Month: September 2023

ന്യൂഡല്‍ഹി: ഇന്ത്യ 2047 ഓടെ വികസിത രാജ്യമാകുമെന്ന് പ്രധാനമന്ത്രി നരേന്ദ്രമോദി. നാളെ ഗണേഷ ചതുര്‍ത്ഥിയാണ്. ഇന്ത്യയുടെ വികസന സ്വപ്‌നങ്ങള്‍ക്ക് ഒരു വിഘ്‌നവും ഇനിയുണ്ടാവില്ല. ഹൃസ്വമെങ്കിലൂം നിര്‍ണായകമായ സമ്മേളനമാണ് നടക്കാന്‍ പോകുന്നത്. ചരിത്രപരമായ പല തീരുമാനങ്ങളും പുതിയ പാര്‍ലമെന്റ് മന്ദിരത്തിലേക്ക് മാറുമ്ബോള്‍ ഈ സമ്മേളനത്തിലുണ്ടാകും. പുതിയ വിശ്വസത്തോടും ഊര്‍ജത്തോടും പുതിയ മന്ദിരത്തിലേക്ക് പ്രവേശിക്കുമെന്നും മോദി മാധ്യമങ്ങളോട് പറഞ്ഞൂ. പാര്‍ലമെന്റ് സമ്മേളനത്തിന് മുന്നോടിയായി മാധ്യമങ്ങളെ കാണുകയായിരുന്നു പ്രധാനമന്ത്രി. ചന്ദ്രയാന്‍-3യുടെ വിജയത്തോടെ ശിവശക്തി പോയിന്റ് പ്രചോദനത്തിന്റെ പുതിയ കേന്ദ്രമായി മാറി. തിരംഗ പോയിന്റ് നമ്മില്‍ ആത്മാഭിമാനം നിറയ്ക്കുന്നു. ലോകമെമ്ബാടും ഇത്തരമൊരു നേട്ടമുണ്ടാകുമ്ബോള്‍, അതിനെ ആധുനികതയും ശാസ്ത്രവും സാങ്കേതികവിദ്യയുമായി ബന്ധിപ്പിച്ചാണ് കാണുന്നത്. ഈ കഴിവുകള്‍ ലോകത്തിനു മുന്നിലേക്ക് വരുമ്ബോള്‍, ഇന്ത്യയുടെ മുന്നില്‍ നിരവധി അവസരങ്ങളുടെയും സാധ്യതകളുടെയും കവാടങ്ങള്‍ തുറക്കുകയാണ്. ജി20 ഉച്ചകോടിയില്‍ ഗ്ലോബല്‍ സൗത്തിന്റെ ശബ്ദമാകാന്‍ കഴിഞ്ഞതിലും ജി20യില്‍ ആഫ്രിക്കന്‍ യൂണിയനെ സ്ഥിരാംഗമാക്കാന്‍…

തൃശൂര്‍: കരുവന്നൂര്‍ സഹകരണ ബാങ്ക് തട്ടിപ്പ് കേസിനു പിന്നാലെ തൃശൂരിലെ മറ്റ് സഹകരണ ബാങ്കുകളിലും ആധാരമെഴുത്ത് സ്ഥാപനങ്ങളിലും എന്‍ഫോഴ്‌സ്‌മെന്റ് ഡയറക്ടറേറ്റ് പരിശോധന. തൃശൂര്‍ സര്‍വീസ് സഹകരണ ബാങ്ക്, അയ്യന്തോള്‍ സര്‍വീസ് സഹകരണ ബാങ്ക് എന്നിവ ഉള്‍പ്പെടെ എട്ട് കേന്ദ്രങ്ങളിലാണ് പരിശോധന നടക്കുന്നത്. സിപിഎം സംസ്ഥാന കമ്മിറ്റിയംഗവും കേരള ബാങ്ക് വൈസ് പ്രസിഡന്റുമായ എം.കെ കണ്ണന്‍ തൃശൂര്‍ സര്‍വീസ് സഹകരണ ബാങ്ക് പ്രസിഡന്റുമാണ്. കണ്ണനെ വിളിച്ചുവരുത്തി സാന്നിധ്യത്തിലാണ് പരിശോധന. കരുവന്നൂരിലെ തട്ടിപ്പ് പണം മറ്റ് സഹകരണ ബാങ്കുകളില്‍ കള്ളപ്പണമായി നിക്ഷേപിച്ചുവെന്ന് ആരോപണം ഉയര്‍ന്നിരുന്നു. മുന്‍മന്ത്രി എ.സി മൊയ്തീന്റെ ബിനാമിയെന്ന് സംശയിക്കപ്പെടുന്ന സതീഷ്‌കുമാര്‍, പി.പി കിരണ്‍ എന്നിവര്‍ വഴി കള്ളപ്പണം നിക്ഷേപിച്ചുവെന്നാണ് ഇ.ഡിക്ക് കിട്ടിയ വിവരം. സതീഷ്‌കുമാറിന്റെ ബിനാമികളെന്ന് കരുതുന്നവരുടെ വീടുകളിലും റെയ്ഡ് നടക്കുന്നുണ്ട്. ആധാരമെഴുത്തുകാര്‍, ഏജന്റുമാര്‍ എന്നിവരിലേക്കും അന്വേഷണം നീങ്ങുകയാണ്. ക്രൈംബ്രാഞ്ച് അന്വേഷണത്തില്‍ ഒഴിവാക്കിയ സിപിഎം നേതാക്കളിലേക്കും ഇ.ഡി…

