കോട്ടയം: വാകത്താനത്ത് കാർ കത്തി ഗുരുതരമായി പൊള്ളലേറ്റ് ചികിത്സയിലായിരുന്നയാൾ മരിച്ചു.
മുണ്ടക്കയം ചോറ്റി സ്വദേശി മൂന്നു വർഷത്തോളമായി വാകത്താനത്ത് താമസിക്കുന്ന വാകത്താനം പാണ്ടൻചിറ ഓട്ടക്കുന്ന് വീട്ടിൽ സാബു (57) ആണ് മരിച്ചത്.
അപകടത്തിൽ ഗുരുതരമായി പൊള്ളലേറ്റ സാബു കോട്ടയം മെഡിക്കൽ കോളേജ് ആശുപത്രിയിൽ ചികിത്സയിലായിരുന്നു. ബുധനാഴ്ച പുലർച്ചെയോടെയാണ് മരണം സംഭവിച്ചത്.
ചൊവ്വാഴ്ച രാവിലെയാണ് പൊങ്ങന്താനം റോഡിൽ പിആർഡിഎസ് മന്ദിരത്തിന് സമീപം ഓടിക്കൊണ്ടിരുന്ന കാറിന് തീപിടിച്ച് സാബുവിന് ഗുരുതരമായി പൊള്ളലേറ്റത്.
ഇദ്ദേഹം സഞ്ചരിച്ച ഐടെൻ കാറിനാണ് തീപിടിച്ചത്. യാത്ര കഴിഞ്ഞു വീടിനു സമീപമെത്തിയപ്പോൾ കാറിന് വലിയ ശബ്ദത്തോടെ കാറിന് തീപിടിക്കുകയായിരുന്നു.
കാർ പൂർണമായും കത്തിനശിച്ചു.ഗുരുതരമായി പൊള്ളലേറ്റ സാബുവിനെ നാട്ടുകാരുടെ സഹായത്തോടെയാണ് ഏറെനേരത്തെ ശ്രമഫലമായാണ് പുറത്തെടുത്തത്.
80 ശതമാനത്തോളം പൊള്ളലേറ്റ സാബുവിനെ കോട്ടയം മെഡിക്കൽ കോളേജ് ആശുപത്രി ഐസിയുവിലാണ് പ്രവേശിപ്പിച്ചിരുന്നത്. ഷോട്ട് സർക്യൂട്ടാ ണ് അപകടത്തിനു കാരണമെന്നാണ് പ്രാഥമിക നിഗമനം.
ഫയർ ഫോഴ്സ് എത്തിയാണ് തീയണച്ചത്.
