ബോളിവുഡ് താരം സുശാന്ത് സിംഗ് രാജ്പുതിന്റെ മരണവുമായി ബന്ധപ്പെട്ട വിവാദങ്ങള്‍ അവസാനിക്കുന്നില്ല. താരത്തിന്‌‍റെ കാമുകി റിയ ചക്രബര്‍ത്തിയും കുടുംബവുമാണ് സംശയത്തിന്റെ നിഴലിലുള്ളത്. സിബിഐയും എന്ഫോഴ്സ്മെന്റ് ഡയറക്ടറേറ്റും കേസ് അന്വേഷിക്കുകയാണ്.
ഇപ്പോഴിതാ റിയയുടെ ഫോണ്‍ വിളിയുടെ കൂടുതല്‍ വിവരങ്ങള്‍ പുറത്തു വന്നിരിക്കുന്നു. സിനിമാ രംഗത്തു നിന്നുള്ള നിരവധി പ്രമുഖരെ റിയ വിളിച്ചിട്ടുണ്ടെന്ന് ഫോണ്‍ രേഖകള്‍ വ്യക്തമാക്കുന്നുണ്ട്. ബോളിവുഡ് സൂപ്പര്‍ താരം ആമിര്‍ഖാന്‍, ശ്രദ്ധകപൂര്‍, രാകുല്‍ പ്രീത് സിംഗ്, ആദിത്യ റോയ് കപൂര്‍, റാണാ ദഗുബാട്ടി, സണ്ണി സിംഗ്, അന്തരിച്ച ഡാന്‍സ് മാസ്റ്റര്‍ സരോജ് ഖാന്‍ എന്നിവരെ റിയ വിളിച്ചതായി ഫോണ്‍ രേഖകള്‍ വ്യക്തമാക്കുന്നുണ്ട്. ആമിര്‍ഖാനെ ഒരു തവണയാണ് റിയ വിളിച്ചത്. മൂന്ന് സന്ദേശങ്ങള്‍ ആമിര്‍ഖാന്‍ റിയയ്ക്ക് അയച്ചിട്ടുണ്ട്. കോള്‍ ഡീറ്റെയ്‍ല്‍സ് റെക്കോര്‍ഡിലുള്ള നമ്ബര്‍ ആമിര്‍ഖാന്റേതാണെന്ന് ബോളിവുഡ് വൃത്തങ്ങള്‍ ഐഎഎന്‍എസിനോട് വ്യക്തമാക്കിയിട്ടുണ്ട്.
സുശാന്തിന്റെ മരണവുമായി ബന്ധപ്പെട്ട് ഖാന്‍ ത്രയങ്ങള്‍ ഇതുവരെ ഒരു വാക്കു പോലും പ്രതികരിച്ചിരുന്നില്ല. ഇതിനിടെയാണ് ആമിര്‍ഖാന്റെ നമ്ബര്‍ റിയ ആമിറിനെ വിളിച്ചതിന്റെ വിവരങ്ങള്‍ പുറത്തു വന്നിരിക്കുന്നത്.
രാകുല്‍ പ്രീതിനെ റിയ 30 തവണ വിളിച്ചിട്ടുണ്ട്. രാകുല്‍ പ്രീത് സിംഗ് റിയയെ 14 തവണ വിളിച്ചു. ഇരുവരും തമ്മില്‍ രണ്ട് മെസേജുകളും അയച്ചിട്ടുണ്ട്. ആഷിഖ്വി2 താരം ആദിത്യ റോയ് കപൂറിനെ റിയ 16 തവണ വിളിച്ചു. ഏഴ് തവണ ആദിത്യ റോയ് കപൂര്‍ റിയയെ വിളിച്ചിട്ടുണ്ട്.
ശ്രദ്ധ കപൂറിനെ റിയ മൂന്ന് തവണയും ശ്രദ്ധ റിയയെ രണ്ട് തഴണയും വിളിച്ചതായി വ്യക്തമാണ്. സണ്ണി സിംഗിനെ ഏഴ് തവണയാണ് റിയ വിളിച്ചത്. നാല് തവണ സണ്ണി സിംഗ് റിയയെ വിളിച്ചിട്ടുണ്ട്.
കഴിഞ്ഞ മാസം അന്തരിച്ച ഡാന്‍സ് മാസ്റ്റര്‍ സരോജ് ഖാനെയും റിയ വിളിച്ചിരുന്നു. മൂന്ന തവണയാണ് റിയ സരോജ് ഖാനെ വിളിച്ചത്. സരോജ് ഖാന്‍ രണ്ട് തവണ റിയയെ വിളിച്ചിട്ടുണ്ട്. ഇരുവരും തമ്മില്‍ ഒരു എസ്‌എംഎസും അയച്ചിട്ടുണ്ട്.
റിയ മഹേഷ് ഭട്ടിനെ വിളിച്ചതിന്റെ വിവരങ്ങള്‍ നേരത്തെ പുറത്തു വന്നിരുന്നു. ജനുവരിയില്‍ 16 തവണയാണ് ഇരുവരും പരസ്പരം വിളിച്ചത്. ഒമ്ബത് തവണ റിയയും ഏഴ് തവണ മഹേഷ് ഭട്ടും വിളിച്ചതായി രേഖകള്‍ വ്യക്തമാക്കുന്നു.
സുശാന്ത് സിംഗ് രാജ്പുതിന്റെ മരണവുമായി ബന്ധപ്പെട്ട് പിതാവ് നല്‍കിയ പരാതിയിലാണ് അന്വേഷണം നടക്കുന്നത്. എന്ഫോഴ്സ്മെന്റ് രണ്ട തവണ റിയയുടെ മൊഴി രേഖപ്പെടുത്തി. റിയയുടെ സഹോദരന്‍ ഷോവിക്, അച്ഛന്‍ ഇന്ദ്രജിത് എന്നിവരുടെ മൊഴി ഓരോ തവണയും റിയയുടെ മുന്‍ മാനേജര്‍ ശ്രുതി മോദിയുടെ മൊഴി മൂന്ന് തവണയും എന്‍ ഫോഴ്സ്മെന്റ് രേഖപ്പെടുത്തിയിട്ടുണ്ട്.
കൂടാതെ സുശാന്തിന്റെ വീടിന്റെ മാനേജര്‍ സാമുവല്‍ മിരാണ്ടയുടെ മൊഴി രണ്ട് തവണയുംറിയയുടെ ചാര്‍ട്ടേഡ് അക്കൗണ്ടന്റ് റിതേഷ് ഷാ, സുശാന്തിന്റെ ചാര്‍ട്ടേഡ് അക്കൗണ്ടന്റ് സന്ദീപ് ശ്രീധര്‍, സുശാന്തിന്‍രെ സഹോദരി മിതു സിംഗ് എന്നിവരുടെ മൊഴിയും എന്‍ഫോഴ്സ് മെന്റ് രേഖപ്പെടുത്തി.
