ലക്ഷദ്വീപ് ജനതയോട് ഐക്യദാര്‍ഢ്യം പ്രഖ്യാപിച്ചതിന്റെ പേരില്‍ പൃഥ്വിരാജിനെതിരെ പ്രതിഷേധം ഉയരുകയാണ്. താരത്തിനെ പിന്തുണച്ച്‌ കൊണ്ട് നിരവധി പേര്‍ ഇതിനോടകം രംഗത്തെത്തി കഴിഞ്ഞു. ഇപ്പോഴിതാ വിഷയത്തില്‍ പ്രതികരണവുമായി എത്തിയിരിക്കുകയാണ് നടനും സംവിധായകനുമായ സാജിദ് യാഹിയ.
സിനിമയില്‍ എത്തിയ ആദ്യ നാളുകളില്‍ ഏറെ വിമര്‍ശനങ്ങള്‍ ഏറ്റുവാങ്ങേണ്ടി വന്ന നടനാണ് പൃഥ്വിരാജ്. എന്നാല്‍ അതിനെയെല്ലാം അതിജീവിച്ച്‌ ഇന്ന് മലയാളത്തിലെ ഏറ്റവും മികച്ച നടന്മാരില്‍ ഒരാളാകാന്‍ അദ്ദേഹത്തിന് സാധിച്ചുവെന്ന് സാജിദ് യാഹിയ പറഞ്ഞു. മുള്ളു നിറഞ്ഞ പാതകള്‍ താണ്ടി വന്നു കിരീടം ചൂടിയ ആ അയാളെയാണ് ഒരു പോസ്റ്റ്‌ ഇട്ടോ തെറി പറഞ്ഞോ ഒതുക്കി കളയാമെന്ന് ഓര്‍ക്കുന്നതെന്നും സാജിദ് കുറിക്കുന്നു.
