Day: June 8, 2020

കന്നഡ നടന്‍ ചിരഞ്ജീവി സര്‍ജയ്ക്ക് ആദരാഞ്ജലികള്‍ നേര്‍ന്ന് സിനിമാ ലോകം. ഈ വാര്‍ത്ത തന്റെ ഹൃദ​യത്തെ തകര്‍ത്തുവെന്ന് നടി രശ്മിക മന്ദാന ട്വീറ്റ് ചെയ്തു. വളരെ പ്രതിഭാശാലിയായ നടനായിരുന്നു ചിരഞ്ജീവിയെന്നും , ഈ മരണം വിശ്വസിക്കാനാകുന്നില്ലെന്നും ഖുശ്ബു ട്വീറ്റ് ചെയ്തു. ആ പുഞ്ചിരി മറക്കാനാവില്ലെന്ന് നടി പ്രിയ മണി ട്വീറ്റ് ചെയ്തു. ക്രിക്കറ്റ് താരം അനില്‍ കുംബ്ലെയും ചിരഞ്ജീവിയുടെ മരണത്തില്‍ അനുശോചനം രേഖപ്പെടുത്തി. ഹൃദയസ്തംഭനമാണ് ചിരഞ്ജീവിയുടെ മരണകാരണം. ശ്വാസതടസ്സം നേരിട്ടതിനെത്തുടര്‍ന്ന് ശനിയാഴ്ച്ച ജയനഗറിലെ സാഗര്‍ ആശുപത്രിയില്‍ പ്രവേശിപ്പിച്ചിരുന്നു. കുടുംബത്തിലേക്ക് പുതിയ അതിഥി വന്നെത്തുന്നതിന്റെ സന്തോഷത്തിനിടെയാണ് താരത്തിന്റെ അപ്രതീക്ഷിത വിടവാങ്ങല്‍ എന്നതാണ് ഏറെ വേദനാജനകം. ചിരഞ്ജീവിയുടെ ഭാര്യയും നടിയുമായ മേഘ്ന രാജ് മൂന്ന് മാസം ​ഗര്‍ഭിണിയാണ്. 2018-ലായിരുന്നു മേഘ്‌നയുടെയും ചിരഞ്ജീവിയുടെയും വിവാഹം.ഏറെ നാളായുള്ള പ്രണയത്തിനൊടുവിലാണ് ഇരുവരും വിവാഹിതരായത്. ബസവന്‍ഗുഡിയിലെ വസതിയില്‍ പൊതുദര്‍ശനത്തിനു വച്ച ചിരഞ്ജീവിയുടെ മൃതദേഹത്തില്‍ താരങ്ങളായ യഷ്,…

കന്നഡ സിനിമാ ലോകത്തെ ഞെട്ടിച്ചു കൊണ്ട് നടന്‍ ചിരഞ്ജീവി സര്‍ജ വിടവാങ്ങിയത് കഴിഞ്ഞ ദിവസമാണ്. ഭര്‍ത്താവിന്റെ മരണത്തില്‍ ആകെ തകര്‍ന്നുപോയത് ഭാര്യയായ മേഘ്ന രാജ് ആണ്. മേഘ്ന നാല് മാസം ഗര്‍ഭിണിയാണ്. കുടുംബത്തിലേക്ക് പുതിയ അതിഥി വന്നെത്തുന്നതിന്റെ സന്തോഷത്തിനിടെയാണ് താരത്തിന്റെ അപ്രതീക്ഷിത വിടവാങ്ങല്‍. ചിരഞ്ജീവിയുടെ മൃതദേഹത്തിനരികില്‍ തകര്‍ന്നിരിക്കുന്ന മേഘ്നയുടെ ചിത്രം ആരാധകരുടെ മനസിലും നോവായിരിക്കുകയാണ്. രണ്ട് വര്‍ഷത്തെ പ്രണയത്തിനു ശേഷമാണ് ചിരഞ്ജീവിയും മേഘ്നയും വിവാഹിതരാകുന്നത്. 2018 ഏപ്രില്‍ 29ന് കോറിമംഗലം സെന്റ് ആന്റണീസ് പള്ളിയില്‍ വച്ച്‌ വിവാഹം. മെയ്-2ന് ഹിന്ദു ആചാരപ്രകാരം ബെംഗളൂരു പാലസ് ഗ്രൗണ്ടില്‍ വച്ചും വിവാഹച്ചടങ്ങുകള്‍ നടന്നു. ശ്വാസതടസം അനുഭവപ്പെട്ടതിനെത്തുടര്‍ന്ന് ശനിയാഴ്ചയാണ് ചിരഞ്ജീവി സര്‍ജയെ ആശുപത്രിയില്‍ പ്രവേശിപ്പിച്ചത്. പ്രായം കുറവായതിനാല്‍ ഹൃദ്രോഗമാണെന്ന് കരുതിയില്ല. എന്നാല്‍ പിന്നീട് ഹൃദയാഘാതമാണെന്ന് കണ്ടെത്തുകയായിരുന്നു.