തുവ്വൂര്‍: സ്കൂളിലേക്കുള്ള വഴിയില്‍ 11കാരനെ തട്ടിക്കൊണ്ടുപോകാന്‍ ശ്രമമെന്ന് പരാതി.
തുവ്വൂര്‍ മരുതത്ത് കോഴിപ്പാടന്‍ അനീസിെന്‍റ മകന്‍ അജ്നാസിനെയാണ് ബൈക്കിലെത്തിയ രണ്ടുപേര്‍ അപായപ്പെടുത്താന്‍ ശ്രമിച്ചത്. തറക്കല്‍ എ.യു.പി സ്കൂള്‍ ആറാം ക്ലാസ് വിദ്യാര്‍ഥിയായ അജ്നാസ് ബുധനാഴ്ച രാവിലെ സ്കൂളിലേക്ക് പോകുംവഴി ആളൊഴിഞ്ഞ സ്ഥലത്തെത്തിയപ്പോഴാണ് ഹെല്‍മറ്റ് ധാരികളായ രണ്ടുപേര്‍ ബൈക്കില്‍ പിന്നാലെയെത്തിയത്. മിഠായി വാങ്ങാനെന്ന് പറഞ്ഞ് 500 രൂപയുടെ നോട്ട് ഇവര്‍ നീട്ടിയെങ്കിലും അജ്നാസ് വാങ്ങാന്‍ കൂട്ടാക്കിയില്ല.
ഇതോടെ ബലമായി പിടിച്ച്‌ ബൈക്കില്‍ കയറ്റാന്‍ ശ്രമിച്ചപ്പോള്‍ കുതറിയോടി രക്ഷപ്പെടുകയായിരുന്നു. ബൈക്കിന് നമ്ബര്‍ പ്ലേറ്റ് ഉണ്ടായിരുന്നില്ലെന്ന് അജ്നാസ് പറയുന്നു. കഴിഞ്ഞ ദിവസം അജ്നാസിനെയും കൂട്ടുകാരനെയും അജ്ഞാതന്‍ പിന്തുടര്‍ന്നിരുന്നുവത്രേ. പിതാവ് അനീസ് നല്‍കിയ പരാതിയില്‍ കരുവാരകുണ്ട് പൊലീസ് അന്വേഷണം ആരംഭിച്ചു. ഒരാഴ്ച മുമ്ബ് കരുവാരകുണ്ട് കണ്ണത്തും സമാന സംഭവമുണ്ടായിരുന്നു.
