ന്യൂഡല്‍ഹി: ഇന്ത്യയില്‍ നിന്നുള്ള ഗോതമ്ബ് നിറച്ച ട്രക്കുകള്‍ പാകിസ്താന്റെ മണ്ണിലൂടെ അഫ്ഗാനിസ്ഥാനിലേക്ക് കടത്തിവിടുന്ന കാര്യം അനുഭാവപൂര്‍വം പരിഗണിക്കുമെന്ന് പാക് പ്രധാനമന്ത്രി ഇമ്രാന്‍ ഖാന്‍.
മാനുഷിക പരിഗണന നല്‍കിയാണ് തീരുമാനമെന്നും ഇമ്രാന്‍ ചൂണ്ടിക്കാട്ടി .
ശൈത്യകാലം തുടങ്ങുന്ന സാഹചര്യത്തില്‍ അഫ്ഗാനിസ്ഥാന് അമ്ബതിനായിരം ടണ്‍ ഗോതമ്ബ് അയക്കാനാണ് ഇന്ത്യയുടെ തീരുമാനം . ഇതിന് അയ്യായിരം ട്രക്കുകള്‍ പാകിസ്ഥാന്‍ വഴി അഫ്ഗാനിസ്ഥാനില്‍ എത്തണം. ഗോതമ്ബ് ട്രക്കുകള്‍ കടത്തിവിടണമെന്ന് താലിബാന്‍ സര്‍ക്കാര്‍ പാക്കിസ്ഥാനോട് അഭ്യര്‍ത്ഥിച്ചിരുന്നു.ഈ സാഹചര്യത്തിലാണ് പാക് സര്‍ക്കാറിന്റെ മനം മാറ്റം .
