അബുദാബി: ദുബായിലെ ഷോപ്പില്‍ നിന്നും പതിനാല് കോടി രൂപ വിലവരുന്ന 86 വാച്ചുകള്‍ മോഷ്ടിച്ച കേസില്‍ വിചാരണ ആരംഭിച്ചു. ദുബായിലെ ഗോള്‍ഡ് സൂക്കില്‍ നിന്നാണ് 26കാരനായ ഇന്ത്യക്കാരന്‍ വിലകൂടിയ വാച്ചുകള്‍ മോഷ്ടിച്ചത്. ജ്വല്ലറിയിലെ ശുചീകരണ ജോലിക്കാരനാണ് ഇയാള്‍. സംഭവുമായി ബന്ധപ്പെട്ട് നയിഫ് പൊലീസ് സ്‌റ്റേഷനില്‍ ജനുവരി ആറിന് കടയുടമ പരാതി നല്‍കിയിരുന്നു. ഡിസംബര്‍ 25നായിരുന്നു കേസിനാസ്പദമായ സംഭവം. ജ്വല്ലറിയിലെ ചവറ്റുകൊട്ടയിലാണ് ആദ്യം വില കൂടിയ വാച്ച്‌ കണ്ടെത്തിയത്. സെയില്‍സ്മാന്‍മാരുടെ അശ്രദ്ധ കൊണ്ട് സംഭവിച്ചതാകുമെന്നാണ് ആദ്യം കടയുടമ കരുതിയത്. പിന്നാലെ സിസി ടിവി ദൃശ്യങ്ങള്‍ പരിശോധിച്ചപ്പോഴാണ് ഞെട്ടിക്കുന്ന മോഷണവിവരം പുറത്തുവന്നത്. മോഷ്ടിച്ച വാച്ചുകളില്‍ രണ്ടര ലക്ഷം ദിര്‍ഹം വിലയുള്ള ഒരു വാച്ചും 2,70,000 ദിര്‍ഹം വിലയുള്ള മറ്റൊരു വാച്ചും പതിനായിരം ദിര്‍ഹത്തിനാണ് ഇയാള്‍ പാകിസ്താനികള്‍ക്ക് നല്‍കിയത്. പാകിസ്താനികളാണ് യഥാര്‍ഥ കവര്‍ച്ചക്കാരെന്നും തന്നെ ഉപയോഗിച്ച്‌ അവര്‍ മോഷണം നടത്തി കുറഞ്ഞ…
ഇന്ത്യക്കാരന്‍ അടിച്ചുമാറ്റിയത് 14 കോടിയുടെ 86 വാച്ചുകള്‍; 26കാരന്‍ അറസ്റ്റില്‍
