മാന്നാര്‍: ശക്തമായ മഴയെ തുടര്‍ന്ന് കിണറിലെ വെള്ളം പൊങ്ങുകയും തിരയടിച്ച്‌ നിമിഷങ്ങള്‍ക്കകം വെള്ളം വറ്റുന്നതും കണ്ട വീട്ടുകാര്‍ പരിഭ്രാന്തിയിലായി. ബുധനൂര്‍ പഞ്ചായത്ത് മൂന്നാം വാര്‍ഡില്‍ ഉത്രം വീട്ടില്‍ അജയ് യുടെ വീടിന്റെ മുന്നിലുള്ള കിണറിലാണ് സംഭവം.
വൈകുന്നേരം 4.30ന് കിണറിലെ വെള്ളം പൊങ്ങുകയും ഉടന്‍ തന്നെ വറ്റുകയും ചെയ്തത്. 18 റിങ്ങുകളുള്ള കിണറില്‍ വെള്ളം നിറഞ്ഞ് മൂന്ന് റിങ്ങുകള്‍ മുകളില്‍ കാണത്തക്ക നിലയിലായിരുന്നു. എന്നാല്‍ നിമിഷങ്ങള്‍ക്കകം കിണറിലെ വെള്ളം താഴ്ന്നു. പിന്നീട് കലങ്ങിയ വെള്ളമാണ് കിണറില്‍ പൊങ്ങിയത്.
അസാധാരണ സംഭവത്തില്‍ ഭീതിലായിരിക്കുകയാണ് വീട്ടുകാര്‍.
