ന്യൂഡല്‍ഹി: മദ്യനയവുമായി ബന്ധപ്പെട്ട അഴിമതിക്കേസില്‍ ഡല്‍ഹി മുഖ്യമന്ത്രിയും എഎപി നേതാവുമായ അരവിന്ദ് കെജ്‌രിവാള്‍ ഇന്ന് ഇ.ഡി.യ്ക്ക് മുമ്ബാകെ ഹാജരാകില്ല. കേസ് രാഷ്ട്രീയ പ്രേരിതമാണെന്നും ഇപ്പോള്‍ ഹാജരാകാനില്ലെന്നും തനിക്ക് വേറെ പണിയുണ്ടെന്നും കാണിച്ച്‌ കെജ്‌രിവാള്‍ കേന്ദ്ര ഏജന്‍സിയ്ക്ക് കത്ത് നല്‍കി. അഞ്ചു സംസ്ഥാനങ്ങളില്‍ തെരഞ്ഞെടുപ്പ് നടക്കുന്ന സാഹചര്യത്തില്‍ തന്നെ ഈ സംസ്ഥാനങ്ങളിലെ പരിപാടികളില്‍ പങ്കെടുക്കുന്നതില്‍ നിന്നും അകറ്റി നിര്‍ത്താനാണ് നോട്ടീസ് എന്നാണ് കെജ്‌രിവാള്‍ നല്‍കിയിരിക്കുന്ന മറുപടി. നോട്ടീസ് രാഷ്ട്രീയ പ്രേരിതമാണെന്നും തനിക്കെതിരേയുള്ള ബിജെപിയുടെ ഗൂഡാലോചനയുടെ ഭാഗമായിട്ടാണ് ഇ.ഡി.യുടെ നീക്കമെന്നും തനിക്കെതിരേ ഏതെങ്കിലും തരത്തിലുള്ള തെളിവോടെയല്ല നോട്ടീസ് അയച്ചിരിക്കുന്നതെന്നും കെജ്‌രിവാള്‍ നല്‍കിയിരിക്കുന്ന മറുപടിയില്‍ പറയുന്നു. നിയമസഭാ തെരഞ്ഞെടുപ്പുകളുമായി ബന്ധപ്പെട്ട് തനിക്ക് പ്രചരണയോഗത്തിനായി മദ്ധ്യപ്രദേശിലേക്ക് പോകേണ്ടതുണ്ടെന്നും ആ പ്രചരണപരിപാടി മുന്‍കൂട്ടി നിശ്ചയിച്ചതാണെന്നും കെജ്‌രിവാള്‍ നല്‍കിയ മറുപടിയില്‍ പറയുന്നു. ഇന്ന് 11 മണിയോടെ ഹാജരാകാനായിരുന്നു ഇ.ഡി. നോട്ടീസെങ്കിലും 11.30 യോടെ കെജ്‌രിവാള്‍ മദ്ധ്യപ്രദേശിലേക്ക്…
അരവിന്ദ് കെജ്‌രിവാള്‍ ഇന്ന് ഇ.ഡി.യ്ക്ക് മുമ്ബാകെ ഹാജരാകില്ല; നോട്ടീസിനെതിരേ കോടതിയെ സമീപിക്കാന്‍ ആപ്പ്