കൊച്ചി: നിരവധി അഴിമതിക്കേസുകളില്‍ ഹര്‍ജിക്കാരനായിരുന്ന പൊതുപ്രവര്‍ത്തകന്‍ ഗിരീഷ്ബാബു മരിച്ച നിലയില്‍. കളമശ്ശേരിയിലെ വീട്ടില്‍ മരിച്ച നിലയില്‍ ഇന്ന് രാവിലെ കണ്ടെത്തുകയായിരുന്നു. ഹൃദയാഘാതമാണ് മരണകാരണമെന്നാണ് പ്രാഥമികമായി പുറത്തുവരുന്ന വിവരം. അഴിമതിക്കേസുകളില്‍ നിര്‍ഭയം പോരാട്ടം നടത്തിയിരുന്ന ആളാണ് ഗിരീഷ്ബാബു. മാസപ്പടി കേസിലും പാലാരിവട്ടം അഴിമതിക്കേസിലും ഉള്‍പ്പെടെ നിരവിധി കേസുകളില്‍ ഹര്‍ജിക്കാരനാണ്. അഴിമതിക്കെതിരേ പൊരുതുന്ന പൊതുപ്രവര്‍ത്തകനായ അദ്ദേഹം കുറേക്കാലമായി ആരോഗ്യപ്രശ്‌നത്തില്‍ കഴിയുകയായിരുന്നു. ഏതാനും നാളുകളായി പലവിധ ആരോഗ്യപ്രശ്‌നങ്ങള്‍ നേരിട്ടുവരികയായിരുന്നു ഇദ്ദേഹം. തലയിലെ രക്തക്കുഴലില്‍ ബ്‌ളോക്ക് ഉണ്ടായ വിവരം ഏതാനും നാളുകള്‍ക്ക് മുമ്ബാണ് അദ്ദേഹം സാമൂഹ്യമാധ്യമങ്ങളിലൂടെ അറിയിച്ചത്. പോലീസ് ഇന്‍ക്വസ്റ്റ് നടപടികള്‍ തുടങ്ങിക്കഴിഞ്ഞതായിട്ടാണ് വിവരം. പാലാരിവട്ടം അഴിമതിക്കേസില്‍ വിജിലന്‍സിന് പരാതി നല്‍കിയിരുന്നു.

