Day: November 7, 2021

ചെറുതോണി: വാഴത്തോപ്പ് പഞ്ചായത്തിലെ പെരുങ്കാലായില്‍ ഭൂമി ഇടിഞ്ഞുതാഴുന്നു. 56 കോളനി – പെരുങ്കാല – ആനക്കൊമ്ബന്‍ റോഡിലാണ് നിരവധി വീടുകള്‍ക്ക് ഭീഷണിയായി ഭൂമി താഴുന്നത്. മനോജ് ചേലപ്ലാക്കല്‍, തേവന്‍ പാണ്ഡ്യന്‍, കല്ലടയില്‍ സജി, വേമ്ബേനിക്കല്‍ സുകുമാരന്‍, മാവുവിളയില്‍, ചന്ദ്രിക ജയറാം, അനീഷ് തുരുത്തിക്കാട്ടില്‍, ചന്ദ്രന്‍ തുരുത്തിക്കാട്ടില്‍, മോളി മാണക്കോട്ട്, സുമതി പാച്ചു വെള്ളക്കുടിയില്‍, സന്തോഷ് വെള്ളക്കുടിയില്‍, അമ്മിണി പാലക്കല്‍ തുടങ്ങിയവരുടെ ഭൂമിയാണ് ഇടിഞ്ഞത്. റോഡില്‍നിന്ന്​ വീടുകള്‍ക്ക് അടിയിലൂടെ 100 മീറ്റര്‍ ദൂരത്തില്‍ പല ഇടങ്ങളിലും വെള്ളച്ചാലുകളും രൂപപ്പെട്ടിട്ടുണ്ട്. ആശങ്കയിലായ കുടുംബങ്ങളെ മാറ്റിപ്പാര്‍പ്പിക്കണമെന്ന്​ നാട്ടുകാര്‍ ആവശ്യപ്പെട്ടു. 2018ലെ പ്രളയകാലത്തും സമീപത്ത് പലയിടങ്ങളിലും സോയില്‍ പൈപ്പിങ്​ രീതിയില്‍ പ്രതിഭാസങ്ങള്‍ കണ്ടിരുന്നു. അക്കാലത്തും ജിയോളജി വിഭാഗം ഉള്‍പ്പെടെ സ്ഥലത്ത് പരിശോധന നടത്തിയെങ്കിലും പ്രദേശത്തുനിന്ന്​ ആളുകളെ മാറ്റിപ്പാര്‍പ്പിക്കാന്‍​ നടപടി ഉണ്ടായില്ല. നാട്ടുകാരുടെ പരാതിയെത്തുടര്‍ന്ന് ഇടുക്കി തഹസില്‍ദാറും സംഘവും പരിശോധന നടത്തി. ഇടുക്കിയില്‍ ഇതിനുമുമ്ബും…

കോഴിക്കോട് : മൊബൈല്‍ ഫോണ്‍ വാങ്ങി വെച്ചതിന് വീട്ടുകാരോട് പിണങ്ങി പെണ്‍കുട്ടി വീട് വിട്ടിറങ്ങി. പതിനാലുകാരിയാണ് വീട്ടുകാരോടുള്ള ദേഷ്യത്തില്‍ അര്‍ധ രാത്രി വീടുവിട്ടിറങ്ങിയത്. കഴിഞ്ഞ ദിവസമാണ് സംഭവം. മൊബൈല്‍ ഫോണിന്റെ അമിത ഉപയോഗം ശ്രദ്ധയില്‍പ്പെട്ട രക്ഷിതാക്കള്‍ കുട്ടിയുടെ കൈവശം ഉണ്ടായിരുന്ന ഫോണ്‍ വാങ്ങി വെക്കുകയായിരുന്നു. പോലീസും നാട്ടുകാരും ചേര്‍ന്ന് നടത്തിയ തെരച്ചിലിനൊടുവില്‍ വീട്ടില്‍ നിന്ന് എട്ടുകിലോമീറ്റര്‍ അകലെയുള്ള മൊകേരി ടൗണില്‍ നിന്ന് പെണ്‍കുട്ടിയെ കണ്ടെത്തി. ടൗണിലെ അടച്ചിട്ട കടവരാന്തയില്‍ ഇരിക്കുന്ന പെണ്‍കുട്ടിയെ അര്‍ധരാത്രിയോടെ കണ്ടെത്തുകയായിരുന്നു. പെണ്‍കുട്ടി മൊകേരിയില്‍ ഉണ്ടെന്ന വിവരം ലഭിച്ചതിനെ തുടര്‍ന്ന് പോലീസ് കുട്ടിയെ സ്‌റ്റേഷനിലേക്ക് കൂട്ടികൊണ്ടുവരികയായിരുന്നു. പെണ്‍കുട്ടിയെ പിന്നീട് രക്ഷിതാക്കള്‍ക്കൊപ്പം വിട്ടു.