കാസര്‍ഗോഡ്: സംസ്ഥാനത്ത് വീണ്ടും പനി മരണം. പനി ബാധിച്ച്‌ മംഗളൂരുവിലെ ആശുപത്രിയില്‍ ചികിത്സയിലായിരുന്ന കാസര്‍ഗോഡ് ചെമ്മനാട് ആലക്കം പടിക്കാലില്‍ ശ്രീജിത്തിന്റെ ഭാര്യ അശ്വതി ആണ് മരിച്ചത്. പനി ബാധിച്ച അശ്വതിയെ തിങ്കളാഴ്ച കാസര്‍ഗോഡ് സ്വകാര്യ ആശുപത്രിയില്‍ പ്രവേശിപ്പിച്ചിരുന്നു. ചൊവ്വാഴ്ച സ്ഥിതി വഷളായതോടെ മംഗളൂരുവിലെ ആശുപത്രിയിലേക്ക് മാറ്റി. ഇന്ന് രാവിലെ മരണം സംഭവിക്കുകയായിരുന്നു. പോസ്റ്റുമോര്‍ട്ടത്തിനു ശേഷം മൃതദേഹം സംസ്‌കരിക്കും.
കൊട്ടാരക്കര: കഴിഞ്ഞ വെള്ളിയാഴ്ചയായിരുന്നു കോട്ടാത്തല സ്വദേശിനിയും എംഎ സൈക്കോളജി വിദ്യാർഥിനിയുമായ വല്ലം പത്തടി വിദ്യാ ഭവനിൽ വൃന്ദാരാജ് ആത്മഹത്യ ചെയ്തത്. പിന്നീട് നടന്ന അന്വേഷണത്തിൽ ഞെട്ടിക്കുന്ന വിവരങ്ങളാണ് പുറത്ത് വന്നത്. പോലീസിന്റെ അന്വേഷണത്തിനൊടുവിൽ ഒരു സൈനീകനെയാണ് ആത്മഹത്യ പ്രേരണ കുറ്റം ചുമത്തി അറസ്റ്റ് ചെയ്തത്. വൃന്ദരാജും സൈനീകനായ അനുകൃഷ്ണനും ആറ് വർഷത്തോളമായി പ്രണയത്തിലായിരുന്നു. ഇരുവരും പല തവണ ഒരുമിച്ച് യാത്ര ചെയ്തിട്ടുണ്ടെന്നും പോലീസ് അന്വേഷണത്തിൽ വ്യക്തമാകുകയായിരുന്നു. പിന്നീട് മറ്റൊരു പെൺകുട്ടിയുമായി അനുകൃഷ്ണൻ്റെ വിവാഹ നിശ്ചയം നടന്നു. ഇതറിഞ്ഞ വൃന്ദരാജ് ഇതിനെ കുറിച്ച് ചോദിച്ചു.എന്നാൽ വീട്സ് ആപ്പിലൂടെ അസഭ്യ മെസേജുകളായിരുന്നു മറുപടിയായി വന്നത്. ആത്മഹത്യക്ക് പ്രേരിപ്പിക്കുന്ന തരത്തിലുള്ള മെസേജുകളും അനുകൃഷ്ണൻ അയച്ചിരുന്നു. അനുകൃഷ്ണന്റെ മൊബൈൽ ഫോണിൽ നിന്നു പെൺകുട്ടിയെ ആക്ഷേപിക്കുകയും അപമാനിക്കുകയും ചെയ്യുന്ന സന്ദേശങ്ങളും തുടർച്ചയായി ആത്മഹത്യക്ക് പ്രേരിപ്പിക്കുന്ന തത്തിലുള്ള മെസേജുകളും പോലീസ് കണ്ടെത്തിയിട്ടുണ്ടെന്നാണ് റിപ്പോർട്ടുകൾ. എലി വിഷം…
