ന്യൂഡല്‍ഹി: സോമാലിയന്‍ തീരത്ത് കടല്‍കൊള്ളക്കാന്‍ തട്ടിയെടുത്ത കപ്പലില്‍ 15 ഇന്ത്യക്കാരുണ്ടെന്ന് റിപ്പോര്‍ട്ട്. ലൈബീരിയയുടെ പതാക വച്ചിരുന്ന ‘എംവി ലില നോര്‍ഫോക്’ എന്ന ചരക്ക് കപ്പലാണ് കൊള്ളക്കാര്‍ റാഞ്ചിയത്. കപ്പല്‍ തിരിച്ചുപിടിക്കുന്നതിനായി ഇന്ത്യന്‍ നാവിക സേനയുടെ വിമാനം സോമാലിയന്‍ തീരത്തേക്ക് തിരിച്ചിട്ടുണ്ട്. കൂടാതെനാവികസേനയുടെ ഐഎന്‍എസ് ചെന്നൈ യുദ്ധക്കപ്പലും പുറപ്പെട്ടു. വ്യാഴാഴ്ചയാണ് കപ്പല്‍ റാഞ്ചിയതായി സ്ഥിരീകരിക്കുന്നത്. കപ്പലിലെ ജീവനക്കാരെ ബന്ധപ്പെടാന്‍ കഴിഞ്ഞിട്ടുണ്ടെന്ന് നേവി വ്യക്തമാക്കി. കപ്പലിന്റെ നീക്കങ്ങള്‍ സൂക്ഷ്മമായി നിരീക്ഷിച്ചുവരികയാണ്.
സോമാലിയന്‍ തീരത്ത് ചരക്കുകപ്പല്‍ തട്ടിയെടുത്തു; കപ്പലില്‍ 15 ഇന്ത്യക്കാര്‍
