തൃശൂര്‍: സ്വര്‍ണക്കടത്ത് കേസ് പ്രതി സ്വപ്‌നാ സുരേഷിനെ അനില്‍ അക്കര എംഎല്‍എ ആശുപത്രിയിലെത്തി സന്ദര്‍ശിച്ചിരുന്നതായി കണ്ടെത്തല്‍. ഇതു സംബന്ധിച്ച വിവരങ്ങള്‍ എന്‍ഐഎ അന്വേഷിക്കുകയാണ്.
സന്ദര്‍ശന ഉദ്ദേശം എന്തായിരുന്നുവെന്ന് എന്‍ഐഎ എംഎല്‍എയോട് ആരാഞ്ഞു. സ്വപ്നയെ പ്രവേശിപ്പിച്ച രാത്രി അനില്‍ അക്കര എംഎല്‍എ ആശുപത്രിയിലെത്തിയതായാണ് അന്വേഷണ സംഘം കണ്ടെത്തിയിരിക്കുന്നത്.
അതേസമയം, പ്രതികളെ സ്വാധീനിക്കാന്‍ പ്രമുഖര്‍ ആരെങ്കിലും എത്തുന്നുണ്ടോ എന്ന് അന്വേഷിക്കാനാണ് ആശുപത്രിയില്‍ എത്തിയതെന്നാണ് അനില്‍ അക്കരയുടെ വിശദീകരണം.
