Day: July 29, 2023

കൊല്ലം കുളത്തൂപ്പുഴയില്‍ 15 കാരിയെ പീഡിപ്പിച്ച്‌ ഇൻസ്റ്റഗ്രാം വഴി ദൃശ്യങ്ങള്‍ വിറ്റ ദമ്പതികള്‍ അറസ്റ്റില്‍. കുളത്തൂപ്പുഴ കാഞ്ഞിരോട്ട് സ്വദേശി വിഷ്ണു (31), ഭാര്യ സ്വീറ്റി (20)എന്നിവരാണ് പിടിയിലായത്. ഇയാള്‍ ട്യൂഷന്‍ എടുക്കാന്‍ എന്ന വ്യാജേന പതിനഞ്ചുകാരിയായ വിദ്യാര്‍ഥിനിയെ വിളിച്ചുവരുത്തി പീഡിപ്പിക്കുകയായിരുന്നു . ശേഷം പീഡന ദൃശ്യങ്ങള്‍ ഭാര്യയുടെ സഹായത്തോടെ മൊബൈല്‍ ഫോണില്‍ ചിത്രീകരിച്ച്‌ ഇന്‍സ്റ്റാഗ്രാം വഴി ഷെയര്‍ ചെയ്യുകയായിരുന്നു. മുന്‍‌കൂര്‍ പണം നല്‍കി ആവശ്യക്കാര്‍ക്ക്‌ ഇന്‍സ്റ്റഗ്രാം വഴി ചിത്രങ്ങള്‍ അയച്ചു നല്‍കുന്നതാണ് ഇവരുടെ പതിവ്. നിരവധി പേരാണ് ഇത്തരത്തില്‍ ഇവരില്‍ നിന്ന് പീഡന ദൃശ്യങ്ങള്‍ വാങ്ങിയിട്ടുള്ളത്. ഒരു ഫോട്ടോക്ക് പ്രതികള്‍ 50 രൂപമുതല്‍ അഞ്ഞൂറ് രൂപവരെയും ദൃശ്യങ്ങള്‍ക്ക് 1500 രൂപ വരെയും ഈടാക്കിയിരുന്നതായി പോലീസ് പറയുന്നു. സംഭവത്തില്‍ പോലീസ് അന്വേഷണം ആരംഭിച്ചു. അന്വേഷണം പ്രതികളെ കൂടാതെ ദൃശ്യങ്ങള്‍ വാങ്ങിയവരിലേക്കും നീട്ടാനാണ് പോലീസ് തീരുമാനം. അറസ്റ്റിലായ പ്രതികളെ പോലീസ്…

ആലുവ: ആലുവയില്‍ അഞ്ചു വയസ്സുകാരി ചാന്ദ്‌നി കുമാരിയെ കൊലപ്പെടുത്തിയ കേസില്‍ പ്രതി അസ്ഫാക് കുറ്റം സമ്മതിച്ചതായി ആലുവ റൂറല്‍ എസ്.പി വിവേക് കുമാര്‍. പ്രതിയുമായി സ്ഥലത്തെത്തി. കുട്ടിയെ കൊണ്ടുപോയ സ്ഥലം പ്രതി കാണിച്ചു നല്‍കി. കൊലപാതകത്തിനു പിന്നിലുള്ള കാരണം അന്വേഷിച്ചുവരുന്നതേയുള്ളു. കൊലപാതകത്തില്‍ മറ്റാര്‍ക്കെങ്കിലും പങ്കുണ്ടോയെന്ന് പരിശോധിക്കുന്നുണ്ട്. കൂടുതല്‍ വിവരങ്ങള്‍ മാധ്യമങ്ങളില്‍ വെളിപ്പെടുത്താന്‍ കഴിയില്ലെന്നും റൂറല്‍ എസ്.പി അറിയിച്ചു.

