Month: August 2021

കോഴിക്കോട്: കുന്നമംഗലത്ത് 18.7 കിലോ കഞ്ചാവുമായി രണ്ടു പേര്‍ പിടിയില്‍. കഞ്ചാവുമായി കാറില്‍ വയനാട്ടിലേക്ക് പോകുന്നതിനിടെയാണ് തൃശൂര്‍ മുല്ലശേരി സ്വദേശിനി ലീന (43), പട്ടാമ്ബി സ്വദേശി സനല്‍ (36) എന്നിവരെ പോലീസ് പിടികൂടിയത്. ജില്ലാ ലഹരി വിരുദ്ധ സ്‌ക്വാഡിന്റെ നിരീക്ഷണത്തിലായിരുന്ന ഇവരെ രാവിലെ കുന്നമംഗലം വയനാട് റോഡില്‍ കാര്‍ തടഞ്ഞുനിര്‍ത്തി പൊലീസ് നടത്തിയ പരിശോധനയിലാണ് പിടികൂടിയത്. കാറിനകത്ത് സൂക്ഷിച്ച നിലയിലിരുന്നു കഞ്ചാവ്. കാറും പൊലീസ് കസ്റ്റഡിയിലെടുത്തു. കാറിന്റെ നമ്ബര്‍ വ്യാജമെന്ന് പൊലീസ് കണ്ടെത്തി. തൃശൂരില്‍ ബ്യൂട്ടിപാര്‍ലര്‍ നടത്തിയിരുന്ന ലീനയും ബേക്കറി ജീവനക്കാരനായ സനലും ലോക്ഡൗണിലാണ് കഞ്ചാവ് കടത്തല്‍ ആരംഭിച്ചതെന്ന്‌ പോലീസ് പറയുന്നു.

പാലക്കാട്: പാലക്കാട് ജില്ലയിലെ കോണ്‍ഗ്രസിന്റെ മുതിര്‍ന്ന നേതാവ് എ.വി.ഗോപിനാഥ് പാര്‍ട്ടിയില്‍ നിന്ന് രാജിവച്ചു. പാര്‍ട്ടിയില്‍, മനസിനെ തളര്‍ത്തുന്ന കാര്യങ്ങള്‍ ആവര്‍ത്തിക്കുന്നുവെന്നും ഒരുപാട് നാളത്തെ മാനസിക സംഘര്‍ഷങ്ങള്‍ക്ക് ശേഷമാണ് രാജി തീരുമാനമെന്നും ഗോപിനാഥ് പറഞ്ഞു. പാലക്കാട്ടെ വീട്ടില്‍ നടത്തിയ വാര്‍ത്താസമ്മേളനത്തിലാണ് രാജിപ്രഖ്യാപനം. കോണ്‍ഗ്രസ് പുനഃസംഘടന സംബന്ധിച്ച ഹൈക്കമാന്‍ഡ് തീരുമാനം അംഗീകരിക്കുന്നുവെന്ന് പറഞ്ഞ ഗോപിനാഥ് പാര്‍ട്ടിയുമായുള്ള 50 വര്‍ഷത്തെ ബന്ധം അവസാനിപ്പിക്കുകയാണെന്നു കൂട്ടിച്ചേര്‍ത്തു. പാര്‍ട്ടിയുടെ മുന്നോട്ടുള്ള പോക്കിന് താന്‍ തടസമാകരുതെന്നതാണ് രാജിക്കു പിന്നിലെ കാരണം. മറ്റൊരു പാര്‍ട്ടിയിലേക്കും പോകുന്നത് തീരുമാനിച്ചിട്ടില്ല. സാഹചര്യങ്ങള്‍ മനസിലാക്കിയ ശേഷം ഭാവി നടപടികള്‍ സ്വീകരിക്കുമെന്ന് സിപിഎം സഹകരണം തള്ളാതെ ഗോപിനാഥ് പറഞ്ഞു. സിപിഎം ഉള്‍പ്പടെയുള്ള പാര്‍ട്ടികളുമായി അയിത്തമില്ല. കൂടെയുള്ള ആരോടും കോണ്‍ഗ്രസ് വിടാന്‍ പറയില്ല. പിണറായിയുടെ ചെരുപ്പ് നക്കേണ്ടി വന്നാലും അഭിമാനമാണ്. കേരളത്തിലെ ഏറ്റവും ചങ്കൂറ്റമുള്ള നേതാവാണ് പിണറായി വിജയന്‍. അദ്ദേഹത്തിന്റെ അടുക്കളക്കാരന്‍ ആകേണ്ടി വന്നാലും…

