ബിഗ്‌ബോസ് സീസണ്‍ 3 യില്‍ മികച്ച മത്സരം കാഴ്ചവെച്ച് ആരാധകരെ സ്വന്തമാക്കിയ താരമാണ് ഋതുമന്ത്ര. മോഡലിങ് രംഗത്ത് നിന്നാണ് ഋതു ബിഗ്‌ബോസിലേക്ക് എത്തിയത്. താരത്തിന് ആദ്യ ആഴ്ചയില്‍ തന്നെ നിരവധി ആരാധകരെ ലഭിച്ചിരുന്നു. ഇപ്പോഴിതാ താരം മത്സരത്തില്‍ പങ്കെടുക്കുന്നതിന് മുന്‍പ് ചെയ്ത ഒരു പരസ്യവീഡിയോയാണ് വൈറല്‍ ആകുന്നത്. ബിഗ്‌ബോസിലെ മറ്റൊരു മത്സാര്‍ത്ഥിയായിരുന്ന പൊളിഫിറോസിനുള്ള മറുപടിയാണൊ എന്നാണ് വീഡിയോ കണ്ട പ്രേക്ഷകര്‍ ചോദിക്കുന്നത്. മില്‍മയുടെ പുതിയ പ്രൊഡക്ടായ മില്‍മ പനീര്‍ന്റെ പരസ്യത്തിലാണ് ഋതു വേഷമിട്ടിരിക്കുന്നത്.
ബിഗ്‌ബോസ് ഫിനാലെയ്ക്ക് നാളുകള്‍ മാത്രമാണ് അവശേഷിക്കുന്നത്. ആരാകും വിജയ് എന്ന ആകാംഷയിലാണ് ആരാധകര്‍. വോട്ടിങ് അവസാനിച്ച സാഹചര്യത്തില്‍ താരങ്ങളെല്ലാം സോഷ്യല്‍മീഡിയ ലൈവിലെത്തി പ്രേക്ഷകരോട് സംവദിക്കുന്നുണ്ട്. ഋതു മന്ത്രയും ലൈവിലെത്തി പ്രേക്ഷകരോട് സംസാരിച്ചിരുന്നു.
മോഡലിങ് രംഗത്ത് നിന്നാണ് ഋതു ഷോയിലേക്ക് എത്തിയത്. കൊച്ചിയിലെ പ്രമുഖ പരസ്യകമ്പനിയായ ബെബാസ് ഫിലിംസാണ് മില്‍മ പനീര്‍ പരസ്യം നിര്‍മിച്ചിരിക്കുന്നത്. പരസ്യം സംവിധാനം ചെയ്തിരിക്കുന്നത് പിഎസ്എം ഫൈസല്‍ ആണ്. കണ്‍സെപ്റ്റ് ജനിത് കാച്ചപ്പിള്ളിയുമാണ്. ഋതുമന്ത്ര ഷോയില്‍ പങ്കെടുത്ത് ആരാധകര്‍ വര്‍ദ്ദിക്കാന്‍ തുടങ്ങിയപ്പോള്‍ തന്നെ താരം അഭിനയിച്ച പരസ്യചിത്രങ്ങള്‍ സോഷ്യല്‍മീഡിയയില്‍ തലപൊന്തിതുടങ്ങിയിരുന്നു. അതില്‍ ഏറ്റവും അധികം കാഴ്ചക്കാരെ സ്വന്തമാക്കിയതും മില്‍മയുടെ പരസ്യത്തിനാണ്. ചക്കപ്പഴം സീരിയലിലൂടെ ശ്രദ്ധ നേടിയ സബീറ്റ, വാത്തി കമിങ് സോങിന് ചുവടുവച്ച് ആരാധകരെ സ്വന്തമാക്കിയ വൃദ്ധി വിശാല്‍ , ആരോണ്‍ എന്നിവരാണ് പരസ്യത്തില്‍ വേഷമിട്ടിരിക്കുന്നത്. ബിഗ്‌ബോസ് ഷോയില്‍ വാക്കുതര്‍ക്കത്തിനിടെ ഇതിനു മാത്രംഷൂട്ട് എവിടുന്നാ നിനക്ക്, ഞങ്ങള്‍ ഇതുവരെ നിന്നെ ഒരു സിനിമയിലും കണ്ടിട്ടില്ല ‘ എന്ന് പറഞ്ഞ പൊളിഫിറോസിനുള്ള മറുപടിയല്ലെ എന്നാണ് വീഡിയോ കണ്ട പ്രേക്ഷകര്‍ ചോദിക്കുന്നത്. നിരവധി നല്ല കമന്റുകളാണ് വീഡിയോയ്ക്ക് താഴെ ലഭിക്കുന്നത്. പുറത്തിറങ്ങിയ ഓപ്പറേഷന്‍ ജാവ എന്ന ചിത്രത്തിലും താരം അഭിനയിച്ചിട്ടുണ്ട്.
