തിരുവനന്തപുരം: സംസ്ഥാന രാഷ്ട്രീയത്തില്‍ തല്‍ക്കാലം സജീവമാകാന്‍ ഇല്ലെന്ന് ശോഭ സുരേന്ദ്രന്‍ അറിയിച്ചതായി ബി ജെ പി സംസ്ഥാന ജനറല്‍ സെക്രട്ടറി എം ടി രമേശ് അറിയിച്ചു. എന്നാല്‍ ശോഭ വീണ്ടും രാഷ്ട്രീയത്തില്‍ സജീവമാകണമെന്നും അദ്ദേഹം പറഞ്ഞു. ഒരു ചാനലില്‍ നടന്ന ചര്‍ച്ചയിലാണ് അദ്ദേഹം ഈ കാര്യം വ്യക്തമാക്കിയത്. അബ്ദുല്ല കുട്ടി വൈസ് പ്രസിഡന്റ് ആകുമെന്ന് പ്രതീക്ഷിച്ചിരുന്നില്ല എന്നും അദ്ദേഹം പറഞ്ഞു. എന്നാല്‍ തീരുമാനം പാര്‍ട്ടിക്ക് ഗുണകരമാകുമെന്നും അദ്ദേഹം ചൂണ്ടിക്കാട്ടി. തിരുവനന്തപുരം ഉള്‍പ്പെടെയുള്ള തെക്കന്‍ ജില്ലകളില്‍ മത്സരിക്കാനില്ലെന്നും എം ടി രമേശ് വ്യക്തമാക്കി. അതേസമയം കുമ്മനം രാജശേഖരനെയും പി.കെ കൃഷ്ണദാസിനെയും ദേശീയ ഭാരവാഹിത്വത്തിലേക്ക് പരിഗണിച്ചിരുന്നു. അര്‍ഹമായ രീതിയില്‍ പാര്‍ട്ടി ഇനിയും അവരെ പരിഗണിക്കുമെന്നാണ് നിഗമനം.
സംസ്ഥാനരാഷ്ട്രീയത്തില്‍ തല്‍ക്കാലം സജീവമാകാന്‍ ഇല്ലെന്ന് ശോഭ സുരേന്ദ്രന്‍ അറിയിച്ചതായി എം ടി രമേശ്