ന്യുഡല്‍ഹി: 2024ലെ പൊതുതിരഞ്ഞെടുപ്പ് ലക്ഷ്യമിട്ട് വലിയ അഴിച്ചുപണിക്ക് ഒരു ബിജെപി നേതൃത്വം. കേന്ദ്രമന്ത്രിസഭയിലും പാര്‍ട്ടിയും അഴിച്ചുപണി സാധ്യതകള്‍ ഉണ്ടെന്നാണ് റിപ്പോര്‍ട്ട്. ഇന്നലെ പ്രധാനമന്ത്രി നരേന്ദ്ര മോദിയുടെ ഔദ്യോഗിക വസതിയില്‍ ചേര്‍ന്ന നിര്‍ണായക യോഗത്തില്‍ ആഭ്യന്തരമന്ത്രി അമിത് ഷാ, ബിജെപി അധ്യക്ഷന്‍ ജെ.പി നദ്ദ, മറ്റ് മുതിര്‍ന്ന ബിജെപി നേതാക്കളും പങ്കെടുത്തു. അഞ്ച് മണിക്കൂറോളം യോഗം നീണ്ടുനിന്നു. ബിജെപിയുടെ സംഘടനാപരവും രാഷ്ട്രീയ വിഷയങ്ങളിലുമുള്ള വിശദീകണം സംഘടനാ ചുമതലയുള്ള ജനറല്‍ സെക്രട്ടറി ബി.എല്‍ സന്തോഷ് നല്‍കി. കഴിഞ്ഞ ദിവസം ഭോപ്പാലില്‍ നടത്തിയ പ്രസംഗത്തില്‍ പ്രധാനമന്ത്രി ഏക വ്യക്തി നിയമം കൊണ്ടുവരുമെന്ന സൂചന നല്‍കിയിരുന്നു. അടുത്ത തിരഞ്ഞെടുപ്പ് പ്രകടനപത്രികയില്‍ ബിജെപിയുടെ തിരഞ്ഞെടുപ്പ് അജണ്ട അതായിരിക്കുമെന്ന സൂചനയാണ് അദ്ദേഹം നല്‍കിയത്. കര്‍ണാടകയിലുണ്ടായ കനത്ത തിരിച്ചടി ബിജെപി നേതൃത്വത്തെ ഇരുത്തി ചിന്തിപ്പിച്ചിരുന്നു. ഈ വര്‍ഷം തിരഞ്ഞെടുപ്പ് നടക്കാനിരിക്കുന്ന മധ്യപ്രദേശ്, രാജസ്ഥാന്‍, തെലങ്കാന, ഛത്തീസ്ഗഡ് എന്നീ…
തിരുവനന്തപുരം: കേരളത്തില്‍ ഇന്ന് ബലി പെരുന്നാള്‍. ദൈവകല്‍പനയനുസരിച്ച് മകന്‍ ഇസ്മയിലിനെ ബലി നല്‍കാന്‍ തയ്യാറായ പ്രവാചകന്റെ ആത്മസമര്‍പ്പണത്തെയും ത്യാഗത്തേയും അനുസ്മരിച്ചാണ് ലോകമെങ്ങുമുള്ള ഇസ്ലാം മത വിശ്വാസികള്‍ ബലി പെരുന്നാള്‍ ആഘോഷിക്കുന്നത്. ഗള്‍ഫ് രാജ്യങ്ങളില്‍ ഇന്നലെയായിരുന്നു ബലി പെരുന്നാള്‍ ആഘോഷം. ബലി പെരുന്നാള്‍ ആഘോഷത്തോട് അനുബന്ധിച്ച് സംസ്ഥാനത്തെ വിവിധ പള്ളികളിലും ഈദ്ഗാഹുകളിലും നമസ്‌കാര ചടങ്ങുകള്‍ നടക്കും. അതേസമയം രണ്ട് ദിവസമായി കേരളത്തില്‍ ഉടനീളം ശക്തമായ മഴയാണ് പെയ്യുന്നത്. മഴ മുന്നറിയിപ്പുള്ളതിനാല്‍ പല ജില്ലകളിലേയും ഈദ് ഗാഹുകള്‍ക്ക് നിയന്ത്രണം ഏര്‍പ്പെടുത്തിയിട്ടുണ്ട്. ത്യാഗം, സഹനം, സാഹോദര്യം