നിലമ്ബൂര്‍: അമ്ബത്തിയഞ്ചുകാരിയെ പീഡിപ്പിക്കുകയും മാരകമായി ദേഹോപദ്രവവുമേല്‍പ്പിക്കുകയും ചെയ്ത കേസില്‍ പതിനേഴുകാരന്‍ അറസ്റ്റില്‍.
മമ്ബാട് സ്വദേശിനിയാണ് പീഡനത്തിനിരയായത്.
കഴിഞ്ഞ ദിവസം ഉച്ചയ്ക്ക് ഭര്‍ത്താവ് പുറത്തു പോയ സമയത്തു ഒറ്റയ്ക്കായിരുന്ന സ്ത്രീയുടെ വീട്ടിലേക്കു യുവാവ് പിന്‍വാതിലിലൂടെയെത്തി പീഡിപ്പിക്കുകയും ചുറ്റിക കൊണ്ടു തലക്കടിച്ചു ദേഹോപദ്രവം ഏല്‍പ്പിക്കുകയായിരുന്നു. തുടര്‍ന്ന് വീട്ടിലുണ്ടായിരുന്ന രണ്ടു മൊബൈല്‍ ഫോണുകളുമായി പ്രതി രക്ഷപ്പെട്ടു.
സംഭവത്തെ തുടര്‍ന്ന് ഗുരുതരമായി പരിക്കേറ്റ വീട്ടമ്മ മഞ്ചേരി മെഡിക്കല്‍ കോളജ് ആശുപത്രിയില്‍ ചികിത്സയിലാണ്. രക്ഷപ്പെട്ട പ്രതിയെ കൊണ്ടോട്ടി ബസ് സ്റ്റാന്‍ഡ് പരിസരത്ത് വച്ചാണ് പൊലീസ് പിടികൂടിയത്.
ബൈക്ക് വാങ്ങാന്‍ പണം കണ്ടെത്താനാണ് മോഷണത്തിനെത്തിയത്. ഇതിനിടെയാണ് വീട്ടമ്മയ്ക്ക് പീഡനം ഏല്‍ക്കേണ്ടിവന്നത്. സംഭവ സ്ഥലം ഉയര്‍ന്ന ഉദ്യോഗസ്ഥരും ശാസ്ത്രീയ കുറ്റാന്വേഷണ വിഭാഗവും സന്ദര്‍ശിച്ചു തെളിവുകള്‍ ശേഖരിച്ചു.
