Month: March 2022

തിരുവനന്തപുരം: പുനലൂര്‍ -തിരുവനന്തപുരം പാസഞ്ചര്‍ എക്സ്‌പ്രസ് ഏപ്രില്‍ ഒന്നുമുതല്‍ നാഗര്‍കോവില്‍ വരെ നീട്ടുന്നു. മടക്കി വരുന്നത് കന്യാകുമാരിയില്‍ നിന്നായിരിക്കും. ഇതോടെ ഈ ട്രെയിന്‍ തിരുവനന്തപുരം സെന്‍ട്രല്‍ സ്റ്റേഷനില്‍ കാല്‍മണിക്കൂര്‍ നേരത്തെ എത്തും. പുനലൂരില്‍ നിന്ന് രാവിലെ 6.30ന് തന്നെയാണ് പുറപ്പെടുക. 9.15ന് തിരുവനന്തപുരത്തെത്തി 9.20ന് നാഗര്‍കോവിലിലേക്ക് പാസഞ്ചര്‍ എക്സ്‌പ്രസ് പുറപ്പെടും. നേമം, ബാലരാമപുരം, നെയ്യാറ്റിന്‍കര, ധനുവച്ചപുരം,പാറശാല,കുളിത്തുറ,ഇരണിയല്‍ എന്നിവിടങ്ങളില്‍ സ്റ്റോപ്പുണ്ട്. നാഗര്‍കോവില്‍ ജംഗ്ഷനില്‍ 11.35ന് എത്തിച്ചേരും. കന്യാകുമാരിയില്‍ നിന്ന് മടക്കയാത്ര വൈകിട്ട് 3.10നായിരിക്കും. തിരുവനന്തപുരത്ത് വൈകിട്ട് 5.15ന് എത്തിച്ചേരും. കൊല്ലത്ത് വൈകിട്ട് 6.45നും പുനലൂരില്‍ രാത്രി 8.15നും എത്തിച്ചേരും. ഇത് കൂടാതെ നാഗര്‍കോവിലില്‍ നിന്ന് തിരുനെല്‍വേലിക്ക് പുതിയ പാസഞ്ചര്‍ എക്സ്‌പ്രസ് സര്‍വീസും ഏപ്രില്‍ ഒന്നിന് ആരംഭിക്കും.രാവിലെ 6.35ന് തിരുനെല്‍വേലിയില്‍ നിന്ന് പുറപ്പെട്ട് 8.10ന് നാഗര്‍കോവിലിലെത്തും. വൈകിട്ട് 6.40നാണ് മടക്കയാത്ര. ഇത് രാത്രി 8.40ന് തിരുനെല്‍വേലിയിലെത്തും.

തൃശൂര്‍: തൃശൂര്‍ നഗരത്തിന്റെ വിവിധ റോഡുകളില്‍ ‘എല്‍’ എന്ന അടയാളം രേഖപ്പെടുത്തിയത് കണ്ട് ആശങ്കയിലായി നാട്ടുകാര്‍. എന്താണ് ഇതിനു പിന്നിലെ കാരണം എന്നറിയാതെ നാട്ടുകാര്‍ക്കിടയില്‍ വളരെ പെട്ടെന്ന് തന്നെയാണ് ആ ശങ്ക പടര്‍ന്നത്. അതേസമയം ഡ്രോണ്‍ സര്‍വേയുടെ ഭാഗമായാണ് ഈ അടയാളം രേഖപ്പെടുത്തിയതെന്ന് പോലീസ് വിശദീകരിച്ചു. രാത്രിയിലായിരുന്നു റോഡുകളില്‍ എല്‍ അടയാളം രേഖപ്പെടുത്തിയത്. അസമയത്തുള്ള ‘എല്‍’ അടയാളം കണ്ട് നാട്ടുകാര്‍ പേടിച്ചു. കെ – റെയില്‍ കല്ലിടല്‍ വ്യാപകമായതിനാല്‍ ഇനി ഭൂമി ഏറ്റെടുക്കാനുള്ള അടയാളമെന്ന് പലരും സംശയിച്ചു. ആരാണ് ഇത് വരച്ചതെന്ന് അറിയാന്‍ കോര്‍പറേഷന്‍ ഉദ്യോഗസ്ഥരുമായി ബന്ധപ്പെട്ടു. പക്ഷേ, അവര്‍ക്കും അറിയില്ലായിരുന്നു. ഇതിനിടെ, പൊലീസ് ഉദ്യോഗസ്ഥരെ വിളിച്ചും ചിലര്‍ കാര്യമറിയിച്ചു. പോലീസ് നടത്തിയ അന്വേഷണത്തില്‍ ഇത് ഡ്രോണ്‍ സര്‍വേയുടെ ഭാഗമായി രേഖപ്പെടുത്തിയ അടയാളമാണെന്ന് വ്യക്തമായി. ഡ്രോണ്‍ ക്യാമറയില്‍ തെളിയാന്‍ വേണ്ടിയാണ് ഇതു അടയാളപ്പെടുത്തിയെന്ന് ഉദ്യോഗസ്ഥര്‍ വിശദീകരിച്ചു. പോലീസിന്റെ…

കോഴിക്കോട്: വിവാഹം നിശ്ചയിച്ച യുവതിയുടെ വീട്ടിലെത്തി സ്വയം തീകൊളുത്തിയ യുവാവ് മരിച്ചു. നാദാപുരം ജാതിയേരിയില്‍ കല്ലുമ്മലില്‍ ചൊവ്വാഴ്ച്ച പുലര്‍ച്ചെ രണ്ട് മണിയോടെയാണ് അര കിലോമീറ്ററോളം ദൂരെയുള്ള യുവതിയുടെ വീട്ടിലെത്തി രത്നേഷ് അക്രമം നടത്തിയത്. വീടിന്‍്റെ മുറ്റത്തുണ്ടായിരുന്ന ഇരുമ്ബ് ഗോവണി ഉപയോഗിച്ച്‌ ഇരുനില കോണ്‍ക്രീറ്റ് വീടിന്‍്റെ മുകള്‍ നിലയില്‍ കയറുകയും മരത്തിന്‍്റെ വാതില്‍ തകര്‍ത്ത് കിടപ്പ് മുറിയില്‍ കയറി തീ വെക്കുകയായിരുന്നു. വീട്ടില്‍ നിന്ന് തീ ആളിപടരുന്നത് കണ്ട അയല്‍വാസിയായ സ്ത്രീ ബഹളം വെക്കുകയും നാട്ടുകാരെ വിവരം അറിയിക്കുകയുമായിരുന്നു. പ്രദേശവാസികള്‍ ഓടിയെത്തിയപ്പോള്‍ വീടിന്‍്റെ ടെറസില്‍ നിന്ന് യുവാവ് ഇറങ്ങി വരികയും, ദേഹമാസകലം പെട്രോള്‍ ഒഴിക്കുകയും, കുടിക്കുകയും ചെയ്ത ശേഷം തീ കൊളുത്തുകയായിരുന്നുവെന്ന് ദൃക്സാക്ഷികള്‍ പറഞ്ഞു. ശരീരമാകെ തീ ആളിപടര്‍ന്ന് വീട്ടിലേക്കുള്ള വഴിയില്‍ ഗെയ്റ്റിന് സമീപം വീണു കിടക്കുകയായിരുന്നു രത്നേഷ്. കല്ലുമ്മലിലെ ചെറിയ കുനിയില്‍ കണ്ണന്‍്റ വീട്ടിലാണ് യുവാവ് അക്രമം…