എന്നീ മൂല്യങ്ങളുടെ സ്മരണയിലാണ് ഇസ്ലാം മതവിശ്വാസികള്‍ ബലി പെരുന്നാള്‍ ആഘോഷിക്കുന്നത്. ഇന്നലെ വൈകീട്ടോടെ പള്ളികള്‍ തഖ്ബീര്‍ മുഖരിതമായിരുന്നു. ഹജ്ജ് കര്‍മ്മത്തിന്റെ പരിസമാപ്തി കൂടിയാണ് ബലി പെരുന്നാള്‍. ഏറെ നാളത്തെ കാത്തിരിപ്പിന് ശേഷം ഉണ്ടായ മകന്‍ ഇസ്മായിലിനെ ദൈവ കല്‍പ്പന പ്രകാരം ബലി കൊടുക്കാന്‍ തീരുമാനിച്ചെങ്കിലും…
വാഷിംഗ്ടണ്‍: ടൈറ്റാനിക് പര്യവേക്ഷണത്തിനായി ടൈറ്റന്‍ എന്ന അന്തര്‍വാഹിനിയില്‍ കടലിന് അടിയിലേക്ക് പോയ അഞ്ച് വിനോദസഞ്ചാരികളുടേയും മൃതദേഹാവിഷ്ടങ്ങള്‍ കണ്ടെടുത്തു. യു എസ് കോസ്റ്റ് ഗാര്‍ഡാണ് ഇക്കാര്യം അറിയിച്ചത്. വീണ്ടെടുത്ത മനുഷ്യാവശിഷ്ടങ്ങള്‍ വിശദമായി പരിശോധിക്കും എന്ന് യു എസ് കോസ്റ്റ് ഗാര്‍ഡ് വ്യക്തമാക്കിയിട്ടുണ്ട്. അപകടത്തെ കുറിച്ചുള്ള അന്വേഷണത്തില്‍ ഇത് നിര്‍ണായകമാകും എന്നാണ് പ്രതീക്ഷ. ബ്രിട്ടീഷ് പര്യവേക്ഷകനായ ഹാമിഷ് ഹാര്‍ഡിംഗ്, ഫ്രഞ്ച് അന്തര്‍വാഹിനി വിദഗ്ധന്‍ പോള്‍-ഹെന്റി നര്‍ജിയോലെറ്റ്, പാകിസ്ഥാന്‍-ബ്രിട്ടീഷ് വ്യവസായി ഷഹ്സാദ ദാവൂദ്, അദ്ദേഹത്തിന്റെ മകന്‍ സുലെമാന്‍, സബ് ഓപ്പറേറ്റര്‍ ഓഷ്യന്‍ഗേറ്റ് എക്സ്പെഡിഷന്‍സിന്റെ സിഇഒ സ്റ്റോക്ക്ടണ്‍ റഷ് എന്നിവരാണ് ടൈറ്റനില്‍ ഉണ്ടായിരുന്നത്. കടലിലേക്ക് പോയി അല്‍പ്പസമയത്തിന് ശേഷം ഇവരുമായുള്ള സിഗ്നല്‍ നഷ്ടപ്പെട്ടിരുന്നു. ഇതിന് പിന്നാലെ രണ്ട് ദിവസം നീണ്ട തിരച്ചിലിനൊടുവിലാണ് അഞ്ച് പേരും മരിച്ചതായി സ്ഥിരീകരിച്ചത്. മരണം സ്ഥിരീകരിച്ച് ഒരാഴ്ച കഴിഞ്ഞിട്ടാണ് ഇവരുടെ മൃതദേഹാവിഷ്ടങ്ങള്‍ വീണ്ടെടുത്തത്. വടക്കന്‍ അറ്റ്‌ലാന്റിക്കില്‍ രണ്ട് മൈലില്‍…