മട്ടന്നൂര്‍: കണ്ണൂര്‍ മട്ടന്നൂര്‍ കളറോഡില്‍ കാറും ബസും കൂട്ടിയിടിച്ച്‌ ഒരാള്‍ മരിച്ചു. നാലുപേര്‍ക്ക് പരിക്കേറ്റു. കാര്‍ യാത്രികന്‍ കോട്ടയം കാഞ്ഞിരപ്പള്ളി സ്വദേശി തോമസ്‌കുട്ടി(28) ആണ് മരിച്ചത്. അപകടത്തില്‍ സാരമായി പരിക്കേറ്റ കാര്‍ യാത്രികരായ ഫാദര്‍ റോയി മാത്യു വടക്കേല്‍ (53), ഷാജി (40) എന്നിവരെ കണ്ണൂരിലെ സ്വകാര്യ ആശുപത്രിയിലും ഡ്രൈവര്‍ അജി (45), സിസ്റ്റര്‍ ട്രീസ (56) എന്നിവരെ മട്ടന്നൂരിലെ സ്വകാര്യ ആശുപത്രിയിലും പ്രവേശിപ്പിച്ചു. ഇന്നു കാലത്ത് 9.30ഓടെ കളറോഡ്- പത്തൊമ്ബതാംമൈല്‍ മലബാര്‍ സ്‌കൂളിനു സമീപമായിരുന്നു അപകടം. കാഞ്ഞിരപ്പള്ളിയില്‍ നിന്ന് ഇരിട്ടിയിലേക്ക് വിവാഹചടങ്ങില്‍ പങ്കെടുക്കുവാന്‍ പോകുന്ന സംഘം സഞ്ചരിച്ച കാര്‍ എതിരേ വരികയായിരുന്ന ബസുമായി കൂട്ടിയിടിക്കുകയായിരുന്നു. സാമൂഹ്യ നീതി വകുപ്പിന്‍റെ ഓര്‍ഫനേജ് കണ്‍ട്രോള്‍ ബോര്‍ഡിന്‍റെ വാഹനമാണ് അപകടത്തില്‍പ്പെട്ടത്.

മലപ്പുറം: പ്ലസ്ടു വിദ്യാര്‍ത്ഥി പതിനാറുകാരിയെ ഗര്‍ഭിണിയാക്കിയെന്ന പീഡനക്കേസില്‍ അകത്തായത് പൊലീസിന്റെ തിരക്കഥയെന്ന് മാതാപിതാക്കള്‍ മറുനാടനോട്. പൊലീസ് പറഞ്ഞു ചെയ്യിച്ച പോലെയാണ് തെളിവെടുപ്പിനെത്തിയപ്പോള്‍ പെണ്‍കുട്ടി പെരുമാറിയതെന്നും മാതാപിതാക്കള്‍ പറഞ്ഞു. പീഡനക്കേസില്‍ അറസ്റ്റിലായി ജയിലില്‍കഴിയേണ്ടി വന്ന തിരൂരങ്ങാടി തെന്നല സ്വദേശി ശ്രീനാഥിന്റെ മാതാപിതാക്കളാണ് കല്‍പ്പകഞ്ചേരി പൊലീസിനെതിരെ ആരോപണവുമായി രംഗത്തെത്തിയത്. സംഭവത്തെ പറ്റി ശ്രീനാഥിന്റെ മാതാവ് ശ്രീമതി പറയുന്നതിങ്ങനെയാണ്: അറസ്റ്റ് ചെയ്തുകൊണ്ടു പോയ ശേഷം കല്‍പ്പകഞ്ചേരി പൊലീസ് പെണ്‍കുട്ടിയുമായി വീട്ടിലെത്തി. തെളിവെടുപ്പിനായിട്ടായിരുന്നു എത്തിയത്. വീടിന് മുന്നില്‍ പകച്ചു നിന്ന പെണ്‍കുട്ടിയെ പൊലീസാണ് വീട്ടിനുള്ളിലേക്ക് കയറ്റിയത്. അകത്തൊക്കെ പരിഭ്രമിച്ചു നോക്കുന്ന കുട്ടി ആദ്യം പോയത് അടുക്കളയിലേക്കാണ്. പിന്നീട് അടച്ചിട്ടിരുന്ന പൂജാമുറിയുടെ മുന്നില്‍ നിന്നു. പൂജാമുറിയാണെന്ന് ഞാന്‍ പറഞ്ഞതോടെ ഒപ്പമുണ്ടായിരുന്ന പൊലീസുകാര്‍ പെണ്‍കുട്ടിയെ ശ്രീനാഥും സഹോദരനും ഉപയോഗിക്കുന്ന മുറിയിലേക്ക് കൊണ്ടു പോയി. അവിടെ വച്ചാണ് പീഡനം നടത്തിയതെന്നാണ് പെണ്‍കുട്ടി പറഞ്ഞത്. ഏപ്രില്‍ 11 ന്…

