Month: September 2023

കണ്ണൂർ: ഇരിട്ടി – മാക്കൂട്ടം ചുരത്തിലെ വനത്തിനുള്ളിൽ ട്രോളിബാഗിൽ യുവതിയുടെ മൃതദേഹം അഴുകിയ നിലയിൽ കണ്ടെത്തിയ സംഭവത്തിൽ കർണാടക പോലീസ് അന്വേഷണ സംഘം വിപുലീകരിച്ചു. കേരളത്തിലേക്കും അന്വേഷണം വ്യാപിപ്പിച്ചതിന് പിന്നാലെ കർണാടകത്തിലും അന്വേഷണം ശക്തമാക്കുന്നതിന് മടിക്കേരി ജില്ലാ ക്രൈം ബ്രാഞ്ചിനാണ് ചുമതല നൽകിയത്. വീരാജ്പേട്ട സിഐ ശിവരുദ്രയുടെയും എസ്ഐ മഞ്ജുനാഥിൻ്റെയും നേതൃത്വത്തിൽ രൂപീകരിച്ച പ്രത്യേക അന്വേഷണ സംഘം മാക്കൂട്ടം ചുരംപാത വഴി മൂന്നാഴ്ച്ചക്കിടയിൽ കടന്നുപോയ വാഹനങ്ങളെ കണ്ടെത്തുന്നതിന് പെരുമ്പാടി ചെക്ക്പോസ്റ്റിലെ സിസിടിവി പരിശോധന ആരംഭിച്ചു. മാക്കൂട്ടം ചെക്ക്പോസ്റ്റിലെ വിവരങ്ങളും അന്വേഷണ സംഘം ശേഖരിച്ചു. കണ്ണവത്തുനിന്നു കാണാതായ യുവതിയുടെ അമ്മയുടെ മൊഴി കഴിഞ്ഞദിവസം രേഖപ്പെടുത്തിയിരുന്നു. ഇത് അന്വേഷണ സംഘം പരിശോധിച്ചുവരികയാണ്. ആവശ്യമെങ്കിൽ ഡിഎൻഎ പരിശോധനയും പരിഗണിക്കും.ഒരു മാസത്തിനിടയിൽ കാണാതായ യുവതികളുടെ വിവരങ്ങൾ ശേഖരിക്കുന്നതിനാണ് ഇപ്പോൾ സജീവ പരിഗണന നൽകിയിരിക്കുന്നത്. പെരുമ്പാടി മുതൽകൂട്ടുപുഴ വരെ ചുരം പാത പൂർണമായും വനമേഖലയായതിനാൽ…

ന്യുഡല്‍ഹി: ഇന്ത്യ- കാനഡ നയതന്ത്ര ബന്ധം കൂടുതല്‍ വഷളാകുന്നു. കനേഡിയന്‍ പൗരന്മാര്‍ക്ക് ഇന്ത്യയിലേക്കുള്ള വിസ കേന്ദ്രസര്‍ക്കാര്‍ അനിശ്ചിത കാലത്തേക്ക് നിര്‍ത്തിവച്ചു. ഇന്നു മുതല്‍ ഇനിയൊരു അറിയിപ്പ് ഉണ്ടാകുന്നത് വരെ വിസ അനുവദിക്കില്ലെന്ന് കനഡയില്‍ വിസ അപേക്ഷകള്‍ പരിഗണിക്കുന്ന ബിഎല്‍എസ് ഇന്റര്‍നാഷണല്‍ സര്‍വീസസ് വ്യക്തമാക്കി. കാനഡയില്‍ ഖാലിസ്താന്‍ നേതാവ് സുഖ്ദൂള്‍ സിംഗ് കൊല്ലപ്പെട്ടതിനു പിന്നാലെയാണ് കേന്ദ്രസര്‍ക്കാര്‍ കടുത്ത തീരുമാനത്തിലേക്ക് കടന്നത്. ഗുണ്ടാസംഘങ്ങള്‍ തമ്മിലുള്ള ഏറ്റുമുട്ടലിനിടെയാണ് ഇയാള്‍ കൊല്ലപ്പെട്ടത്. എന്‍ഐഎ പിടികിട്ടാപുള്ളികളുടെ പട്ടികയില്‍ പെടുത്തിയിരുന്ന ഇയാളെ കൈമാറാന്‍ കേന്ദ്രം കാനഡയോട് നേരത്തെ ആവശ്യപ്പെട്ടിരുന്നു. ഇരുപതിലേറെ കേസുകളില്‍ പ്രതിയായ ഇയാള്‍ 2017ല്‍ വ്യാജ യാത്രാരേഖകളുണ്ടാക്കിയാണ് കാനഡയിലേക്ക് കടന്നത്. ഇന്ത്യ തേടുന്ന 25 ഓളം കൊടുംക്രിമിനലുകളാണ് കാനഡയില്‍ കഴിയുന്നത്. അതേസമയം, സുഖ്ദൂള്‍ സിംഗിന്റെ കൊലപാതകത്തില്‍ ഉത്തരവാദിത്തമേറ്റ് മറ്റൊരു ഗുണ്ടാസംഘത്തലവനന്‍ ലോറന്‍സ് ബിഷ്‌ണോയി രംഗത്തെത്തി. ബിഷ്‌ണോയിയുടെ സംഘം ഫെയ്‌സ്ബുക്ക് പേജിലാണ് ഇക്കാര്യം പോസ്റ്റ് ചെയ്തത്.…

മലപ്പുറം: ഉരുട്ടിക്കളിച്ച ടയര്‍ ദേഹത്തുമുട്ടിയതിന് പതിനൊന്നുകാരന് ക്രൂരമര്‍ദ്ദനം. മലപ്പുറം പള്ളിക്കല്‍ അമ്ബലവളവില്‍ ഒരു ചെരുപ്പ് കമ്ബനിയുടെ വാടക ക്വാര്‍ട്ടേഴ്‌സില്‍ താമസിക്കുന്ന കുടുംബത്തിലെ അംഗമായ അശ്വിന്‍ എന്ന കുട്ടിക്കാണ് ഇതര സംസ്ഥാന തൊഴിലാളിയുടെ മര്‍ദ്ദനമേറ്റത്. 20 ദിവസം മുന്‍പാണ് ആക്രമണം നടന്നത്. ഇതേ കെട്ടിടത്തില്‍ അമ്ബതോളം ഇതര സംസ്ഥാന തൊഴിലാളികള്‍ താമസിക്കുന്നുണ്ട്. സംഭവത്തില്‍ പരാതി നല്‍കരുതെന്നും ഇവര്‍ കുടുംബത്തെ ഭീഷണിപ്പെടുത്തി. കുട്ടിയുടെ പിതാവ് ജോലി ചെയ്യുന്ന ചെരുപ്പ് കമ്ബനിയില്‍ ആണ് ഈ തൊഴിലാളികളും ജോലി ചെയ്യുന്നത്. പരാതി നല്‍കിയാല്‍ ക്വാര്‍ട്ടേഴ്‌സില്‍ നിന്ന് പുറത്താക്കുമെന്ന് തൊഴിലാളികള്‍ ഭീഷണിപ്പെടുത്തിയെന്നും കുടുംബം പരാതിയില്‍ പറയുന്നു. ദേഹത്ത് ടയര്‍ മുട്ടിയതിന് പ്രകോപിതനായ ഇതര സംസ്ഥാന തൊഴിലാളി കുട്ടിയുടെ കഴുത്ത് ചുമരില്‍ കുത്തിപ്പിടിച്ച്‌ മര്‍ദ്ദിക്കുകയും കഴുത്തില്‍ പിടിച്ച്‌ ഉയര്‍ത്തുകയും ചെയ്തു. കുട്ടിയുടെ കഴുത്തിനാണ് സാരമായ പരിക്കേറ്റത്. അന്നു തന്നെ സമീപത്തുള്ള ആശുപത്രിയില്‍ ചികിത്സ തേടിയിരുന്നു. എന്നാല്‍…

