Day: July 2, 2020

ആലപ്പുഴ: ആന്‍ജിയോഗ്രാം ചികിത്സക്കിടെ യന്ത്രഭാഗം ഹൃദയ വാല്‍വില്‍ മുറിഞ്ഞതിനെ തുടര്‍ന്ന് വീട്ടമ്മ മരിച്ചു. ആലപ്പുഴ ചിങ്ങോലി സ്വദേശി ബിന്ദു(55) ആണ് മരിച്ചത്. ആലപ്പുഴ എസ്.പിക്ക് ബന്ധുക്കള്‍ നല്‍കിയ പരാതിയില്‍ സ്വകാര്യ ആശുപത്രിയുടെ ചികിത്സാ പിഴവാണ് മരണകാരണമെന്നാണ് ആരോപിക്കുന്നത്. പരാതിയുടെ അടിസ്ഥാനത്തില്‍ പ്രത്യേക സംഘം മൃതദേഹം ഇന്ന് പോസ്റ്റ്‌മോര്‍ട്ടം ചെയ്യുന്നുണ്ട്. തലകറക്കവും ഛര്‍ദ്ദിയെയും തുടര്‍ന്ന് വീട്ടമ്മ മാവേലിക്കരയിലെ സ്വകാര്യ ആശുപത്രിയില്‍ ചികിത്സതേടിയെത്തിയതായിരുന്നു. ഹൃദയത്തില്‍ ബ്ലോക്ക് ഉണ്ടോ എന്നറിയാനാണ് ആന്‍ജിയോഗ്രാം ചെയ്തത്. ഇതിനിടെ യന്ത്രഭാഗം ഒടിഞ്ഞു കയറി. തുടര്‍ന്ന് മറ്റൊരു സ്വകാര്യ ആശുപത്രിയിലേക്ക് മാറ്റി ട്യൂബ് മാതൃകയിലുള്ള യന്ത്രത്തിന്റെ ഭാഗം നീക്കം ചെയ്തുവെങ്കിലും ചൊവ്വാഴ്ചയോടെ മരിക്കുകയായിരുന്നു. എന്നാല്‍, യന്ത്രഭാഗം ഒടിയുന്നത് അപൂര്‍വങ്ങളില്‍ അപൂര്‍വമായി സംഭവിക്കാമെന്നും പിഴവ് ഉണ്ടായിട്ടില്ലെന്നുമാണ് ആശുപത്രി അധികൃതരുടെ വിശദീകരണം.

ആലപ്പുഴ: ഐസിയുവില്‍, ജീവനുവേണ്ടിയുള്ള ദേവുവിന്റെ പോരാട്ടം തുടരുമ്ബോള്‍ പുറത്ത് അച്ഛനു ചിതയൊരുങ്ങും. ദേവുവിന്റെ അച്ഛന്‍ നൂറനാട് എരുമക്കുഴി മീനത്തേതില്‍ കിഴക്കേക്കരയില്‍ ബി.ചന്ദ്രബാബുവിനെ (38) തിരുവനന്തപുരം എസ്‌എടി ആശുപത്രി വളപ്പില്‍ ഇന്നലെ രാവിലെ മരിച്ച നിലയില്‍ കണ്ടെത്തുകയായിരുന്നു. നൂറനാട് പുത്തന്‍വിള ക്ഷേത്രത്തിലെ ഉത്സവത്തിനു ദേവു ചെണ്ടമേളത്തിനൊപ്പം നൃത്തം ചെയ്തത് സമൂഹമാധ്യമങ്ങളില്‍ പ്രശസ്തി നേടിയിരുന്നു. ടിവി ചാനല്‍ പരിപാടിയും ശ്രദ്ധനേടി. തലച്ചോറില്‍ നീര്‍ക്കെട്ട് ബാധിച്ച്‌ തിരുവനന്തപുരം എസ്‌എടി ആശുപത്രിയില്‍ ഗുരുതരാവസ്ഥയിലാണ് ദേവു. മകളുടെ അസുഖത്തെത്തുടര്‍ന്ന് കടുത്ത മനഃപ്രയാസത്തിലായിരുന്നു ചന്ദ്രബാബുവെന്നും അതെത്തുടര്‍ന്ന് ജീവനൊടുക്കിയതാവാം എന്നുമാണ് പൊലീസ് നിഗമനം. മൃതദേഹം മോര്‍ച്ചറിയിലാണ്. കോവിഡ് പരിശോധനയ്ക്ക് ശേഷമാകും തുടര്‍നടപടികള്‍. രജിതയാണു ഭാര്യ. ഇവര്‍ക്കുണ്ടായ ഇളയ കുട്ടി 6 മാസം മുന്‍പ് എസ്‌എടി ആശുപത്രിയില്‍ പ്രസവം നടന്ന് മണിക്കൂറുകള്‍ക്കകം മരിച്ചുപോയിരുന്നു. ഗര്‍ഭാവസ്ഥയില്‍ തന്നെ കുട്ടിക്ക് ആരോഗ്യ പ്രശ്നങ്ങളുണ്ടായിരുന്നു. അബോധാവസ്ഥയിലായ ദേവുചന്ദനയുടെ നില അതീവ ഗുരുതരമാണെന്ന് എസ്‌എടി…