എയര്‍ടെല്‍, ബിഎസ്എന്‍എല്‍, ജിയോ, വി എന്നിവ 84 ദിവസത്തെ വാലിഡിറ്റിയും 365 ദിവസ വാലിഡിറ്റിയും നല്‍കുന്ന പ്ലാനുകള്‍ നല്‍കുന്നുണ്ട്. 365 ദിവസം വാലിഡിറ്റി നല്‍കുന്നതും 1500 രൂപയ്ക്ക് താഴെ വിലയുള്ളതുമായ പ്ലാനുകള്‍ നിരവധിയുണ്ട്. സ്ട്രീമിംഗ് ആനുകൂല്യങ്ങള്‍ അടക്കമുള്ള ഓഫറുകളും ഇതിലുണ്ട്. ഇതില്‍ തന്നെ കൂടുതല്‍ പേരും ഉപയോഗിക്കുന്നത് മൂന്നുമാസത്തെ പ്ലാനുകളാണ്. ആവര്‍ത്തിച്ച് റീചാര്‍ജ് ചെയ്യാന്‍ ശ്രമിക്കാത്ത ഉപയോക്താക്കള്‍ക്ക് ഈ പ്ലാനുകള്‍ പ്രയോജനകരമാണ്. ഇത്തരത്തില്‍ 801 രൂപ വിലയുള്ള പ്രീപെയ്ഡ് പ്ലാന്‍ വി നല്‍കുന്നു. ഇതിന് 84 ദിവസത്തേവാലിഡിറ്റിയുണ്ട്. 3 ജിബി പ്രതിദിന ഡാറ്റയും പ്രതിദിനം 100 എസ്എംഎസും നല്‍കുന്ന ഇത്, ഡിസ്‌നി+ ഹോട്ട്സ്റ്റാറിന് 16 ജിബി അധിക ഡാറ്റയും 1 വര്‍ഷത്തെ വിഐപി സബ്‌സ്‌ക്രിപ്ഷനും നല്‍കുന്നു. ഹൈസ്പീഡ് നൈറ്റ് ടൈം ഇന്റര്‍നെറ്റ്, വീക്കെന്‍ഡ് റോള്‍ഓവര്‍ ഡാറ്റ ആനുകൂല്യം, വി മൂവികള്‍, ടിവി തുടങ്ങിയ അധിക ആനുകൂല്യങ്ങളും ഇത്…

