Month: October 2022

വൽസാദ്∙ ഗുജറാത്തിലെ വൽസാദിൽ തീ ഉപയോഗിച്ച് മുടിമുറിക്കാൻ ശ്രമിക്കുന്നതിനിടെ യുവാവിന്റെ തലയ്ക്കു തീപിടിച്ചു. വാപി പട്ടണത്തിലെ ഒരു സലൂണിലാണ് സംഭവം. അടുത്ത കാലത്തായി ജനപ്രീതി നേടിയ ‘ഫയർ ഹെയർകട്ടി’നായി പതിനെട്ടുകാരൻ ബാർബറെ സമീപിക്കുകയായിരുന്നു. മുടിയിൽ തീയിട്ട ശേഷം തല ചീവാൻ ശ്രമിച്ചെങ്കിലും തീ ആളിക്കത്തുകയായിരുന്നു. കൈ കൊണ്ട് തീ അണക്കാൻ ശ്രമിച്ചെങ്കിലും പൊള്ളലേറ്റ യുവാവ് കടയിൽ നിന്ന് ഓടുകയായിരുന്നു. സംഭവത്തിന്റെ വീഡിയോ സമൂഹമാധ്യമങ്ങളിൽ വൈറലാണ്.കഴുത്തിലും നെഞ്ചിലും ഗുരുതരമായി പൊള്ളലേറ്റ യുവാവിനെ ഉടൻ ആശുപത്രിയിൽ പ്രവേശിപ്പിച്ചു. പിന്നീട് വൽസാദിലെ സിവിൽ ആശുപത്രിയിലേക്കും അവിടെനിന്നും സൂറത്തിലെ ആശുപത്രിയിലേക്ക് കൊണ്ടുപോയതായും അന്വേഷണ ഉദ്യോഗസ്ഥൻ കരംസിൻഹ് മക്വാന അറിയിച്ചു. യുവാവിന്റെയും ബാർബറിന്റെയും മൊഴി എടുക്കുമെന്നും അദ്ദേഹം പറഞ്ഞു. 18-year-old boy suffered severe burn injuries after his ”fire haircut” went wrong at a salon in Vapi town…

കോഴിക്കോട്: പനി ബാധിച്ച്‌ ചികിത്സ തേടിയെത്തിയെ യുവതി മരുന്ന് മാറി കുത്തിവച്ചതിനെത്തുടര്‍ന്ന് മരിച്ചതായി പരാതി. കോഴിക്കോട് മെഡിക്കല്‍ കോളേജിലാണ് സംഭവം. കൂടരഞ്ഞി സ്വദേശി സിന്ധു (45) ആണ് മരിച്ചത്. പനി ബാധിച്ച്‌ ചികിത്സയ്ക്കെത്തിയ യുവതിയ്ക്ക് നഴ്‌സ് മരുന്നുമാറി കുത്തിവച്ചെന്നും ഇതാണ് മരണകാരണമായതെന്നും ബന്ധുക്കള്‍ ആരോപിക്കുന്നു. ഇന്നലെയാണ് സിന്ധു കോഴിക്കോട് മെ‌ഡിക്കല്‍ കോളേജില്‍ എത്തിയത്. പ്രാഥമിക ചികിത്സയ്ക്ക് ശേഷം ഇവരെ വാര്‍ഡിലേയ്ക്ക് മാറ്റിയിരുന്നു. ഇന്ന് രാവിലെ കുത്തിവച്ച മരുന്ന് മാറിപ്പോയെന്നാണ് ബന്ധുക്കള്‍ ആരോപിക്കുന്നത്. തുടര്‍ന്ന് മരണം സംഭവിക്കുകയായിരുന്നു. കഴിഞ്ഞ ദിവസം കൊടുത്ത മരുന്നല്ല ഇന്ന് കൊടുത്തത്. നഴ്‌സിന് പിഴവ് പറ്റിയതാണ്. മരുന്നുകുത്തി വയ്ക്കുന്നതിന് മുന്‍പ് വരെ രോഗി സാധാരണ നിലയിലായിരുന്നു. കുത്തിവയ്പ്പിന് പിന്നാലെ തളര്‍ന്നുവീഴുകയായിരുന്നെന്ന് സിന്ധുവിന്റെ കുടുംബം പറയുന്നു. നഴ്‌സ് ഫോണില്‍ സംസാരിച്ചുകൊണ്ടായിരുന്നു കുത്തിവയ്പ്പെടുത്തത്. തുടര്‍ന്ന് നിമിഷങ്ങള്‍ക്കകം സിന്ധു കുഴഞ്ഞുവീണു. ശരീരത്തിന്റെ നിറം മാറിയെന്നും വായില്‍ നിന്ന് നുരയും…

