ആറ്റിങ്ങല്‍: സിനിമയില്‍ അവസരം നല്‍കാമെന്നു പറഞ്ഞ് ഒമ്ബത് വയസ്സുകാരിയെ പീഡിപ്പിച്ച കേസില്‍ സംവിധാകന്‍ അറസ്റ്റില്‍. ആറ്റിങ്ങല്‍ മാമം പന്തലക്കോട് പാറക്കാട്ടില്‍ വീട്ടില്‍ ശ്രീകാന്ത് (48) ആണ് അറസ്റ്റിലായത്. വണ്ടര്‍ ബോയ്സ് സിനിമയുടെ സംവിധായകനാണ്. മൂന്നു വര്‍ഷം മുമ്ബ് നടന്ന പീഡ‌നം ഇപ്പോഴാണ് പുറത്തറിയുന്നത്. പെണ്‍കുട്ടിയെ 16 കാരന്‍ ശല്യം ചെയ്യുന്നത് സംബന്ധിച്ച്‌ മാതാവ് ആറ്റിങ്ങല്‍ പൊലീസില്‍ നല്‍കിയ പരാതിയാണ് വിവരം പുറത്തുവരാന്‍ കാരണമായത്.
പതിനാറുകാരനെ പൊലീസ് ചോദ്യം ചെയ്തപ്പോഴാണ് ഇവര്‍ തമ്മില്‍ അടുപ്പമാണെന്നും പെണ്‍കുട്ടിയെ പീഡിപ്പിച്ചിരുന്നെന്നും അറിയുന്നത്. പ്രായപൂര്‍ത്തിയാകാത്തതിനാല്‍ പതിനാറുകാരനെ ജുവനൈല്‍ കോടതിയില്‍ ഹാജരാക്കി.
പെണ്‍കുട്ടിയുമായി വനിതാ പൊലീസ് നടത്തിയ സംസാരത്തിലാണ് സംവിധാകനായ ശ്രീകാന്ത് പീഡിപ്പിച്ച വിവരം അറിയുന്നത്. ശ്രീകാന്തും പെണ്‍കുട്ടിയുടെ അമ്മയും സുഹ‌ൃത്തുക്കളായിരുന്നു.
9 വയസ്സുകാരിയെ പീഡിപ്പിച്ച കേസില്‍ സംവിധാകന്‍ അറസ്റ്റില്‍
