അഹമ്മദാബാദ്: 140 കോടി ജനങ്ങളുടെ സ്വപ്നകീരീടം പ്രഫഷണല്‍ മികവില്‍ കങ്കാരുക്കളുടെ നാട്ടിലേയ്ക്ക്.
ട്രാവിസ് ഹെഡിന്റെ തകര്‍പ്പന്‍ സെഞ്ചുറി ആ കിരീടത്തിലെ വജ്രശോഭയായി.
നരേന്ദ്ര മോദി ക്രിക്കറ്റ് സ്‌റ്റേഡിയത്തില്‍ നടന്ന ലോകകപ്പ് ഫൈനലില്‍ ഇന്ത്യയെ 6 വിക്കറ്റിനു തോല്‍പ്പിച്ച്‌ ഓസ്ടേലിയ ലോക ക്രിക്കറ്റില്‍ നിറുകയില്‍ വീണ്ടുമെത്തി.
ആറാം കിരീടമെന്ന റെക്കോഡ്‌.
പത്തില്‍ പത്തു ജയത്തോടെ ഫൈനലിലെത്തിയ തങ്ങളുടെ സ്വപ്ന ടീം മെല്ലെമെല്ല പരാജയത്തിലേയ്ക്ക് വഴുതിവഴുന്നത് നിശബ്ദരായി നോക്കിയിരിക്കേണ്ടിവന്നു സ്റ്റേഡിയം നിറഞ്ഞുകവിഞ്ഞ ഇന്ത്യന്‍ ക്രിക്കറ്റ പ്രേമികള്‍ക്ക്.
120 പന്തില്‍നിന്നും ട്രാവിസ് ഹെഡ് നേടിയ 137 റണ്‍സാണ് ഓസ്ട്രേലിയന്‍ വിജയത്തിന്റെ അടിത്തറ. ലബൂഷെയ്ന്‍ 58 റണ്‍സ് നേടി പുറത്താവാതെ നിന്നു.
ആറാം തവണയും ലോകകപ്പുമായി കങ്കാരുക്കള്‍ നാട്ടിലേയ്ക്ക് മടങ്ങുമ്ബോള്‍ ഓസീസിനെതിരെ രണ്ട് ഫൈനലിലും തോറ്റ നിരാശയില്‍ ടീം ഇന്ത്യ.