ബെംഗളൂരു: വാഹനാപകടത്തിൽ പരുക്കേറ്റ കന്നഡ നടൻ സൂരജ് കുമാറിന്റെ (ധ്രുവൻ– 24) വലതുകാൽ മുറിച്ചു മാറ്റി. സൂരജിന്റെ ആദ്യ ചിത്രം റിലീസാകുന്നതിനുമുൻപാണ് ദാരുണ സംഭവം. ശനിയാഴ്ചയാണ് സൂരജ് കുമാറിന്റെ ഇരുചക്ര വാഹനം ടിപ്പർ ലോറിയുമായി കൂട്ടിയിടിച്ചത്. ഉടൻ തന്നെ ആശുപത്രിയിൽ പ്രവേശിപ്പിച്ചെങ്കിലും വലതുകാലിനു ഗുരുതരമായി പരുക്കറ്റതോടെ കാൽമുട്ടിന് താഴെ മുറിച്ചുമാറ്റേണ്ടി വരുകയായിരുന്നു. ചലച്ചിത്ര നിർമാതാവ് എസ്.എ.ശ്രീനിവാസിന്റെ മകനായ സൂരജ് കുമാർ, ഐരാവത, തരക് തുടങ്ങിയ സിനിമകളിൽ സഹസംവിധായകനായി പ്രവർത്തിച്ചിട്ടുണ്ട്. രഥം എന്ന ചിത്രത്തിൽ നായകനായി അഭിനയിച്ചുകൊണ്ടിരിക്കെയാണ് അപകടം. മലയാളി നടി പ്രിയ പ്രകാശ് വാരിയറാണ് ചിത്രത്തിലെ നായിക. സിനിമാ മേഖലയിൽ ധ്രുവൻ എന്ന പേരിൽ അറിയപ്പെടുന്ന സൂരജ്കുമാർ ശനിയാഴ്ച ഊട്ടിയിൽനിന്നു മൈസൂരുവിലേക്ക് മടങ്ങുന്നതിനിടെയാണ് അപകടം സംഭവിച്ചത്. ട്രാക്ടറിനെ മറികടക്കാൻ ശ്രമിക്കുന്നതിനിടെ ബൈക്കിന്റെ നിയന്ത്രണം നഷ്ടപ്പെട്ട് ടിപ്പറിൽ ഇടിക്കുകയായിരുന്നു. സൂരജിന്റെ കാലിൽ കൂടി ടിപ്പറിന്റെ ചക്രങ്ങൾ കയറിയിറങ്ങി. ഉടൻ…
കാസര്‍ഗോഡ്: വ്യാജരേഖാ കേസില്‍ എസ്‌എഫ്‌ഐ മുന്‍ നേതാവ് കെ.വിദ്യ വീണ്ടും അറസ്റ്റില്‍. നിലേശ്വരം പോലീസ് ആണ് വിദ്യയുടെ അറസ്റ്റ രേഖപ്പെടുത്തിയത്. ഹൊസ്ദുര്‍ഗ് കോടതിയില്‍ വിദ്യയെ ഇന്ന് ഹാജരാക്കും. കരിന്തളം ഗവ.കോളജില്‍ വ്യാജ രേഖ സമര്‍പ്പിച്ച്‌ ഗസ്റ്റ് അധ്യാപികയായി മുന്‍പ് ജോലി നേടിയിരുന്നു. ഇതില്‍ കോളജ് നല്‍കിയ പരാതിയിലാണ് അറസ്റ്റ്. കേസില്‍ ഇന്ന് വിദ്യ കാഞ്ഞങ്ങാട് ഡി.വൈ.എസ്.പി ഓഫീസില്‍ ചോദ്യം ചെയ്യലിന് ഹാജരായിരുന്നു. ചോദ്യം ചെയ്യലിനു ശേഷമാണ് അറസ്റ്റ് രേഖപ്പെടുത്തിയത്. വിദ്യയെ ചോദ്യം ചെയ്യുന്നതിനിടെ കരിന്തളം കോളജ് പ്രിന്‍സിപ്പലിനേയും പോലീസ് സ്ഥലത്തെത്തിച്ച്‌ ഒരുമിച്ചിരുത്തി ചോദ്യം ചെയ്തിരുന്നു. അഗളി പോലീസിന് നല്‍കിയ മൊഴി തന്നെയാണ് വിദ്യ നീലേശ്വരം പോലീസിനും നല്‍കുന്നത്. വ്യാജ രേഖ താന്‍ ഒറ്റയ്ക്കാണ് നിര്‍മ്മിച്ചതെന്നും രേഖയുടെ ഒറിജിനല്‍ അട്ടപ്പാടി ചുരത്തില്‍ കീറി കളഞ്ഞുവെന്നുമുള്ള മൊഴി ആവര്‍ത്തിക്കുകയായിരുന്നു. അട്ടപ്പാടി ഗവ.കോളജ് നല്‍കിയ പരാതിയില്‍ കഴിഞ്ഞ ദിവസം അഗളി പോലീസ്…