കോഴിക്കോട്: നിപ വൈറസ് ബാധയെ തുടർന്ന് പരിശോധനയ്ക്ക് അയച്ച 61 സാംപിളുകൾ കൂടി നെഗറ്റീവാണെന്ന് ആരോഗ്യമന്ത്രി വീണാ ജോർജ്. ഹൈ റിസ്ക് പട്ടികയിൽ ഉൾപ്പെട്ടവരുടെ സാംപിളുകളും ഇതിൽ ഉൾപ്പെടുന്നു. ഏറ്റവും ഒടുവിൽ രോഗം സ്ഥിരീകരിച്ച വ്യക്തിയെ പരിചരിച്ച ആരോഗ്യപ്രവർത്തക, രണ്ടാമത് മരണപ്പെട്ട വ്യക്തിയുമായി അടുത്ത് സമ്പർക്കം പുലർത്തിയ വ്യക്തി എന്നിവരടക്കം നെഗറ്റീവാണ്. കൂടുതൽ സാംപിളുകൾ നെഗറ്റീവാകുന്നത് ആശ്വാസം നൽകുന്നുണ്ടന്നും മന്ത്രി അറിയിച്ചു.കേന്ദ്രസംഘം ജില്ലയിൽ ക്യാംപ് ചെയ്യുന്നുണ്ട്. ഇതിൽ ഒരുസംഘം ഇന്ന് മടങ്ങുമെന്ന് അറിയിച്ചിട്ടുണ്ട്. കേരളത്തിൻ്റെ പ്രവർത്തനങ്ങളെ കേന്ദ്രസംഘം അഭിനന്ദിച്ചിട്ടുണ്ടെന്നും മന്ത്രി മാധ്യമങ്ങളോട് പറഞ്ഞു.

കോഴിക്കോട്: നിപയുമായി ബന്ധപ്പെട്ട് യാതൊരുവിധ ആശങ്കയും വേണ്ടെന്നും ഒറ്റക്കെട്ടായി നാം ഇതിനെ അതിജീവിക്കുമെന്നും ആരോഗ്യമന്ത്രി വീണ ജോർജ് . രോഗബാധയുടെ പശ്ചാത്തലത്തിലുള്ള ചികിത്സാ നടപടികളും പ്രതിരോധ – ജാഗ്രതാ നടപടികളും കാര്യക്ഷമമായി തുടരുകയാണ്. നിപ ടെസ്റ്റുകളുടെ എണ്ണം വർധിപ്പിക്കാൻ തീരുമാനിച്ചതായും ഇതിനുള്ള സംവിധാനങ്ങൾ കോഴിക്കോട്ട് സജ്ജമാണെന്നും മന്ത്രി അറിയിച്ചു. സ്ഥിതിഗതികൾ വിലയിരുത്താൻ കോഴിക്കോട് കളക്ടറേറ്റിൽ ചേർന്ന യോഗത്തിനു ശേഷം വാർത്താസമ്മേളനത്തിൽ സംസാരിക്കുകയായിരുന്നു വീണ ജോർജ്. 39 വയസ്സുള്ള കോഴിക്കോട് ചെറുവണ്ണൂർ സ്വദേശിക്കാണ് ഇന്ന് രാവിലെ നിപ സ്ഥിരീകരിച്ചതെന്ന് മന്ത്രി അറിയിച്ചു. ഇദ്ദേഹത്തിന് 30ന് മരിച്ച വ്യക്തിയുമായി നേരിട്ട് സമ്പർക്കമുണ്ട്. 30ന് മരിച്ച വ്യക്തിയും 11ന് മരിച്ച വ്യക്തിയും ഒരേ സ്വകാര്യ ആശുപത്രിയിലായിരുന്നു ചികിത്സ തേടിയത്. ആ സമയത്ത് അവിടെ ഉണ്ടായിരുന്ന വ്യക്തിക്കാണ് രോഗബാധയുണ്ടായിരിക്കുന്നത്. മറ്റൊരു രോഗിക്കൊപ്പം കൂട്ടിരിപ്പുകാരനായി എത്തിയതായിരുന്നു ഇദ്ദേഹം. കോഴിക്കോട് മെഡിക്കൽ കോളേജിലെ ലാബിലും തുടർന്ന…

