ചെന്നൈ: വിവാദ മതപരാമർശവുമായി തമിഴ്നാട് മുഖ്യമന്ത്രി എംകെ സ്റ്റാലിന്റെ മകനും കായികമന്ത്രിയുമായ ഉദയനിധി സ്റ്റാലിൻ.
സനാതന ധർമം സമത്വത്തിനും സാമൂഹ്യ നീതിക്കും എതിരാണെന്നും അത് നിർമാർജനം ചെയ്യപ്പെടേണ്ടതാണെന്നുമായിരുന്നു ഉദയനിധിയുടെ പറഞ്ഞത്.
സനാതന ധർമം ഡെങ്കിപ്പനിക്കും മലേറിയക്കും കൊവിഡിനും സമാനമാണ് അതിനെ എതിർത്താൽ മാത്രം പോരാ നിർമാർജനം ചെയ്യുകയാണെന്നും ഉദയനിധി പറഞ്ഞു.അദ്ദേഹത്തിന്റെ വാക്കുകൾ പരിശോധിക്കാം “ചില കാര്യങ്ങൾ നമുക്ക് എതിർക്കാനാവില്ല.
അതിനെ ഉന്മൂലനം ചെയ്യുക തന്നെ വേണം. നമുക്ക് ഡെങ്കിപ്പനി, മലേറിയ, കൊവിഡ് എന്നിവയെ എതിർക്കാനാവില്ല. നിർമാർജനം ചെയ്യാനേ കഴിയൂ. അങ്ങിനെതന്നെയാണ് സനാതനവും.
അതിനെ എതിർക്കുന്നതിൽ ഉപരിയായി നിർമാർജനം ചെയ്യുകയാണ് വേണ്ടത്. സനാതന ധർമമെന്ന വാക്ക് സംസ്കൃതത്തിൽ നിന്നാണ് വന്നത്.
ഇതു സാമൂഹ്യനീതിക്കും സമത്വത്തിനും എതിരാണ്. മാറ്റാൻ കഴിയാത്തതെന്നും ചോദ്യം ചെയ്യാൻ പാടില്ലാത്ത് എന്നുമാണ് ഇതിന്റെ അർഥം”.
“സനാതന ധർമ്മത്തെ ഉന്മൂലനം ചെയ്യുന്നതിന്റെ ഭാഗമായി ഈ സമ്മേളനത്തിൽ സംസാരിക്കാൻ അവസരം നൽകിയ സംഘാടകർക്ക് ഞാൻ നന്ദി പറയുന്നു.
സനാതന ധർമ്മത്തെ എതിർക്കുന്നതിന് പകരം ‘സനാതന ധർമ്മം ഉന്മൂലനം ചെയ്യുക’ എന്ന് സമ്മേളനം വിളിച്ചതിന് സംഘാടകരെ ഞാൻ അഭിനന്ദിക്കുന്നു. അദ്ദേഹം പറഞ്ഞു“.
അദ്ദേഹത്തിന്റെ പ്രസംഗത്തിന്റെ വീഡിയോ ക്ലിപ്പ് എക്സിൽ വ്യാപകമായി പങ്കിട്ടു.
അതേസമയം, ഉദയനിധിയുടെ വർഗീയ പരാമർശത്തിനെതിരെ കടുത്ത വിമർശനവുമായി ബിജെപി രംഗത്തുവന്നിട്ടുണ്ട്. ഉദയനിധി സ്റ്റാലിന്റേത് വംശഹത്യയ്ക്ക് ആഹ്വാനം ചെയ്യുന്ന പരാമർശമാണെന്നായിരുന്നു ബിജെപിയുടെ പ്രതികരണം.
ഇന്ത്യയിലെ 80 ശതമാനത്തോളം വരുന്ന ജനങ്ങളെ ഉന്മൂലനം ചെയ്യണമെന്നാണ് ഉദയനിധി ആവശ്യപ്പെട്ടിരിക്കുന്നതെന്ന് ബിജെപി നേതാവ് അമിത് മാളവ്യ എക്സിൽ കുറിച്ചു.
ഉദയനിധി സ്റ്റാലിന്റെ പ്രസ്ഥാവനയെ കോൺഗ്രസിന്റെ കാർത്തി ചിദംബരം പിന്തുണച്ച് രംഗത്തുവന്നു.വിവാദമായതോടെ ഉദയനിധി ന്യായീകരണവുമായി എക്സിൽ കുറിപ്പും പങ്കുവച്ചിട്ടുണ്ട്.
താൻ ഏത് തരത്തിലുള്ള നിയമപരമായ വെല്ലുവിളികൾക്കും തയ്യാറാണ്. ഇത്തരം കാവി ഭീഷണികളിൽ ഞങ്ങൾ പതറില്ല. പെരിയാറിന്റേയും അണ്ണയുടേയും കലൈഞ്ജറിന്റേയും പാതപിന്തുടരുന്നവരാണ്.
നമ്മുടെ ബഹുമാനപ്പെട്ട മുഖ്യമന്ത്രിയുടെ സമർത്ഥമായ മാർഗ്ഗനിർദ്ദേശത്തിൽ സാമൂഹിക നീതി ഉയർത്തിപ്പിടിക്കാനും സമത്വ സമൂഹം സ്ഥാപിക്കാനും എന്നേക്കും പോരാടും എന്നും ഉദയനിധി ട്വിറ്ററിൽ കുറിച്ചു.