കോട്ടയം: തിരുവാര്‍പ്പില്‍ ബസുടമയും തൊഴിലാളി സംഘടനയായ സിഐടിയും തമ്മലുള്ള തര്‍ക്കം ഇന്നും പരിഹാരമായില്ല. പ്രശ്‌നപരിഹാരത്തിന് ജില്ല ലേബര്‍ ഓഫീസര്‍ വിളിച്ച യോഗത്തില്‍ തന്നെ മര്‍ദ്ദിച്ച സിഐടിയു നേതാവിനെ വിളിച്ചുവരുത്തി മുന്‍നിരയില്‍ ഇരുത്തിയതില്‍ പ്രതിഷേധിച്ചാണ് ബസുടമ രാജ്‌മോഹന്‍ കൈമള്‍ യോഗം ബഹിഷ്‌കരിച്ച്‌ ഇറങ്ങിപ്പോയത്. നീതിന്യായ വ്യവസ്ഥയോടുള്ള വെല്ലുവിളിയെന്ന് ബസുടമ മാധ്യമങ്ങളോട് പറഞ്ഞു. സാധാരണക്കാരന്റെ അവസ്ഥയാണിത്. കോടതിയലക്ഷ്യം കാണിച്ചയാളെയാണ് ചര്‍ച്ച്‌ ക്ഷണിച്ച്‌ മുന്‍നിരയില്‍ ഇരുത്തിയതെന്നും അദ്ദേഹം പറഞ്ഞു. ഇവിടെ വന്നപ്പോള്‍ വളരെ ഹൃദയഭേദകമായ അനുഭവമാണ് എനിക്കുണ്ടായത്. ബഹുമാനപ്പെട്ട കോടതിയുടെ വിധി നഗ്നമായി ലംഘിച്ച്‌ എന്നെ പൊതുവഴിയില്‍ ആക്രമിച്ച പ്രതിയെ ആനയിച്ചു കൊണ്ടുവന്ന് ലേബര്‍ ഓഫിസറുടെ മുന്നിലെ കസേരയില്‍ ഇരുത്തി എന്നെ ചര്‍ച്ചയ്ക്കു വിളിച്ച രംഗം എല്ലാവരും കണ്ടല്ലോ. ഇതെല്ലാം കാണുന്ന ജനങ്ങളോട് എനിക്ക് ഒന്നേ പറയാനുള്ളൂ. ലജ്ജിക്കണം, തല താഴ്ത്തണം. ഈ നാട്ടില്‍ ജീവിക്കുന്നവര്‍ ലജ്ജിക്കണം. സാധാരണക്കാരന്റെയും നീതിക്കു വേണ്ടി…
പാറശാല: പാറശാല പരശുവയ്ക്കലിൽ സ്കൂൾ വിദ്യാർഥിനിയുടെ മൃതദേഹം റെയിൽവേ ട്രാക്കിൽ കണ്ടെത്തി. പളുകൽ ഹയർ സെക്കൻഡറി സ്കൂളിലെ പത്താം ക്ലാസ് വിദ്യാർഥിനി ഈവലിങ് ജോയി (15) ആണ് മരിച്ചത്. പരശുവയ്ക്കൽ വഴി പോയ ട്രെയിനിന്റെ ലോക്കോ പൈലറ്റാണ് ആദ്യം മൃതദേഹം കണ്ടത്. തുടർന്ന് റെയിൽവേ പോലീസിൽ വിവരം അറിയിക്കുകയായിരുന്നു. വീട്ടിൽനിന്നു സ്കൂളിലേക്കെന്ന് പറഞ്ഞായിരുന്നു ഈവലിങ് ഇറങ്ങിയത്. എന്നാൽ സ്കൂളിൽ എത്തിയിരുന്നില്ല. ഇതിന് പിന്നാലെയാണ് പെൺകുട്ടിയുടെ മൃതദേഹം കണ്ടെത്തുന്നത്. അപകടം ആണോ എന്നതിൽ പോലീസിന്റെ ഭാഗത്തുനിന്നു സ്ഥിരീകരണം ലഭിച്ചിട്ടില്ല.