ബെയ്റൂട്ട്: ബോംബ് ഘടിപ്പിച്ച ഇന്ധന ടാങ്കര് പൊട്ടിത്തെറിച്ച് വടക്കന് സിറിയയില് 40 പേര് കൊല്ലപ്പെട്ടു. കൊല്ലപ്പെട്ട 40 പേരില് 11 പേര് കുട്ടികളാണ്. 47 പേര്ക്ക് സ്ഫോടനത്തില് പരിക്കേറ്റതായും തുര്ക്കിഷ് പ്രതിരോധ മന്ത്രാലയം അറിയിച്ചു.
അഫ്രിനിലെ മാര്ക്കറ്റില് ചൊവ്വാഴ്ചയാണ് സ്ഫോടനം നടന്നത്. ആക്രമണത്തിന്റെ ഉത്തരവാദിത്വം ഇതുവരെ ആരും ഏറ്റെടുത്തിട്ടില്ല. കുര്ദിഷ് ഗ്രൂപ്പായ വൈ.പി.ജി.ക്ക് ബന്ധമുണ്ടെന്ന് തുര്ക്കി പ്രതിരോധ മന്ത്രാലയം ആരോപണം ഉന്നയിച്ചു.
പരിക്കേറ്റവരില് പലരുടെയും നില ഗുരുതരമായതിനാല് മരണസംഖ്യ ഇനിയും ഉയരാന് സാധ്യതയുണ്ടെന്ന് സര്ക്കാര് വൃത്തങ്ങള് പറഞ്ഞു. തുര്ക്കി അനുകൂല വിമതരുടെ അധീനതയിലുള്ള സ്ഥലമാണ് അഫ്രിന്.