ഒട്ടാവ: കാനഡയില്‍ ഖാലിസ്താന്‍ നേതാവും ഗുണ്ടാസംഘത്തിലെ അംഗവുമായ സുഖ്ദൂള്‍ സിംഗ് കൊല്ലപ്പെട്ടു. വിന്നിപെഗില്‍ മറ്റൊരു സംഘവുമായുണ്ടായ ഏറ്റുമുട്ടലിലാണ് മരണം. 2017ല്‍ കാനഡയിലേക്ക് കടന്ന സിംഗ് ഖാലിസ്താന്‍ അനുകൂല സംഘടനയില്‍ ചേരുകയായിരുന്നു. സുഖ്ദൂള്‍ സിംഗിന്റെ മരണം പഞ്ചാബ് പോലീസ് സ്ഥിരീകരിച്ചു. പഞ്ചാബിലെ മോഗ സ്വദേശിയാണ് സുഖ്ദൂള്‍ സിംഗ്. സുഖ ദുനെകെ എന്ന പേരില്‍ അറിയപ്പെടുന്ന സുഖ്ദൂള്‍ സിംഗ്, ഗുണ്ടാനേതാവ് ദവീന്ദര്‍ ബാംബിഹയുടെ സംഘത്തില്‍ അംഗമായിരുന്നു. ഇന്ത്യയില്‍ എന്‍ഐഎ നോട്ടമിട്ടതോടെ വ്യാജ പാസ്‌പോര്‍ട്ടില്‍ 2017ല്‍ ഇയാള്‍ കാനഡയിലേക്ക് കടക്കുകയായിരുന്നു. പഞ്ചാബ്, ഹരിയാന, ഡല്‍ഹി, രാജസ്ഥാന്‍ എന്നീ സംസ്ഥാനങ്ങളില്‍ ദവീന്ദര്‍ ബാംബിഹയുടെ സംഘത്തിന് ഫണ്ട് അടക്കമുള്ള സഹായങ്ങള്‍ ഇയാള്‍ ചെയ്തിരുന്നു. സംഘത്തിലേക്ക് ആളുകളെ കൂട്ടുന്ന ജോലിയും ഇയാള്‍ ചെയ്തു. പിടിച്ചുപറി, കൊലപാതകം അടക്കമുള്ള കേസുകളില്‍ പ്രതിയാണ് ഇയാള്‍. ഖാലിസ്താനി നേതാവ് നിജ്ജാറിന്റെ കൊലപാതകത്തെ ചൊല്ലി ഇന്ത്യയും കാനഡയും തമ്മിലുള്ള ബന്ധം വഷളായതിനു…

പത്തനംതിട്ട: അടൂർ ഏനാത്ത് കടികയില്‍ പിഞ്ചു മകനെ കൊന്ന ശേഷം പിതാവ് തൂങ്ങി മരിക്കുകയായിരുന്നുവെന്ന് സ്ഥിരീകരിക്കുന്ന തരത്തിൽ പോസ്റ്റുമോര്‍ട്ടത്തിലെ പ്രാഥമിക നിഗമനം. അടൂർ വടക്കടത്തുകാവ് കല്ലും പുറത്ത് പടിപ്പുരയില്‍ മാത്യു പി അലക്‌സ് (47), മൂത്ത മകന്‍ മെല്‍വിന്‍ മാത്യൂ (9) എന്നിവരാണ് മരിച്ചത്. ഏനാത്ത് കടികയിലെ വാടകവീട്ടില്‍ മെല്‍വിന്റെ മൃതദേഹം നിലത്തു ഷീറ്റിലും മാത്യുവിന്റേത് സ്‌റ്റെയര്‍കേസിന്റെ കൈവരിയില്‍ തൂങ്ങിയ നിലയിലുമാണ് ചൊവ്വാഴ്ച രാവിലെ കണ്ടെത്തിയത്. മാത്യുവിന്റെ ഇളയ മകന്‍ ആല്‍വിന്‍ രാവിലെ ഉണര്‍ന്നപ്പോഴാണ് മൃതദേഹങ്ങള്‍ കണ്ടത്. ആല്‍വിന്റെ നിലവിളി കേട്ട് സമീപവാസികള്‍ എത്തി വിവരം പോലീസില്‍ അറിയിക്കുകയുമായിരുന്നു. കനം കുറഞ്ഞ കയര്‍ ഉപയോഗിച്ച്‌ മെല്‍വിന്റെ കഴുത്ത് മുറുക്കി കൊലപ്പെടുത്തിയ ശേഷം മാത്യു തൂങ്ങി മരിച്ചുവെന്നാണ് പോസ്റ്റുമോര്‍ട്ടം നടത്തിയ കോട്ടയം മെഡിക്കല്‍ കോളജിലെ ഫോറന്‍സിക് സര്‍ജന്റെ പ്രാഥമിക നിഗമനം. എന്നാൽ മൃതദേഹ പരിശോധനയില്‍ മെല്‍വിന്റെ ശരീരത്തില്‍ പുറമേ…

തിരുവനന്തപുരം : വന്ദേഭാരതിലെ രണ്ടാമത്തെ ട്രെയിന്‍ തിരുവനന്തപുരത്തെത്തി. ചെന്നൈയില്‍ നിന്നും ഇന്നലെ വൈകുന്നേരം പുറപ്പെട്ട ട്രെയിന്‍ കൊച്ചുവേളി റെയില്‍വേ സ്റ്റേഷനിലെത്തി. ചെന്നൈ സെന്‍ട്രലില്‍ നിന്ന് ഇന്നലെ ഉച്ചക്ക് രണ്ടേമുക്കാലോടെയാണ് പുറപ്പെട്ട ട്രെയിന്‍ പുലര്‍ച്ചെ 4.30 നാണ് ഇവിടെയെത്തിയത്. എട്ടു കോച്ചുകളുള്ള ഡിസൈനും നിറവും മാറിയ വന്ദേഭാരതാണ് കേരളത്തിന് അനുവദിച്ചത്. ഞായറാഴ്ച പ്രധാനമന്ത്രി നരേന്ദ്ര മോദി രാജ്യത്തെ വിവിധ റൂട്ടുകളിലായി 9 വന്ദേഭാരത് സര്‍വീസുകള്‍ വീഡിയോ കോണ്‍ഫറന്‍സിംഗ് വഴി ഉദ്ഘാടനം ചെയ്യും. ട്രയല്‍ റണ്ണിന് ശേഷം ഞായറാഴ്ച കാസര്‍കോട് നിന്നാകും രണ്ടാം വന്ദേ ഭാരത് ട്രെയിനിന്റെ ആദ്യ സര്‍വ്വീസ്. ആകെ 8 കോച്ചുകളുള്ള പുതിയ നിറത്തിലുളള വന്ദേഭാരതാണ് കേരളത്തിന് അനുവദിച്ചത്. ടിക്കറ്റ് ബുക്ക് ചെയ്തുള്ള യാത്രാ സര്‍വീസ് ചൊവ്വാഴ്ചയോ ബുധനാഴ്ചയോ തുടങ്ങുമെന്നാണ് സൂചന. കാസര്‍ഗോഡ് നിന്ന് ആലപ്പുഴ വഴി തിരുവനന്തപുരത്തിനായിരിക്കും സര്‍വീസ്. രാവിലെ ഏഴു മണിക്ക് കാസര്‍ഗോഡ് നിന്ന്…

പത്തനാപുരം: മുന്‍ മുഖ്യമന്ത്രി ഉമ്മന്‍ ചാണ്ടിക്കെതിരായ സോളാര്‍ പീഡന പരാതിക്കേസിനു പിന്നിലെ ഗൂഢാലോചനയില്‍ കെ.ബി ഗണേഷ്‌കുമാര്‍ എംഎല്‍എയ്ക്കു പങ്കുണ്ടെന്ന സിബിഐ റിപ്പോര്‍ട്ടിനു പിന്നാലെ പത്തനാപുരത്തെ എംഎല്‍എ ഓഫീസിലേക്ക് യുഡിഎഫിന്റെ പ്രതിഷേധ മാര്‍ച്ച്‌. ഗണേഷ്‌കുമാര്‍ എംഎല്‍എ സ്ഥാനം രാജിവയ്ക്കണമെന്ന് ആവശ്യപ്പെട്ടാണ് പ്രതിഷേധം. മാര്‍ച്ച്‌ ഓഫീസിനു മുന്നില്‍ പോലീസ് ബാരിക്കേഡ് സ്ഥാപിച്ചു തടഞ്ഞു. ഒരു ഘട്ടത്തില്‍ ബാരിക്കേഡ് മറികടക്കാന്‍ ശ്രമിച്ച പ്രതിഷേധക്കാര്‍ക്ക് നേരെ പോലീസ് ലാത്തിവീശി. പ്രതിഷേധ മാര്‍ച്ച്‌ യുഡിഎഫ് കണ്‍വീനര്‍ എം.