റെയിൽവേ പോലീസിലും പാറശാല പോലീസും സ്ഥലത്തെത്തി പരിശോധന നടത്തുകയാണ്. സ്കൂൾ യൂണിഫോമിലായിരുന്നു വിദ്യാർഥിനിയുടെ മൃതദേഹം കാണപ്പെട്ടത്. സ്കൂൾ ബാഗും പരിസരത്തുനിന്നു പോലീസ് കണ്ടെത്തി. ഐഡന്റിറ്റി കാർഡിലൂടെയാണ് കുട്ടിയെ തിരിച്ചറിഞ്ഞത്. സ്കൂൾ അധികൃതരെയും കുട്ടിയുടെ വീട്ടുകാരെയും പോലീസ് ബന്ധപ്പെട്ട് വിവരങ്ങൾ ശേഖരിച്ചു. മൃതദേഹം പാറശാല താലൂക്ക് ആശുപത്രിയിലേക്ക് മാറ്റി.
ഇന്ത്യ ആതിഥേയത്വം വഹിക്കുന്ന ഈ വർഷത്തെ ഏകദിന ലോകകപ്പ് ഒക്ടോബർ അഞ്ചിന് തുടങ്ങും. അഹമ്മദാബാദിലെ നരേന്ദ്ര മോദി സ്റ്റേഡിയത്തിൽ ഇംഗ്ലണ്ടും, ന്യൂസിലൻഡും തമ്മിലാണ് ആദ്യ മത്സരം. കഴിഞ്ഞ ലോകകപ്പിലെ ഫൈനലിസ്റ്റുകളാണ് ഇരു ടീമുകളും. ഒന്നര മാസത്തോളം നീണ്ടു നിൽക്കുന്ന ടൂർണമെന്റിന്റെ കലാശപ്പോരാട്ടം നവംബർ 19 നാണ് നടക്കുക. അഹമ്മദാബാദ് തന്നെയാണ് ഫൈനലിന്റെയും വേദി.രാജ്യത്തെ 10 വേദികളിലായാണ് ലോകകപ്പ് മത്സരങ്ങൾ നടക്കുന്നത്. ഗുവാഹത്തിയും, തിരുവനന്തപുരവും ലോകകപ്പിന് മുന്നോടിയായുള്ള സന്നാഹ മത്സരങ്ങൾക്ക് വേദിയാകും. സെപ്റ്റംബർ 29 മുതൽ ഒക്ടോബർ 3 വരെയാകും സന്നാഹ മത്സരങ്ങൾ നടക്കുകയെന്നാണ് വിവരം. ഇതാദ്യമായാണ് ക്രിക്കറ്റ് ലോകകപ്പുമായി ബന്ധപ്പെട്ട മത്സരങ്ങൾക്ക് കേരളം ആതിഥേയത്വം വഹിക്കാനൊരുങ്ങുന്നത്. അഹമ്മദാബാദിന് പുറമേ, ധരംശാല, ഡെൽഹി, ലക്നൗ, പൂനെ, മുംബൈ, ഹൈദരാബാദ്, ബാംഗ്ലൂർ, ചെന്നൈ, കൊൽക്കത്ത എന്നീ നഗരങ്ങളും ലോകകപ്പിന് വേദിയാകും. ഇതിൽ കൊൽക്കത്തയും, മുംബൈയുമാകും സെമിഫൈനൽ മത്സരങ്ങൾക്ക് ആതിഥേയത്വം വഹിക്കുക.ഒക്ടോബർ…