ആലുവ: ഇന്ന് ഉച്ചയ്ക്ക് 12 മണിവരെ ചാന്ദ്‌നിയുടെ മാതാപിതാക്കളായ മഞ്ചയ് കുമാറും നിതാ കുമാറിയും പോലീസ് അന്വേഷണത്തില്‍ നല്ല ആത്മവിശ്വാസത്തിലായിരുന്നു. മകള്‍ ഉടന്‍ മടങ്ങിവരുമെന്ന പ്രതീക്ഷയിലായിരുന്നു അവര്‍. എന്നാല്‍ 12 മണിയോടെ അവരുടെ പ്രതീക്ഷ തകിടം മറിഞ്ഞു. മകള്‍ ഇനി മടങ്ങിവരില്ലെന്ന വാര്‍ത്ത അവരെ തേടിയെത്തി. മകളുടെ മൃതദേഹം തിരിച്ചറിയാന്‍ ജനക്കൂട്ടത്തിനൊപ്പം നിന്ന മഞ്ചയ് കുമാര്‍ നിര്‍വികാരനായിരുന്നു. മകള്‍ മടങ്ങിവരില്ലെന്ന യഥാര്‍ത്ഥ്യം അംഗീകരിക്കാനായിരുന്നില്ല. മൃതദേഹം തിരിച്ചറിഞ്ഞതോടെ ആ അച്ഛന്‍ പൊട്ടിക്കരഞ്ഞു. പോലീസ് അദ്ദേഹത്തെ വീട്ടിലേക്ക് തിരിച്ചയച്ചു. കുഞ്ഞിന്റെ മൃതദേഹം പോസ്റ്റുമോര്‍ട്ടത്തിനായി കളമശേരിയിലേക്കോ തൃശൂര്‍ മെഡിക്കല്‍ കോളജിലേക്കോ മാറ്റും. ഈ സമയം മകളുടെ മരണവാര്‍ത്ത അറിഞ്ഞ അമ്മ നിതാകുമാരി നെഞ്ചുപൊട്ടി നിലവിളിക്കുകയായിരുന്നു. മകളെ വിളിച്ചുകൊണ്ടാണ് നിലവിളി. ഇവരെ ആശ്വാസിപ്പിക്കാന്‍ സമീപവാസികളായ സ്ത്രീകള്‍ ശ്രമിക്കുന്നുണ്ടെങ്കിലും അതൊന്നും ആ അമ്മയുടെ ചങ്കുപൊട്ടിയുള്ള നിലവിളിയെ തടഞ്ഞുനിര്‍ത്താന്‍ മതിയാവുന്നില്ല. ഇവരുടെ മറ്റു രണ്ട് കുട്ടികള്‍…

ആലുവ: ആലുവ നഗരത്തില്‍ നിന്ന് കാണാതായ കുഞ്ഞിനായി നടത്തിയ തിരച്ചിലും പ്രാര്‍ത്ഥനയും വിഫലമായി. കുഞ്ഞിനെ കൊല്ലപ്പെട്ട നിലയില്‍ കണ്ടെത്തി. ആലുവ മാര്‍ക്കറ്റിന് സമീപത്തുനിന്ന ചാക്കില്‍കെട്ടിയ നിലയിലാണ് മൃതദേഹം കണ്ടെത്തിയത്. പെരിയാറിന്റെ തീരത്ത് മാര്‍ക്കറ്റില്‍ മാലിന്യങ്ങള്‍ തള്ളുന്നതിനു സമീപമാണ് ചെളിയില്‍ ചാക്കുകെട്ട് കണ്ടെത്തിയത്. ചാക്കിനു മുകളില്‍ കല്ല് കയറ്റിവച്ചിരുന്നു. കുട്ടിയുടെ പിതാവ് മഞ്ചക് കുമാറിനെ സ്ഥലത്തെത്തിച്ചിട്ടുണ്ട്. ഫോറന്‍സിക് വിദഗ്ധരുടെ പരിശോധനയ്ക്കു ശേഷം പിതാവിനെ കാണിച്ച്‌ കുട്ടിയെ തിരിച്ചറിയും. ഇന്നലെ വൈകിട്ട് മൂന്നു മണിയോടെയാണ് ചാന്ദിനി കുമാരി (അഞ്ച്) യെ അസം സ്വദേശിയായ അസ്ഫാക് ആലം മിഠായിലും ജ്യൂസും വാങ്ങിനല്‍കാമെന്ന് പറഞ്ഞ് മാതാപിതാക്കളുടെ അടുക്കല്‍ നിന്ന് കൂട്ടിക്കൊണ്ടുപോയത്. ആലുവ ഗ്യാരേജിന് സമീപം ചൂര്‍ണിക്കരയിലെ വീട്ടില്‍ നിന്നാണ് കൂട്ടിക്കൊണ്ടുപോയത്. കുട്ടിയുടെ മാതാപിതാക്കളായ ബിഹാര്‍ സ്വദേശികള്‍ താമസിക്കുന്ന കെട്ടിടത്തിന്റെ സമീപത്ത് താമസിക്കുന്ന ഇതര സംസ്ഥാന തൊഴിലാളികള്‍ക്കൊപ്പം താമസിക്കാന്‍ രണ്ട് ദിവസം മുന്‍പാണ് അസ്ഫാക്…

