ആലപ്പുഴ: കാര്‍ത്തികപ്പള്ളിയില്‍ 12 വയസുകാരി ഹര്‍ഷ എന്ന പെണ്‍കുട്ടിയെ തൂങ്ങി മരിച്ച നിലയില്‍ കണ്ടെത്തിയ സംഭവത്തില്‍. കുട്ടിയിടെ അമ്മ അശ്വതിയെ അറസ്റ്റ് ചെയ്യണമെന്ന് ആവശ്യപ്പെട്ട് നാട്ടുകാരുടെ പ്രതിഷേധം. അമ്മയുടെ നിരന്തരമായ പീഡനമാണ് മരണത്തിന് പിന്നിലെന്നാണ് നാട്ടുകാര്‍ ആരോപിക്കുന്നത്. അറസ്റ്റ് ചെയ്യണമെന്ന ആവശ്യം ഉന്നയിച്ചു മരിച്ച ഹര്‍ഷയുടെ വീടിനു മുന്നില്‍ റോഡ് നാട്ടുകാര്‍ ഉപരോധിച്ചു.ഏറെ നാളായി അമ്മ മകളെ മാനസികവും ശാരീരികവുമായ പീഡനത്തിന് വിധേയമാക്കിയിരുന്നു. ചൈല്‍ഡ് ലൈനിലും പിങ്ക് പൊലീസ് അടക്കം രേഖാമൂലം പരാതി നല്‍കിയതാണെന്നും നാട്ടുകാര്‍ പറയുന്നു. എന്നാല്‍ മരണത്തില്‍ അസ്വാഭാവികതയില്ലെന്ന പൊലീസ് വ്യക്തമാക്കുന്നത്‌.വിശദമായ അന്വേഷണം നടത്തിയ ശേഷം ആവശ്യമെങ്കില്‍ അമ്മയെ അറസ്റ്റ് ചെയ്യുമെന്ന് പൊലീസ് അറിയിച്ചു.
12 വയസുകാരി ഹര്‍ഷയുടെ ആത്മഹത്യ; അമ്മ അശ്വതിയെ അറസ്റ്റ് ചെയ്യണമെന്നാവശ്യപ്പെട്ട് നാട്ടുകാരുടെ പ്രതിഷേധം; വിശദമായ അന്വേഷണത്തിന് ശേഷം വേണ്ടി വന്നാല്‍ അറസ്റ്റെന്ന് പോലീസ്
