കോട്ടയം: മൂവാറ്റുപുഴയില്‍ സഹോദരിയെ പ്രണയിച്ചതിന് ദളിത് യുവാവിനെ വെട്ടികൊല്ലാന്‍ ശ്രമിച്ച കേസില്‍ പെണ്‍കുട്ടിയുടെ സഹോദരന്റെ അറസ്റ്റ് ഇന്ന് രേഖപ്പെടുത്തും. പ്രതി മൂവാറ്റുപുഴ സ്വദേശി ബേസില്‍ എല്‍ദോസിനെ കഴിഞ്ഞ ദിവസം രാത്രി പൊലീസ് നഗരത്തിലെ ആളൊഴിഞ്ഞെ കെട്ടിടത്തില്‍ നിന്ന് പിടികൂടിയിരുന്നു. അഖിലിനെ വെട്ടിപ്പരിക്കേല്‍പ്പിച്ച കവലയില്‍ ചൊവ്വാഴ്ച ബേസിലിനെ കൊണ്ടുവന്ന് തെളിവെടുപ്പ് നടത്തും. സഹോദരിയുമായി പ്രണയത്തിലായ അഖില്‍ ശിവനെ കഴിഞ്ഞ ഞായറാഴ്ച വൈകീട്ടാണ് ബേസില്‍ റോഡില്‍ വച്ച്‌ വെട്ടിയത്. തലയ്ക്കും കൈയ്ക്കും സാരമായി പരിക്കേറ്റ അഖില്‍ കോട്ടയം മെഡിക്കല്‍ കോളേജില്‍ ഇപ്പോഴും ചികിത്സയിലാണ്.
ദുരാഭിമാന വധശ്രമം; പ്രതിയുടെ അറസ്റ്റ് ഇന്ന്