ന്യുഡല്‍ഹി: കേരള ഗവര്‍ണര്‍ ആരിഫ് മുഹമ്മദ് ഖാന്റെ വാഹനവ്യൂഹത്തില്‍ സുരക്ഷ വീഴ്ച. ഇന്നലെ രാത്രി ഉത്തര്‍പ്രദേശില്‍ ഒരു ചടങ്ങില്‍ പങ്കെടുത്ത ശേഷം ഡല്‍ഹി കേരള ഹൗസിലേക്ക് മടങ്ങിയ ആരിഫ് ഖാന്റെ വാഹനവ്യുഹത്തിലേക്ക് നോയിഡയില്‍ വച്ച്‌ ഒരു കാര്‍ ഇടിച്ചുകയറ്റാന്‍ ശ്രമിക്കുകയായിരുന്നു. കാര്‍ ഓടിച്ചിരുന്ന മോനു കുമാര്‍, സൗരവ് സോളങ്കി എന്നിവരെ ഗൗതംനഗര്‍ പോലീസ് അറസ്റ്റു ചെയ്തു. ഒരു കറുത്ത കാര്‍ രണ്ട് തവണ വാഹനവ്യൂഹത്തിലേക്ക് ഇടിച്ചുകയറ്റാന്‍ ശ്രമിച്ചിരുന്നു. ഇവര്‍ മദ്യലഹരിയില്‍ ആയിരുന്നുവെന്ന് പോലീസ് വ്യക്തമാക്കി. മറ്റ് ലക്ഷ്യങ്ങള്‍ ഉണ്ടായിരുന്നില്ലെന്നാണ് പോലീസ് പറയുന്നത്. വാഹന വ്യൂഹത്തിലേക്ക് കാര്‍ ഓടിച്ചുകയറ്റിയെങ്കിലും അപകടമുണ്ടായില്ല.  

