തിരുവനന്തപുരം: അമ്പലത്തറ മില്‍മ പ്ലാന്റില്‍ വാതക ചോര്‍ച്ച. ശീതീകരണത്തിന് ഉപയോഗിക്കുന്ന അമോണിയ ഗ്യാസ് വാല്‍വിലാണ് ചോര്‍ച്ച ഉണ്ടായത്. വ്യാഴാഴ്ച രാവിലെ ഉണ്ടായ ചോര്‍ച്ച വൈകിട്ട് വരെയും പരിഹരിക്കാനായില്ല. ചോര്‍ച്ച കണ്ടെത്താനായി അമോണിയ കലര്‍ന്ന വെള്ളം പ്ലാന്റിന്റെ പരിസരത്ത് തന്നെ തുറന്നുവിട്ടു. ഇതോടെ പരിസരവാസികള്‍ക്ക് അസ്വസ്ഥതകള്‍ അനുഭവപ്പെട്ടു തുടങ്ങി. മില്‍മ പ്ലാന്‍റിനോട് ചേര്‍ന്ന താമസിക്കുന്ന നിരവധി വീടുകളിലെ കുട്ടികള്‍ക്കും മുതിര്‍ന്നവര്‍ക്കും ശ്വാസതടസവും തലകറക്കവും അനുഭവപ്പെട്ടു. പ്രദേശവാസികളുടെ കണ്ണുകള്‍ക്കും അസ്വസ്ഥതകള്‍ അനുഭവപ്പെട്ടതോടെ പ്രദേശത്തെ സിപിഎം ബ്രാഞ്ച് കമ്മിറ്റി സെക്രട്ടറി അബ്ദുല്‍ ജലീല്‍ സംഭവം അന്വേഷിക്കാന്‍ എത്തിയെങ്കിലും ഉദ്യോഗസ്ഥര്‍ കൃത്യമായ മറുപടി നല്‍കിയില്ല. TRENDING: തുടര്‍ന്ന് നാട്ടുകാരും സിപിഎം പ്രവര്‍ത്തകരും ഫയര്‍ഫോഴ്സിനെയും പൊലീസിനെയും വിവരമറിയിച്ചു. 6 യൂണിറ്റ് ഫയര്‍ഫോഴ്സ് എത്തിയാണ് സ്ഥിതിഗതികള്‍ നിയന്ത്രണ വിധേയമാക്കിയത്. ജില്ലാ കളക്ടറും ശംഖുമുഖം എസിപിയും സ്ഥലത്തെത്തി. അമോണിയ കലര്‍ന്ന വെള്ളം കണ്ടെയ്നറില്‍ നീക്കാതെ പ്ലാന്റിന്റെ പരിസരത്ത്…
അമ്പലത്തറ മില്‍മ പ്ലാന്റില്‍ അമോണിയ വാതക ചോര്‍ച്ച; പരിസരവാസികള്‍ക്ക് ശ്വാസതടസ്സവും ദേഹാസ്വാസ്ഥ്യവും