കോണ്‍ഗ്രസ് പുനസംഘടനയുമായി ബന്ധപ്പെട്ട ചര്‍ച്ചകളാണ് ഇപ്പോള്‍ മാധ്യമങ്ങളില്‍ നിറഞ്ഞുനില്‍ക്കുന്നത്. 14 ജില്ലകളിലെയും ഡിസിസി അധ്യക്ഷന്‍ന്മാരെ പ്രഖ്യാപിച്ചതിന് പിന്നാലെ കേരളത്തിലെ കോണ്‍ഗ്രസ് രാഷ്ട്രീയത്തില്‍ വലിയ പൊട്ടിത്തെറികളാണ് നടക്കുന്നത്. ഡിസിസി അധ്യക്ഷ പ്രഖ്യാപനത്തിന് പിന്നാലെ കോണ്‍ഗ്രസില്‍ ഗ്രൂപ്പ് പോര് രൂക്ഷമായെന്ന റിപ്പോര്‍ട്ടുകളാണ് പുറത്തുവരുന്നത്. സോഷ്യല്‍ മീഡിയയില്‍ ഇതുമായി ബന്ധപ്പെട്ട് കോണ്‍ഗ്രസ് പ്രവര്‍ത്തകര്‍ തന്നെ രൂക്ഷമായി പ്രതികരിക്കുന്നുണ്ട്. കോണ്‍ഗ്രസിലെ ഗ്രൂപ്പ് പോരിനെയും തമ്മിലടിയെയും വിമര്‍ശിച്ചും പരിഹസിച്ചും ഇടത് പ്രൊഫൈലുകളും രംഗത്തുണ്ട്. എന്നാല്‍ കോണ്‍ഗ്രസ് പാര്‍ട്ടിയുമായി ബന്ധപ്പെട്ട് സോഷ്യല്‍ മീഡിയയിലും മറ്റ് മാധ്യമങ്ങളിലും ചര്‍ച്ചകള്‍ നടക്കെ പ്രതിപക്ഷ നേതാവ് വിഡി സതീശനെ പിന്തുണച്ചും പുകഴ്ത്തിയും രംഗത്തെത്തിയിരിക്കുകയാണ് നടന്‍ ഹരീഷ് പേരടി. ഫേസ്ബുക്കില്‍ പങ്കുവച്ച പോസ്റ്റിലാണ് ഹരീഷ് പേരടി വിഡി സതീശന്റെ നേതൃഗുണത്തെ കുറിച്ച് പറയുന്നത്. ഇടതുപക്ഷ ആശയങ്ങളോട് താല്‍പര്യം പുലര്‍ത്തുന്ന ഹരീഷ് പേരടിയുടെ പോസ്റ്റ് സോഷ്യല്‍ മീഡിയയില്‍ ചര്‍ച്ചയാകുന്നുണ്ട്. വിഡി സതീശന്‍ കഴിഞ്ഞ…

എംഡിഎംഎ ലഹരികടത്തു കേസുമായി, ‘ടീച്ചർ’ എന്നു പ്രതികൾ വിശേഷിപ്പിക്കുന്ന സ്ത്രീക്കുള്ള ബന്ധം തിരഞ്ഞ് എക്സൈസ് ക്രൈംബ്രാഞ്ച്. പിടിയിലായ പ്രതികൾക്കും സിനിമാ മേഖലയിലെ ചിലർക്കും ഇടയിലെ കണ്ണിയാണു ‘ടീച്ചർ’ എന്നുള്ള സംശയം ഉയർന്നതോടെ ഇവരെയും ഇന്നലെ എക്സൈസ് സംഘം ചോദ്യം ചെയ്തു. അഭിഭാഷകയ്ക്കൊപ്പമാണ് ഇവർ രാവിലെ ചോദ്യം ചെയ്യലിനു ഹാജരായത്. മട്ടാഞ്ചേരി പാണ്ടിക്കുടി സ്വദേശിനിയായ ഇവർക്കു സിനിമാ മേഖലയുമായി അടുത്ത ബന്ധമുണ്ടെന്ന് അന്വേഷണ സംഘത്തിനു ബോധ്യമായിട്ടുണ്ട്. പ്രതികളുമായി അടുത്ത ബന്ധം പുലർത്തുന്ന ഇവർക്കാണു, ലഹരിക്കടത്തിനു മറയായി സംഘം ഉപയോഗിച്ച മുന്തിയ ഇനം നായ്ക്കളെ എക്സൈസ് കൈമാറിയത്. റോട്ട്‍വീലർ, കേൻ കോർസോ ഇനങ്ങളിൽ പെട്ട മൂന്നു നായ്ക്കളെയാണു പ്രതികൾ കൊണ്ടു വന്നത്. ഇതിൽ ഒരു നായയ്ക്ക് ഏകദേശം 80,000 രൂപ വരെ വിലവരും. ഇവയെ പ്രതികൾക്കൊപ്പം തൊണ്ടി മുതലായി കണ്ടുകെട്ടി മൃഗസംരക്ഷണ വകുപ്പിനെ ഏൽപിക്കുകയും പിന്നീട് ലേലത്തിലൂടെ വിറ്റു മുതൽക്കൂട്ടുകയും…