കൊച്ചി: കേരളത്തെ ഞെട്ടിച്ച ഇലന്തൂര്‍ ഇരട്ട നരബലിക്കേസിലെ പ്രതികളെ ഇന്ന് കാലടിയിലെത്തിച്ച്‌ തെളിവെടുപ്പ് നടത്തിയേക്കും. ആദ്യം കൊല്ലപ്പെട്ട റോസ്‍ലിന്‍ കാലടിയിലാണ് താമസിച്ചിരുന്നത്. അതേസമയം, കേസിലെ പ്രതികളെ ഒമ്ബത് ദിവസത്തേക്ക് പെരുമ്ബാവൂര്‍ മജിസ്ട്രേറ്റ് കോടതി ഇന്നലെ പോലിസ് കസ്റ്റഡിയില്‍ വിട്ടുനല്‍കിയിരുന്നു. പ്രതി ലൈലയുടെ ജാമ്യഹര്‍ജി എറണാകുളം ജുഡീഷ്യല്‍ ഫസ്റ്റ് ക്ലാസ് മജിസ്ട്രേറ്റ് കോടതി ഇന്ന് പരിഗണിക്കും. കടവന്ത്ര പോലീസ് രജിസ്റ്റര്‍ ചെയ്ത പത്മയുടെ കൊലപാതക കേസിലാണ് ജാമ്യഹര്‍ജി. ഇതിനിടെ കേസിലെ മുഖ്യപ്രതിയായ മുഹമ്മദ് ഷാഫിയുടെ സഹായിയെ പോലീസ് തിരിച്ചറിഞ്ഞു. ഇയാളുടെ സഹായത്തോടെയാണ് ഭഗവല്‍ സിങ്ങിനെയും ലൈലയെയും ഷാഫി കെണിയില്‍ പെടുത്തിയത്. ശബ്ദ സന്ദേശങ്ങളിലൂടെയും മെസഞ്ചര്‍- വാട്‌സാപ്പ് കോളുകളിലൂടെയുമാണ് ഇയാള്‍ ഭഗവല്‍ സിങ്ങുമായി സംസാരിച്ചത്. ഇയാളെ അന്വേഷണ സംഘം ഉടന്‍ അറസ്റ്റ് ചെയ്യുമെന്നാണ് സൂചന. കേസില്‍ നാലാമതൊരു പ്രതിയെ കൂടി കണ്ടെത്തിയിരിക്കുകയാണ് പോലീസ്. കൃത്യത്തില്‍ നേരിട്ട് പങ്കെടുത്തിട്ടില്ലെങ്കിലും കര്‍മ്മ പദ്ധതി…