കൃഷ്ണഗിരി: തമിഴ്‌നാട്ടിലെ കൃഷ്ണഗിരിയില്‍ പടക്ക നിര്‍മ്മാണശാലയുടെ ഗോഡൗണില്‍ തീപിടുത്തം. അഞ്ച് പേര്‍ മരിച്ചു. പത്ത് പേര്‍ക്ക പരിക്ക്. ഇവരില്‍ അഞ്ചു പേരുടെ നില ഗുരുതരമാണ്. രവി എന്നയാളുടെ ഉടമസ്ഥതയിലുള്ളതാണ് ഗോഡൗണ്‍. സ്‌ഫോടനം നടന്ന സ്ഥലത്തിന്റെ അര കിലോമിറ്റര്‍ ചുറ്റളവില്‍ പുക പടര്‍ന്നിരിക്കുകയാണ്. സ്‌ഫോടനത്തിന്റെ ആഘാതത്തില്‍ മൂന്ന് വീടുകള്‍ തകര്‍ന്നു. സ്‌ഫോടന സമയത്ത് ഇതുവഴി പോയ വാഹനങ്ങള്‍ക്ക് കേടുപാടുണ്ടായി. സ്‌ഫോടനത്തിന്റെ ആഘാതത്തില്‍ കെട്ടിടം പൂര്‍ണ്ണമായും തകര്‍ന്നു. എത്ര പേര്‍ അവശിഷ്ടങ്ങള്‍ക്കിടയില്‍ കുടുങ്ങിക്കിടക്കുന്നുവെന്ന് വ്യക്തമല്ല. കൃഷ്ണഗിരി ജില്ലയില്‍ ഈ ആഴ്ച ഉണ്ടാകുന്ന മൂന്നാമത്തെ സ്‌ഫോടനമാണ്. ഒരു തീപ്പെട്ടി നിര്‍മ്മാണ ഫാക്ടറിയിലും പടക്കശാലയിലുമാണ് കഴിഞ്ഞ ദിവസങ്ങളില്‍ പൊട്ടിത്തെറിയുണ്ടായത്.

കൊച്ചി: ആലുവയിൽ ആറുവയസുകാരിയെ തട്ടിക്കൊണ്ടുപോയ സംഭവത്തിൽ കുട്ടിയെ സക്കീർ എന്നയാൾക്ക് കൈമാറിയെന്ന് പ്രതി അഫസാഖ് ആലം പോലീസിനോട് പറഞ്ഞു. കുട്ടിയെ കൊണ്ടുപോയി ഫ്രൂട്ടി വാങ്ങി നൽകിയെന്നും പിന്നീട് കുട്ടിയെ കണ്ടില്ലെന്നുമാണ് പ്രതി ആദ്യം മൊഴി നൽകിയത്. പിന്നീട് എന്ത് സംഭവിച്ചു വെന്നത് തനിക്ക് അറിയില്ലെന്നായിരുന്നു ഇയാൾ പോലീസിനോട് പറഞ്ഞത്. എന്നാൽ, പോലീസ് ഇയാളുടെ മൊഴി വിശ്വാസത്തിൽ എടുക്കാതെ വീണ്ടും ചോദ്യം ചെയ്തപ്പോഴാണ് കുട്ടിയെ മറ്റൊരാൾക്ക് താൻ കൈമാറിയെന്ന് പ്രതി സമ്മതിച്ചത്. അതേസമയം, പ്രതിപോയ ഇടങ്ങളിലെ സിസിടിവി ദൃശ്യങ്ങൾ കേന്ദ്രീകരിച്ചാണ് നിലവിൽ അന്വേഷണം പുരോഗമിക്കുന്നത്. വെള്ളിയാഴ്ച വൈകിട്ട് മൂന്ന് മണിയോടെയാണ് ആലുവ കെഎസ്ആർടിസി ഗാരേജിന് സമീപം മുക്കാട്ട് പ്ലാസയിൽ താമസിക്കുന്ന ബിഹാർ സ്വദേശികളുടെ മകളെ ഇയാൾ തട്ടികൊണ്ടുപോയത്. പ്രതി അഫസാഖ് ആലമിനൊപ്പം പെൺകുട്ടി ഗാരേജ് ബസ് സ്റ്റോപ്പിലേക്ക് നടന്നുപോകുന്ന സിസിടിവി ദൃശ്യം പോലീസിന്‌ ലഭിച്ചിരുന്നു. തുടർന്ന്, ഇയാളെ ഇന്നലെ…

