില്‍ പൂവു ചൂടി വളരെ സിംപിള്‍ മേക്കപ്പിലാണ് പ്രിയ. എന്തായാലും ആരാധകരുടെ മനസു കീഴടക്കുകയാണ് ചിത്രങ്ങള്‍. രാജകുമാരിയെ പോലെയുണ്ടെന്നാണ് ആരാധകരുടെ കമന്റ്. സെലിബ്രിറ്റീസ് ഉള്‍പ്പടെ നിരവധി പേര്‍ പ്രശംസയുമായി എത്തി.
ഇതിന് മുന്‍പ് ബ്ലാക്ക് ഗൗണിലുള്ള പ്രിയയുടെ ഫോട്ടോഷൂട്ടും ശ്രദ്ധ നേടിയിരുന്നു. ബ്ലാക്ക് ആന്‍ഡ് വൈറ്റിലുള്ള ചിത്രത്തിലും അതിസുന്ദരിയായിരുന്നു താരം. പ്രിയ പ്രധാന വേഷത്തില്‍ എത്തുന്ന ശ്രീദേവി ബംഗ്ലായുടെ ട്രെയിലര്‍ അടുത്തിടെയാണ് പുറത്തുവന്നത്.
ചിത്രത്തില്‍ സിനിമ താരത്തിന്റെ റോളിലാണ് പ്രിയ എത്തുന്നത്. മികച്ച അഭിപ്രായമാണ് ട്രെയിലറിന് ലഭിച്ചത്. അത് കൂടാതെ കന്നഡ, തെലുങ്ക് സിനിമയിലും ശ്രദ്ധേയയാവുകയാണ് താരം.
