മുംബെെ: ബോളിവുഡ് നടന്‍ സുശാന്ത് സിംഗ് രജ്പുത്തിന്റെ മരണവുമായി ബന്ധപ്പെട്ട് ആരോപണം നേരിടുന്ന നടി റിയ ചക്രബര്‍ത്തിയെ കാണാനില്ലെന്ന് റിപ്പോര്‍ട്ട്. മുംബെെയിലെ വീട്ടില്‍ നിന്ന് ഇവരെ കാണാതായി എന്നാണു സൂചന.നേരത്തെ, സുശാന്തിന്റെ പിതാവ് നടന്റെ കാമുകിയായിരുന്ന റിയക്കെതിരേ ബിഹാറിലെ പാട്ന പോലീസില്‍ പരാതി നല്‍കിയിരുന്നു ഇതിനു പിന്നാലെയാണ് ഇവരെ കാണാതായത്. സുശാന്തിന്റെ പിതാവ് നല്‍കിയ പരാതിയില്‍ അന്വേഷണ ഉദ്യോഗസ്ഥര്‍ക്ക് മുന്‍പില്‍ ഹാജരാകാന്‍ ആവശ്യപ്പെട്ട് റിയയ്ക്ക് നോട്ടീസ് അയച്ചുവെങ്കിലും പ്രതികരണമുണ്ടായില്ല. തുടര്‍ന്നാണ് പോലീസ് ഉദ്യോഗസ്ഥര്‍ നടിയുടെ വസതിയില്‍ എത്തിയത്. എന്നാല്‍ റിയ അവിടെ ഉണ്ടായിരുന്നില്ല. നടി മുന്‍കൂര്‍ ജാമ്യത്തിനായി ശ്രമിക്കുകയാണെന്ന് ദേശീയ മാധ്യമങ്ങള്‍ റിപ്പോര്‍ട്ട് ചെയ്തു. മുംബെെ പോലീസാണ് ഇപ്പോള്‍ സുശാന്തിന്റെ കേസ് അന്വേഷിച്ചു കൊണ്ടിരിക്കുന്നത്.
സുശാന്ത് സിംഗിന്റെ മരണം: നടി റിയ ചക്രബര്‍ത്തിയെ കാണാനില്ല.!
