ഗുരുവായൂര്‍: ഗുരുവായൂരില്‍ മാധ്യമപ്രവര്‍ത്തകനെ കൈയേറ്റം ചെയ്ത സംഭവത്തില്‍ രണ്ടുപേര്‍ അറസ്റ്റിലായി. ചാവക്കാട് തിരുവത്ര സ്വദേശികളായ ഈച്ചരന്‍വീട്ടില്‍ ലെനിന്‍(25),പണിക്കന്‍ വീട്ടില്‍ ശരത്(21) എന്നിവരാണ് ഗുരുവായൂര്‍ പോലീസിന്റെ പിടിയിലായത് .
സംഘത്തിലുണ്ടായിരുന്ന തിരുവത്ര സ്വദേശി രാഹുലിനായി പോലീസ് അന്വേഷണം ശക്തമാക്കി . ചാനല്‍ റിപ്പോര്‍ട്ടര്‍ രാജു ഗുരുവായൂരിനുനേരെയാണ് കൈയേറ്റമുണ്ടായത്. വ്യാഴാഴ്ച വൈകിട്ടായിരുന്നു സംഭവം . കിഴക്കേനടയില്‍ വാഹനം പാര്‍ക്ക് ചെയ്യുന്നതിനെ ചൊല്ലിയുള്ള തര്‍ക്കം കയ്യേറ്റത്തില്‍ കലാശിക്കുകയായിരുന്നു . ഗുരുവായൂര്‍ സി.ഐ. പ്രേമാനന്ദകൃഷ്ണന്റെ നേതൃത്വത്തിലുള്ള പോലീസ് സംഘമാണ് പ്രതികളെ അറസ്റ്റ് ചെയ്തത് .
