ടോയോട്ടയുടെ ഇന്നോവ ക്രിസ്റ്റക്ക് വെല്ലുവിളി ഉയര്‍ത്താന്‍ കിയ കാര്‍ണിവല്‍ ഇന്ത്യന്‍ വിപണിയിലേക്ക്. 2020ല്‍ മോഡല്‍ ഇന്ത്യയില്‍ അവതരിച്ചേക്കും. സെല്‍റ്റോസിന് പിന്നാലെ ഇന്ത്യന്‍ വിപണയിലെത്തുന്ന കിയയുടെ മോഡലാണ് കാര്‍ണിവെല്‍.
പ്രാദേശികമായി ലഭ്യമാക്കുന്ന ഘടകങ്ങള്‍ ഉപയോഗിച്ചാണ് നിര്‍മാണം നടത്തുന്നത്. അതുവഴി വില പരമാവധി കുറക്കാമെന്ന് കമ്ബനി കണക്ക് കൂട്ടുന്നു. ആന്ധ്രാപ്രദേശിലെ അനന്ദ്പൂര്‍ പ്ലാന്‍റിലാണ് കിയ കാര്‍ണിവല്ലിന്‍െറ നിര്‍മാണം നടത്തുന്നത്. ഇന്നോവ ക്രിസ്റ്റയുമായി താരത്മ്യം ചെയ്യുേമ്ബാള്‍ കാര്‍ണിവല്ലിന് നീളവും വീതിയും വീല്‍ബേസും കൂടുതലാണ്. ഇതുമൂലം കൂടുതല്‍ കാബിന്‍ സ്പേസ് കാര്‍ണിവല്ലില്‍ നിന്ന് പ്രതീക്ഷിക്കാം.
ഇരട്ട സണ്‍റൂഫ്, മൂന്നു മേഖലകളായി തിരിച്ച ക്ലൈമറ്റ് കണ്‍ട്രോള്‍, ഫ്രണ്ട്-കര്‍ട്ടന്‍ എയര്‍ബാഗ്, മള്‍ട്ടിപ്പിള്‍ യു.എസ്.ബി ചാര്‍ജിങ് പോര്‍ട്ട് തുടങ്ങിയ സൗകര്യങ്ങളെല്ലാം വാഹനത്തില്‍ ഉണ്ടാകും. ബി.എസ് 6 നിലവാരത്തിലുള്ള 2.2 ലിറ്റര്‍ സി.ആര്‍.ഡി.ഐ വി.ജി.ടി ഡീസല്‍ എന്‍ജിനാണ് മോഡലിലുണ്ടാകുക.
202 പി.എസ് പവറും 440 എന്‍.എം ടോര്‍ക്കുമാണ് എന്‍ജിനില്‍ നിന്ന് പ്രതീക്ഷിക്കാവുന്ന പരമാവധി കരുത്ത്. ആറ് സ്പീഡ് മാനുവല്‍ അല്ലെങ്കില്‍ എട്ട് സ്പീഡ് ഓട്ടോമാറ്റിക് ആയിരിക്കും ട്രാന്‍സ്മിഷന്‍. ഏകദേശം 22 മുതല്‍ 30 ലക്ഷം വരെയായിരിക്കും കിയ കാര്‍ണിവല്ലിന്‍െറ ഇന്ത്യയില്‍ പ്രതീക്ഷിക്കുന്ന വില.
