തിരുവനന്തപുരം: തിരുവനന്തപുരം കമലേശ്വരത്ത് യുവാവിനെ സുഹൃത്ത് വെട്ടിക്കൊലപ്പെടുത്തി. ആര്യന്‍കുഴി സ്വദേശി സുജിത് കുമാര്‍ (49) ആണ് കൊല്ലപ്പെട്ടത്. പ്രതി ജയന്‍ പൂന്തറ പോലീസിന്റെ പിടിയിലായി. മദ്യപാനത്തിനിടെയുള്ള തര്‍ക്കമാണ് കൊലപാതകത്തില്‍ കലാശിച്ചതെന്നാണ് പ്രാഥമിക നിഗമനം.
കൊല്ലം: സംസ്ഥാന സ്‌കൂള്‍ യുവജനോത്സവത്തിന് കൊല്ലത്ത് തിരശീല ഉയരും. മുഖ്യമന്ത്രി പിണറായി വിജയനാണ് 62-ാമത് സംസ്ഥാന സ്‌കൂള്‍ കലോത്സവം ഉദ്ഘാടനം ചെയ്യുക. നടി നിഖില വിമല്‍ മുഖ്യാതിഥിയായി എത്തും. രാവിലെ ഒന്‍പത് മണിക്ക് പൊതു വിദ്യാഭ്യാസ ഡയറക്ടര്‍ എസ് ഷാനവാസ് പതാക ഉയര്‍ത്തും. തുടര്‍ന്ന് 10 മണിക്ക് മുഖ്യമന്ത്രി പിണറായി വിജയന്‍ കലോത്സവം ഉദ്ഘാടനം നിര്‍വഹിക്കും. നടി ആശാ ശരത്തിന്റെ സംഗീത നൃത്തശില്പത്തോടെയാണ് ഉദ്ഘാടന ചടങ്ങുകള്‍ ആരംഭിക്കുക. മന്ത്രിമാരായ കെ എന്‍ ബാലഗോപാല്‍, കെ രാജന്‍, ജെ ചിഞ്ചുറാണി, കെ ബി ഗണേഷ് കുമാര്‍, പി എ മുഹമ്മദ് റിയാസ് എന്നിവര്‍ പങ്കെടുക്കും. ഇന്നലെ കോഴിക്കോട് നിന്ന് എത്തിച്ച 117 പവന്റെ സ്വര്‍ണ്ണ കപ്പിന് കൊല്ലം ജില്ലാ അതിര്‍ത്തിയില്‍ സ്വീകരണം നല്‍കിയിരുന്നു. ഉദ്ഘാടന ദിവസമായ ഇന്ന് വിവിധ വേദികളിലായി മോഹിനിയാട്ടം, സംഘനൃത്തം, ഭരതനാട്യം, കോല്‍ക്കളി, മാര്‍ഗംകളി, കുച്ചുപ്പിടി,…