ന്യൂഡല്‍ഹി: കടുത്ത ഇന്ധനക്ഷാമത്തിലും സാമ്ബത്തിക അരക്ഷിതാവസ്ഥയിലും വലയുന്ന ശ്രീലങ്കയ്ക്ക് ഇന്ത്യയുടെ സഹായം. 40,000 ടണ്‍ ഡീസല്‍ ശ്രീലങ്കയിലേക്ക് അടിയന്തരമായി കയറ്റുമതി ചെയ്യാന്‍ ഇന്ത്യ തീരുമാനിച്ചതായി സര്‍ക്കാര്‍ വൃത്തങ്ങളെ ഉദ്ദരിച്ച്‌ ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നു. നിലവില്‍ വായ്പാ അടിസ്ഥാനത്തില്‍ ശ്രീലങ്കയ്ക്ക് പെട്രോളിയം ഉല്‍പന്നങ്ങള്‍ നല്‍കുന്ന 500 മില്യണ്‍ ഡോളറിന്റെ കരാറിന് പുറമെയാണിത്. ഇന്ധന ക്ഷാമം കടുത്തതോടെയാണ് ശ്രീലങ്ക വീണ്ടും സഹായമഭ്യര്‍ത്ഥിച്ചത്. റഷ്യ-യുക്രെയ്ന്‍ യുദ്ധം ആഗോള തലത്തില്‍ ഇന്ധന മേഖലയെ ബാധിച്ചിരിക്കുന്നതിനാല്‍ ആഭ്യന്തര ആവശ്യത്തിന് തടസ്സം വരാതെ ശ്രീലങ്കയ്ക്ക് ഡീസല്‍ നല്‍കാനുള്ള ശ്രമത്തിലാണ് അധികൃതരെന്നാണ് ലഭിക്കുന്ന വിവരം. ഇന്ത്യയില്‍ നിന്നും പെട്രോളിയം ഉല്‍പന്നങ്ങള്‍ എത്തിക്കുന്നതിനായി ഫെബ്രുവരി രണ്ടിനാണ് ശ്രീലങ്കന്‍ സര്‍ക്കാര്‍ ഇന്ത്യാസ് എക്പോര്‍ട്ട് ഇംപോര്‍ട്ട് ബാങ്കുമായി (എക്സിം) 500 മില്യണ്‍ ഡോളറിന്റെ വായ്പാ കരാര്‍ ഒപ്പുവെക്കുന്നത്. ഇതിന് പുറമെ മാര്‍ച്ച്‌ 17 ന് 100 കോടി ഡോളറിന്റെ വായ്പയും…
ശ്രീലങ്കയ്ക്ക് വീണ്ടും ഇന്ത്യയുടെ സഹായം; 40,000 ടണ്‍ ഡീസല്‍ എത്തിക്കും
