അമ്ബലപ്പുഴ: പോക്കറ്റില്‍ സൂക്ഷിച്ചിരുന്ന മൊബൈല്‍ ഫോണ്‍ ചൂടായി പൊട്ടിത്തെറിച്ച്‌ വിദ്യാര്‍ഥിക്കു പരിക്ക്.
പുറക്കാട് പഞ്ചായത്ത് 15-ാം വാര്‍ഡ് ഇല്ലത്തുപറമ്ബില്‍ രാജുവിന്‍റെ മകന്‍ അമല്‍ രാജിനാണ് പരിക്കേറ്റത്.
തിങ്കളാഴ്ച ഉച്ചയ്ക്ക് ചേര്‍ത്തല 11-ാം മൈലിനു സമീപമായിരുന്നു അപകടം. ചേര്‍ത്തലയില്‍ പോളിടെക്നിക് വിദ്യാര്‍ഥിയാണ് അമല്‍ രാജ്. പരീക്ഷയ്ക്കു ശേഷം സ്കൂട്ടറില്‍ വീട്ടിലേക്കു മടങ്ങുകയായിരുന്നു അമല്‍. ഈ സമയം പാന്‍റിന്‍റെ പോക്കറ്റില്‍ സൂക്ഷിച്ചിരുന്ന ഫോണ്‍ ചൂടായി പൊട്ടിത്തെറിക്കുകയായിരുന്നു. അപകടത്തില്‍ തുടയ്ക്കും കൈക്കും സാരമായി പരിക്കേറ്റ അമല്‍ രാജ് ചേര്‍ത്തല താലൂക്ക് ആശുപത്രിയില്‍ നിന്ന് ചികിത്സ തേടി.
