ഹോണര്‍ ചൈനയില്‍ പുതിയ 5 ജി ഫോണുകള്‍ അവതരിപ്പിച്ചു. ഹോണര്‍ പ്ലേ 4, ഹോണര്‍ പ്ലേ 4 പ്രോ എന്നിവയാണ് അവതരിപ്പിച്ചത്.ആധുനിക പഞ്ച്-ഹോള്‍ ഡിസ്‌പ്ലേ ഡിസൈന്‍ വാഗ്ദാനം ചെയ്യുന്നുണ്ട്. പ്രോ വേരിയന്റില്‍ ഡ്യുവല്‍ റിയര്‍ ക്യാമറകളും സ്റ്റാന്‍ഡേര്‍ഡ് പതിപ്പില്‍ നാല് ക്യാമറകളും പിന്നിലുണ്ട്. രണ്ട് ഫോണുകളിലും 4,000 എംഎഎച്ചില്‍ ബാറ്ററിയുണ്ട്, കൂടാതെ അതിവേഗ ചാര്‍ജിംഗിനെ പിന്തുണയ്ക്കുകയും ചെയ്യുന്നു.
ഹോണര്‍ പ്ലേ 4 പ്രോയ്ക്ക് ഇന്ത്യയില്‍ വരുന്ന വില ഏകദേശം 30,730 രൂപയാണ്. 20: 9 വീക്ഷണാനുപാതമുള്ള 6.57 ഇഞ്ച് ഫുള്‍ എച്ച്‌ഡി + ടിഎഫ്ടി ഡിസ്‌പ്ലേയാണ് ഇതിലുള്ളത്. ഫോണിന്റെ പിന്‍ഭാഗത്ത് രണ്ട് ക്യാമറകളുണ്ട്.റിയര്‍ പാനലില്‍ എഫ് / 1.8 ലെന്‍സുള്ള 40 മെഗാപിക്സല്‍ പ്രൈമറി സെന്‍സറും എഫ് / 2.4 ലെന്‍സുള്ള 8 മെഗാപിക്സല്‍ സെന്‍സറും ഉള്‍പ്പെടുന്നു.
ഫുള്‍ എച്ച്‌ഡി + പിക്‌സല്‍ റെസല്യൂഷനോടുകൂടിയ 6.81 ഇഞ്ച് ഐപിഎസ് എല്‍സിഡി ഡിസ്‌പ്ലേയാണ് പുതുതായി അവതരിപ്പിച്ച ഹോണര്‍ പ്ലേ 4. ബാക്ക് ക്യാമറ സജ്ജീകരണത്തില്‍ എഫ് / 1.89 ലെന്‍സുള്ള 64 മെഗാപിക്സല്‍ സെന്‍സറും എഫ് / 2.2 വൈഡ് ആംഗിള്‍ ലെന്‍സുള്ള 8 മെഗാപിക്സല്‍ സെന്‍സറും ഉള്‍പ്പെടുന്നു. എഫ് / 2.4 ലെന്‍സുള്ള രണ്ട് 2 മെഗാപിക്സല്‍ സെന്‍സറുകളും ഉണ്ട്. മുന്‍വശത്ത് 16 മെഗാപിക്സല്‍ ക്യാമറയുണ്ട്.