കൊച്ചി: കുണ്ടന്നൂരിലെ ബാര്‍ ഹോട്ടലില്‍ വെടിവയ്പ്പ് നടത്തിയ സംഭവത്തില്‍ രണ്ട് പേര്‍ പിടിയില്‍. എഴുപുന്ന നീണ്ടകര സ്വദേശി റോജന്‍, സുഹൃത്ത് അര്‍ത്തുങ്കല്‍ സ്വദേശി ഹെറാള്‍ഡ് എന്നിവരാണ് പിടിയിലായത്. മരട് പൊലീസാണ് ആലപ്പുഴ അര്‍ത്തുങ്കലില്‍ നിന്ന് ഇവരെ കസ്റ്റഡിയിലെടുത്തത്. കുണ്ടന്നൂരിലെ ‘ഓജീസ് കാന്താരി’ എന്ന ബാര്‍ ഹോട്ടലില്‍ ബുധനാഴ്ച വൈകുന്നേരത്തോടെയാണ് വെടിവയ്പ്പുണ്ടായത്. എയര്‍ ഗണ്‍ ഉപയോഗിച്ചാണ് വെടിവെച്ചത് എന്നാണ് സൂചന.മദ്യപിച്ചതിന് ശേഷം പുറത്തേക്ക് ഇറങ്ങുന്നതിനിടെയാണ് കൗണ്ടറിലെ ഭിത്തിയിലേക്ക് ഒരാള്‍ വെടിവെച്ചത്. രണ്ട് തവണ നിറയൊഴിച്ചു. പ്രതികളെ പൊലീസ് വിശദമായി ചോദ്യം ചെയ്തുവരികയാണ്. പ്രതികള്‍ക്ക് ക്രിമിനല്‍ പശ്ചാത്തലം ഉണ്ടെന്നാണ് പ്രാഥമിക വിവരം.ഉച്ചയ്ക്ക് മൂന്നരയോടെയാണ് സംഭവം നടന്നതെങ്കിലും ഏഴു മണിയോടെ മാത്രമാണ് ബാര്‍ അധികൃതര്‍ പരാതി നല്‍കിയത്. സംഭവത്തെ തുടര്‍ന്ന് ബാര്‍ പൊലീസ് അടച്ചുപൂട്ടിയിട്ടുണ്ട്. ഹോട്ടലില്‍ ഇന്ന് ഫോറന്‍സിക് വിദഗ്ധരെത്തി പരിശോധന നടത്തും.

കോട്ടയം: ചങ്ങനാശ്ശേരി കറുകച്ചാലില്‍ പെണ്‍കുട്ടിയെ യുവാവ് കുത്തിപ്പരിക്കേല്‍പ്പിച്ചു. പാമ്ബാടി കുറ്റിക്കല്‍ സ്വദേശിനിക്കാണ് കുത്തേറ്റത്. കറുകച്ചാല്‍ പൊലീസ് സ്റ്റേഷന് മുന്നിലാണ് സംഭവം. ഇടതുകൈയ്ക്ക് കുത്തേറ്റ പെണ്‍കുട്ടി സ്റ്റേഷനിലേക്ക് ഓടിക്കയറി. ഇന്ന് രാവിലെ പതിനൊന്നരയോടെയായിരുന്നു സംഭവം. കേസില്‍ പാമ്ബാടി പൂതക്കുഴി സ്വദേശി അഖിലിനെ പൊലീസ് കസ്റ്റഡിയിലെടുത്തു. കത്രിക കൊണ്ടാണ് ഇയാള്‍ പെണ്‍കുട്ടിയെ ആക്രമിച്ചത്. ഇടതുകൈയിലെ തള്ളവിരലിനാണ് കുത്തേറ്റത്. പെണ്‍കുട്ടിയെ സമീപത്തെ ആശുപത്രിയിലെത്തിച്ച്‌ ചികിത്സ നല്‍കി. പരിക്ക് ഗുരുതരമല്ല. പെണ്‍കുട്ടിയുടെ മുന്‍ സുഹൃത്താണ് അഖില്‍. സൗഹൃദം അവസാനിപ്പിച്ചതിലെ വിരോധമാണ് ആക്രമണത്തിന് കാരണമെന്ന് പൊലീസ് അറിയിച്ചു. അഖില്‍ പെണ്‍കുട്ടിയുടെ പിന്നാലെ നടന്ന് നിരന്തരം ശല്യം ചെയ്തിരുന്നു. ഇയാള്‍ക്കെതിരെ പരാതി നല്‍കാന്‍ സുഹൃത്തിനൊപ്പം പൊലീസ് സ്റ്റേഷനിലേക്ക് വരികയായിരുന്നു പെണ്‍കുട്ടി. ഇതറിഞ്ഞ യുവാവ് ഇവിടെ എത്തി ആക്രമിക്കുകയായിരുന്നു.