തിരുവനന്തപുരം: യൂത്ത് കോണ്‍ഗ്രസ് തിരഞ്ഞെടുപ്പില്‍ വ്യാജ തിരിച്ചറിയല്‍ കാര്‍ഡ് ഉപയോഗിച്ചുവെന്ന കേസില്‍ നാല് യൂത്ത് കോണ്‍ഗ്രസ് പ്രവര്‍ത്തകരുടെ അറസ്റ്റ് രേഖപ്പെടുത്തി. അഭി വിക്രം, ഫെനി നൈനാന്‍, ബിനില്‍ ബിനു, വികാസ് കൃഷ്ണ എന്നിവരുടെ അറസ്റ്റാണ് രേഖപ്പെടുത്തിയത്. ഇവരില്‍ നിന്ന് കണ്ടെടുത്ത 24 തിരിച്ചറിയല്‍ കാര്‍ഡുകള്‍ വ്യാജമാണെന്ന് പോലീസ് സ്ഥിരീകരിച്ചു. കേസില്‍ യൂത്ത് കോണ്‍ഗ്രസ് അധ്യക്ഷനായി തിരഞ്ഞെടുക്കപ്പെട്ട രാഹുല്‍ മാങ്കൂട്ടത്തിലിനെ ചോദ്യം ചെയ്യും. ഇതിനായി ശനിയാഴ്ച ഹാജരാകാന്‍ നോട്ടീസ് നല്‍കാന്‍ അന്വേഷണ സംഘത്തില്‍ തീരുമാനമായി. കേസില്‍ അറസ്റ്റിലായവര്‍ രാഹുലിന്റെ വിശ്വസ്തരാണെന്ന് ആരോപണം ഉയര്‍ന്നിരുന്നു. എന്നാല്‍ ഇത് തള്ളിക്കളയാന്‍ രാഹുല്‍ തയ്യാറായില്ല. എല്ലാ യൂത്ത് കോണ്‍ഗ്രസുകാരും തന്റെ വിശ്വസ്തരാണെന്നും അടൂരിലെ പ്രവര്‍ത്തകരുമായി തനിക്ക് വ്യക്തിപരമായി ബന്ധമുണ്ടെന്നും രാഹുല്‍ പറഞ്ഞിരുന്നു. ചോദ്യം ചെയ്യുമെന്ന മാധ്യമ വാര്‍ത്ത കണ്ടുവെങ്കിലും പോലീസിന്റെ നോട്ടീസ് തനിക്ക് ഇതുവരെ ലഭിച്ചിട്ടില്ലെന്നായിരുന്നു രാഹുല്‍ നേരത്തെ മാധ്യമങ്ങളോട് പ്രതികരിച്ചത്. തിരിച്ചറിയല്‍…
വ്യാജ തിരിച്ചറിയല്‍ കാര്‍ഡ്: രാഹുല്‍ മാങ്കൂട്ടത്തിലിനെ ചോദ്യം ചെയ്യും; 4 പേരുടെ അറസ്റ്റ് രേഖപ്പെടുത്തി