എം ഹസ്സന്‍ ഉദ്ഘാടനം ചെയ്തു. സോളാര്‍ പീഡനക്കേസില്‍ ഉമ്മന്‍ ചാണ്ടിയെ പ്രതിയാക്കിയതിനു പിന്നില്‍ വലിയ ക്രിമിനല്‍ ഗൂഢാലോചന നടന്നിരുന്നുവെന്ന് സിബിഐ കണ്ടെത്തിയിരുന്നു. സോളര്‍ സാമ്ബത്തിക തട്ടിപ്പില്‍ ഉമ്മന്‍ ചാണ്ടിക്ക് പങ്കുണ്ടെന്ന ആരോപണവും സിബിഐ തള്ളിക്കളഞ്ഞിരുന്നു. പരാതിക്കാരി മുന്ന് കോടി രൂപ കൈമാറിയെന്ന ആരോപണം വ്യാജമാണെന്നായിരുന്നു സിബിഐയുടെ കണ്ടെത്തല്‍. ഈ റിപ്പോര്‍ട്ടുകള്‍ കോടതി അംഗീകരിച്ചിരുന്നു.

ഓട്ടവ: ഇരുരാജ്യങ്ങളും തമ്മിലുള്ള നതയന്ത്രബന്ധം വഷളാകുന്നതിനിടെ ഇന്ത്യയ്ക്കെതിരെ പുതിയ ആരോപണവുമായി കാനഡ. രണ്ടുമാസംമുൻപ് ബ്രിട്ടീഷ് കൊളംബിയയിൽ കൊല്ലപ്പെട്ട ഖലിസ്ഥാൻ വിഘടനവാദി നേതാവിൻ്റെ മരണത്തിനു പിന്നിൽ ഇന്ത്യയ്ക്ക് പങ്കുണ്ടെന്നാണ് കാനഡയുടെ ആരോപണം. ഇക്കാര്യത്തിൽ അന്വേഷണോദ്യോഗസ്ഥ‍ർക്ക് ബലമായ സംശയമുണ്ടെന്ന് പ്രധാനമന്ത്രി ജസ്റ്റിൻ ട്രൂഡോ വ്യക്തമാക്കി. പാർലമെൻ്റിൽ സംസാരിക്കവേയായിരുന്നു ട്രൂഡോയുടെ ഗുരുതരമായ ആരോപണം. സംഭവവുമായി ബന്ധപ്പെട്ട് കാനഡ ഇന്ത്യൻ നയതന്ത്ര ഉദ്യോഗസ്ഥനെ പുറത്താക്കി. ഇരുരാജ്യങ്ങളും തമ്മിൽ ഉരസിയതോടെ വ്യാപാര ച‍ർച്ചകൾക്കായി ഒക്ടോബറിൽ കനേഡിയൻ സംഘം ഇന്ത്യയിലേക്ക് നടത്താനിരുന്ന യാത്രയും റദ്ദാക്കിയിരുന്നു. പഞ്ചാബ് സംസ്ഥാനം വേ‍ർപെടുത്തി ഖലിസ്ഥാൻ രാജ്യം രൂപീകരിക്കണമെന്ന ആശയം പ്രചരിപ്പിക്കുന്ന ഹ‍ർദീപ് സിങ് നിജ്ജാ‍ർ എന്ന 45കാരനാണ് ജൂൺ മാസത്തിൽ കൊല്ലപ്പെട്ടത്. മുഖംമൂടി ധിരിച്ച രണ്ടുപേർ സറിയിലെ ഗുരുനാനാക് സിഖ് ഗുരുദ്വാരയ്ക്കു മുന്നിൽവെച്ച് നിജ്ജാറെ വെടിവെച്ചു കൊലപ്പടുത്തുകയായിരുന്നു. ഇന്ത്യയിൽ ജനിച്ച് കനേഡിയൻ പൗരത്വം സ്വീകരിച്ച ഇയാൾ ഈ ഗുരുദ്വാരയുടെ ചുമതലക്കാരനായിരുന്നു.…