തിരുവനന്തപുരം: ആറ്റിങ്ങല്‍- തിരുവനന്തപുരം റൂട്ടില്‍ ഓടുന്ന കെഎസ്‌ആര്‍ടിസി ബസിന് തീപിടിച്ചു. കൊടിക്കൊണ്ടിരിക്കേയാണ് ഇന്നു രാവിലെ 8.30ഓടെ ദേശീയപാത ചെമ്ബകമംഗലത്ത് വച്ച്‌ തീപിടുത്തമുണ്ടായത്. പുക കണ്ടതോടെ ഡ്രൈവര്‍ ബസ് നിര്‍ത്തി യാത്രക്കാരെ പുറത്തിറക്കിയതില്‍ വന്‍ അപകടം ഒഴിവായി. ബസിന്റെ ഉള്‍ഭാഗം പൂര്‍ണ്ണമായും കത്തി. അപകടത്തെ തുടര്‍ന്ന് ദേശീയപാതയില്‍ ഏറെനേരം ഗതാഗതം തടസ്സപ്പെട്ടു. അഗ്നിശമന സേനയെത്തി തീയണച്ചു. ഓര്‍ഡിനറി ബസാണ് കത്തിയത്. പ്രവൃത്തി ദിവസമായതിനാല്‍ ആറ്റിങ്ങലില്‍ നിന്നും തിരുവനന്തപുരത്ത് വരുന്ന ബസില്‍ കാര്യമായ തിരക്കുണ്ടായിരുന്നു. ചെമ്ബകമംഗലത്ത് എത്തിയപ്പോള്‍ ബസ് ബ്രേക്ഡൗണായി. ഇത് പരിശോധിക്കാന്‍ രൈഡവര്‍ പുറത്തിറങ്ങിപ്പോള്‍ സമീപത്തുണ്ടായിരതുന്ന ഓട്ടോഡ്രൈവര്‍മാര്‍ ബസില്‍ നിന്ന് പുക ഉയരുന്നത് ശ്രദ്ധയില്‍പെടുത്തി. ഇതോടെ ഉടന്‍തെന്ന യാത്രക്കാരെ പുറത്തിറക്കി. വൈകാതെ ബസ് പൂര്‍ണ്ണമായും കത്തുകയായിരുന്നു. തീ പിടുത്തത്തിന്റെ കാരണം പരിശോധിച്ചുവരികയാണ്.

ന്യുഡല്‍ഹി: കോണ്‍ഗ്രസ് ബന്ധം ഉപേക്ഷിച്ച്‌ ബിജെപിയില്‍ ചേക്കേറിയ അനില്‍ ആന്റണിയെ പാര്‍ട്ടി ദേശീയ സെക്രട്ടറിയായി നിയമിച്ചു. എ.പി അബ്ദുള്ളക്കുട്ടി ദേശീയ ഉപാധ്യക്ഷനായി തുടരും. ഇന്ന് പ്രഖ്യാപിച്ച ദേശീയ ഭാരവാഹികളില്‍ കേരളത്തില്‍ നിന്ന് പുതുതായി മറ്റാരേയും ഉള്‍പ്പെടുത്തിയിട്ടില്ല. എട്ട് ദേശീയ ജനറല്‍ സെക്രട്ടറിമാരേയും 13 ദേശീയ സെക്രട്ടറിമാരേയും ഉപാധ്യക്ഷന്‍മാരെയുമാണ് ഇന്ന് പ്രഖ്യാപിച്ചത്. ഡല്‍ഹി മലയാളി മലയാളി അരവിന്ദ് മേനോനും ദേശീയ സെക്രട്ടറിയായി തുടരും. ദേശീയ നിര്‍വാഹക സമിതി, ദേശീയ കൗണ്‍സില്‍ അംഗങ്ങളെ വൈകാതെ പ്രഖ്യാപിക്കും. 2024 പൊതു തിരഞ്ഞെടുപ്പിനു മുന്നോടിയാണ് പുതിയ ഭാരവാഹികളെ പ്രഖ്യാപിക്കുന്നത്. മുതിര്‍ന്ന കോണ്‍ഗ്രസ് നേതാവും മുന്‍ പ്രതിരോധമന്ത്രിയുമായ എ.കെ ആന്റണിയുടെ മകനാണ് അനില്‍. കോണ്‍ഗ്രസ് വിട്ട അനില്‍ കഴിഞ്ഞയിടെ പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തിയിരുന്നു.