ചെന്നൈ: വീട്ടമ്മമാര്‍ക്ക് പ്രതിമാസം ആയിരം രൂപ ധനസഹായം നല്‍കുന്ന പദ്ധതിക്ക് തുടക്കം കുറിച്ച്‌ തമിഴ്‌നാട് സര്‍ക്കാര്‍. മുന്‍ മുഖ്യമന്ത്രിയും ഡിഎംകെ സ്ഥാപകനുമായ സി പന്‍ അണ്ണാദുരയുടെ ജന്മവാര്‍ഷികത്തോടനുബന്ധിച്ച്‌ നടന്ന ചടങ്ങില്‍ മുഖ്യമന്ത്രി എം.കെ സ്റ്റാലിനാണ് പദ്ധതിക്ക് തുടക്കം കുറിച്ചത്. ‘കലൈഞ്ജര്‍ മഗളിര്‍ ഉരുമൈ ‘എന്നാണ് പദ്ധതിയുടെ പേര്. അണ്ണാദുരൈയുടെ ജന്മനാടായ കാഞ്ചീപുരത്തു വെച്ചു നടന്ന പരിപാടിയില്‍ പദ്ധതിയുടെ ഗുണഭോക്താക്കളായ വീട്ടമ്മമാര്‍ക്ക് എ.ടി.എം കാര്‍ഡ് വിതരണം ചെയ്തു. വാര്‍ഷിക വരുമാനം 2.5 ലക്ഷം രൂപയില്‍ താഴെയുളള 1,06,50,000 വീട്ടമ്മമാര്‍ക്കാണ് പദ്ധതിയുടെ ഗുണം ലഭിക്കുക. 1.63 കോടി ആളുകളാണ് അപേക്ഷ സമര്‍പ്പിച്ചിരുന്നത്. തമിഴ്‌നാട് സര്‍ക്കാര്‍ നടപ്പാക്കുന്ന ഏറ്റവും വലിയ ക്ഷേമപദ്ധതിയാണിത്. #WATCH | Tamil Nadu CM MK Stalin inaugurates Kalaignar Mahalir Urimai Thittam (Kalaignar Women's Rights Grant Scheme) at Kanchipuram. Under this…

കോഴിക്കോട്: സംസ്ഥാനത്ത് നിപ വൈറസ് ബാധ സ്ഥിരീകരിച്ച സാഹചര്യത്തില്‍ കേരളത്തില്‍നിന്നുള്ള വിദ്യാര്‍ഥികള്‍ക്ക് നിപ നെഗറ്റീവ് സര്‍ട്ടിഫിക്കറ്റ് നിര്‍ബന്ധമാക്കി മധ്യപ്രദേശിലെ ഇന്ദിരാഗാന്ധി നാഷണല്‍ ട്രൈബല്‍ യൂണിവേഴ്‌സിറ്റി (ഐ.ജി.എന്‍.ടി.യു). സര്‍വകലാശാല പരിസരത്ത് പ്രവേശിക്കണമെങ്കില്‍ നിപ നെഗറ്റീവ് സര്‍ട്ടിഫിക്കറ്റ് നിര്‍ബന്ധമാണെന്ന് അമര്‍കണ്ടകിലെ ഐ.ജി.എന്‍.ടി.യു. പ്രൊക്ടര്‍ പ്രൊഫസര്‍ എം.ടി.വി. നാഗരാജു പുറത്തിറക്കിയ ഉത്തരവില്‍ പറയുന്നു. സര്‍ട്ടിഫിക്കറ്റ് ഇല്ലാത്തവരെ സര്‍വകലാശാല ക്യാമ്ബസില്‍ പ്രവേശിപ്പിക്കില്ലെന്ന കര്‍ശനനിര്‍ദേശമാണ് വ്യാഴാഴ്ച പുറത്തിറക്കിയ ഉത്തരവില്‍ സര്‍വകലാശാല നല്‍കിയിരിക്കുന്നത്. വിവിധ യു.ജി/ പി.ജി. കോഴ്‌സുകളിലേക്കായി വ്യാഴാഴ്ചയും വെള്ളിയാഴ്ചയുമായി ഓപ്പണ്‍ കൗണ്‍സിലിങ് നടക്കുന്നുണ്ട്. ഇതിനായി കേരളത്തില്‍നിന്ന് ദിവസങ്ങള്‍ക്കുമുമുമ്ബേ യാത്ര തിരിച്ച വിദ്യാര്‍ഥികളാണ് സര്‍വകലാശാലയുടെ പെട്ടെന്നുള്ള നിര്‍ദേശത്തെത്തുടര്‍ന്ന് ദുരിതത്തിലായത്. വ്യാഴാഴ്ച വൈകീട്ടോടെയാണ് ഇത്തരത്തിലൊരു നിര്‍ദേശം വിദ്യാര്‍ഥികള്‍ക്ക് ലഭിക്കുന്നത്. നിപ സെല്ലില്‍ ബന്ധപ്പെട്ടെങ്കിലും ഇത്തരത്തിലൊരു സര്‍ട്ടിഫിക്കറ്റ് ഇല്ലെന്ന മറുപടിയാണ് തങ്ങള്‍ക്ക് ലഭിച്ചതെന്ന് വിദ്യാര്‍ഥികള്‍ പറയുന്നു.