Day: May 30, 2021

ബിഗ് ബോസ് ഷോ കോവിഡ് ലോക്ക്ഡൗണിന്റെ പശ്ചാത്തലത്തില്‍ നിര്‍ത്തിയതോടെ മത്സരാര്‍ത്ഥികളെല്ലാം കേരളത്തില്‍ തിരിച്ചെത്തിയിരിക്കുകയാണ്. ശേഷിക്കുന്ന എട്ടു മത്സരാര്‍ത്ഥികളില്‍ നിന്നും ടൈറ്റില്‍ ജേതാവിനെ തിരഞ്ഞെടുക്കാനുള്ള വോട്ടിംഗ് പുരോഗമിച്ചുകൊണ്ടിരിക്കുകയാണ്. ഇന്നു രാത്രി പതിനൊന്നു മണി വരെയാണ് വോട്ടിംഗ് ടൈം. നാട്ടില്‍ തിരിച്ചെത്തിയ ബിഗ് ബോസ് താരങ്ങളെല്ലാം തന്നെ സോഷ്യല്‍ മീഡിയകളിലൂടെ ആരാധകരോട് വിശേഷങ്ങള്‍ പങ്കിട്ടും വോട്ടു ചോദിച്ചുമെല്ലാം സമയം ചെലവഴിക്കുകയാണ്. ഇപ്പോഴിതാ, തന്റെ ആരാധകരുടെ ചോദ്യങ്ങള്‍ക്ക്​ ഇന്‍സ്റ്റഗ്രാമിലൂടെ മണിക്കുട്ടന്‍ നല്‍കിയ മറുപടികളാണ് സോഷ്യല്‍ മീഡിയയുടെ ശ്രദ്ധ നേടുന്നത്. ബിഗ് ബോസ് ഹൗസില്‍ ഏറ്റവും ഇഷ്ടപ്പെട്ട സ്ഥലം ഏതാണ്? എന്ന ചോദ്യത്തിന് കണ്‍ഫെഷന്‍ റൂം എന്നായിരുന്നു ഉത്തരം. ആരാധകരുടെ ചോദ്യങ്ങള്‍ക്ക് മണിക്കുട്ടന്റെ ഉത്തരം ഈ വര്‍ഷം കല്യാണമുണ്ടാവുമോ? ആഗ്രഹം ഉണ്ട്, നോക്കാം നടക്കുമോ എന്ന്. ചേട്ടന്റെ അടുത്ത പരിപാടി എന്താണ്? എല്ലാ സംവിധായകരെയും തിരക്കഥാകൃത്തുക്കളെയും വിളിച്ച്‌ ചാന്‍സ് ചോദിക്കണം എന്തിനാണ് കണ്ണട…

ഹനോയ്: കോവിഡ് പ്രതിരോധത്തില്‍ പുതിയ വെല്ലുവിളിയായി വീണ്ടും വൈറസിന് ജനിതകമാറ്റം. അതിവ്യാപന ശേഷിയുള്ള വൈറസിന്റെ വകഭേദത്തെ വിയറ്റ്‌നാമിലാണ് കണ്ടെത്തിയത്. ഇന്ത്യയിലും യുകെയിലുമുള്ള വൈറസ് വകഭേദങ്ങളുടെ സംയുക്തമായ കൊറോണ വൈറസ് ആണ് ഇതെന്ന് ​ഗവേഷകര്‍ പറയുന്നു. മറ്റ് വകഭേദങ്ങളെക്കാള്‍ കൂടുതല്‍ വേഗത്തില്‍ പടരുന്നതാണ് പുതിയ വൈറസിന്റെ രീതി. വിയറ്റ്നാം ആരോഗ്യമന്ത്രി പുതിയ വകഭേദം കണ്ടെത്തിയ കാര്യം സ്ഥിരീകരിച്ചു. കോവിഡ് ബാധിതരായവരില്‍ നടത്തിയ പരിശോധനയിലാണ് പുതിയ വകഭേദം പടരുന്നത് കണ്ടെത്തിയത്. വിയറ്റ്നാമിലെ 63 മുന്‍സിപ്പാലിറ്റികളും പ്രവിശ്യകളും ഉള്ളതില്‍ 30 ഇടത്തേക്കും ഈ വകഭേദം വ്യാപിച്ചു. മെയ് മാസത്തിന്റെ തുടക്കത്തില്‍ കോവിഡ് കേസുകള്‍ പിടിച്ചുനിര്‍ത്തിയെന്ന് ആശ്വസിച്ചിരിക്കെയാണ് രാജ്യത്ത് പെട്ടെന്ന് കോവിഡ് കേസുകള്‍ ഉയര്‍ന്നത്. 6856 പേര്‍ക്കാണ് ഇതുവരെ വിയറ്റ്നാമില്‍ കോവിഡ് ബാധിച്ചത്. ഇതുവരെ ഇവിടെ 47 പേര്‍ മരിച്ചു. വിയറ്റ്നാമില്‍ വാക്സീനേഷനും പുരോഗമിക്കുകയാണ്