സാവോപോളോ: ലാറ്റിനമേരിക്കന് രാജ്യമായ ബ്രസീല് പുതിയ കോവിഡ് വ്യാപന കേന്ദ്രമാവുന്നു. ബ്രസീലില് 24 മണിക്കൂറിനിടെ 881 പേരാണ് കോവിഡ് ബാധിച്ച് മരിച്ചത്.
ഇതോടെ കോവിഡില് ജീവന് നഷ്ടമായവരുടെ എണ്ണം 12,400 ആയി. രോഗബാധിതരുടെ എണ്ണം 1,77,589 ഉം. രോഗബാധിതരുടെ എണ്ണത്തില് ജര്മനിയെയും ഫ്രാന്സിനെയും മറികടന്നിരിക്കയാണ് ബ്രസീല്.
ഏതാനും ദിവസങ്ങള്ക്കിടെയാണ് ബ്രസീലില് രോഗബാധിതരുടെ എണ്ണം കുത്തനെ ഉയര്ന്നത്. രാജ്യത്ത് കോവിഡ് ബാധിതരുടെ എണ്ണം വര്ധിക്കുേമ്ബാഴും ലോക്ഡൗണിനെതിരെയാണ് പ്രസിഡന്റ് ജയ്ര് ബൊല്സൊനാരോ.
കോവിഡിനെക്കാളും വലിയ പ്രതിസന്ധിയാണ് വിപണി അടച്ചിടുന്നതു മൂലമെന്നാണ് ബൊല്സൊനാരോയുടെ അഭിപ്രായം.