തിരുവനന്തപുരം: സര്‍ക്കാര്‍ ജീവനക്കാര്‍ക്ക് ഓഫീസ് സമയത്ത് കുട്ടികളെ കൂടെ കൊണ്ടുവരാൻ കഴിയുമോ? കൊണ്ടുവരാൻ പാടില്ലെന്നാണ് സര്‍ക്കാര്‍ ഉത്തരവ്. മേയര്‍ ആര്യാ രാജേന്ദ്രൻ കുട്ടിയുമായി ഓഫിസില്‍ ഫയല്‍ നോക്കുന്നതിന്റെ ചിത്രം ശ്രദ്ധ നേടിയതോടെയാണ് 2018ല്‍ ഇറങ്ങിയ സര്‍ക്കാര്‍ ഉത്തരവ് സമൂഹ മാധ്യമങ്ങളില്‍ പ്രചരിക്കുന്നത്. മനുഷ്യാവകാശ കമ്മിഷന്റെ നിര്‍ദേശത്തിന്റെ അടിസ്ഥാനത്തിലാണ് 2018ല്‍ ഉത്തരവിറങ്ങിയത്. സര്‍ക്കാര്‍ ജീവനക്കാര്‍ ഓഫീസ് സമയത്ത് കുട്ടികളെ കൂടെ ഇരുത്തുന്നത് ഓഫീസ് സമയം നഷ്ടപ്പെടുത്തുന്നതായി ഉത്തരവില്‍ പറയുന്നു. കുട്ടികളുടെ വ്യക്തിത്വ വികസനം ഹനിക്കപ്പെടുന്നു. ഓഫിസ് ഉപകരണങ്ങള്‍ ദുരുപയോഗം ചെയ്യപ്പെടുന്നു. ഇക്കാരണത്താല്‍ ഓഫീസില്‍ കുട്ടികളെ കൊണ്ടുവരുന്നത് ഒഴിവാക്കണമെന്നും ലംഘിക്കുന്ന ഉദ്യോഗസ്ഥര്‍ക്കെതിരെ അച്ചടക്ക നടപടി സ്വീകരിക്കണമെന്നും ഉദ്യോഗസ്ഥ ഭരണ പരിഷ്ക്കാര വകുപ്പിന്റെ ഉത്തരവില്‍ നിര്‍ദേശിക്കുന്നു.

തിരുവനന്തപുരം: സംസ്ഥാനത്തെ ഈ വർഷത്തെ എസ്എസ്എൽസി, ഹയർ സെക്കൻഡറി പരീക്ഷാ തീയതി പ്രഖ്യാപിച്ചു. എസ്എസ്എൽസി പരീക്ഷ 2024 മാർച്ച് നാല് മുതൽ 25വരെ നടത്തുമെന്ന് മന്ത്രി വി ശിവൻകുട്ടി അറിയിച്ചു. മൂല്യനിർണയ ക്യാമ്പ് ഏപ്രിൽ മൂൻ മുതൽ ഏപ്രിൽ 17വരെ നടക്കും. എസ്എസ്എൽസി മോഡൽ പരീക്ഷ ഫെബ്രുവരി 19 മുതൽ 23വരെ നടക്കും.ഹയർസെക്കൻഡറി പ്ലസ് വൺ, പ്ലസ് ടു പരീക്ഷകൾ 2024 മാർച്ച് ഒന്നുമുതൽ 26വരെയും നടത്തും. പരീക്ഷാ വിജ്ഞാപനം ഒക്ടോബറിൽ പുറപ്പെടുവിക്കും. കോഴിക്കോട് ജില്ലയിൽ നിപ വൈറസ് സ്ഥിരീകരിച്ച സാഹചര്യത്തിൽ ഈ മാസം 25ന് ആരംഭിക്കാനിരുന്ന പ്ലസ് വൺ ഇംപ്രൂവ്മെൻ്റ് പരീക്ഷകൾ മാറ്റിവച്ചു. ഒക്ടോബർ 9, 10, 11, 12, 13 തീയതികളിൽ പരീക്ഷ നടക്കും.