നടിയെ ആക്രമിച്ച കേസില്‍ പുതിയ വെളിപ്പെടുത്തല്‍ ഉണ്ടായതിനു പിന്നാലെ അന്വേഷണം കൂടുതല്‍ ശക്തമാക്കുവാനാണ് നീക്കം.
കേസില്‍ സംവിധായകന്‍ ബാലചന്ദ്രകുമാര്‍ വെളിപ്പെടുത്തിയ വിഐപിയെ കുറിച്ച്‌ ക്രൈംബ്രാഞ്ച് സംഘത്തിന് സൂചന ലഭിച്ചിട്ടുണ്ടെന്നാണ് വിവരം. ബാലചന്ദ്രകുമാര്‍ നല്‍കിയിരിക്കുന്ന ഓഡിയോ സംവേശത്തില്‍ നിന്ന് മൂന്ന് പേരുകളിലേക്കാണ് ക്രൈംബ്രാഞ്ച് അന്വേഷണം വ്യാപിച്ചിട്ടുള്ളത്. ഈ സൂചനയുടെ അടിസ്ഥാനത്തിലാണ് ഇപ്പോള്‍ അന്വേഷണം പുരോഗമിക്കുന്നത്.
അതേസമയം, കേസില്‍ പ്രതികളുടെ മുന്കൂര് ജാമ്യാപേക്ഷ വീണ്ടും പരിഗണിക്കും. ദിലീപ് ഉള്‍പ്പെടെയുള്ള പ്രതികളുടെ മുന്കൂര് ജാമ്യാപേക്ഷയാണ് വീണ്ടും പരിഗണിക്കുക. അന്വേഷണ ഉദ്യോഗസ്ഥരെ അപായപ്പെടുത്താന്‍ ഗൂഢാലോചന നടത്തിയെന്ന മൊഴിയില്‍ വി.ഐ.പിയുടെ പങ്കിനെക്കുറിച്ചും വ്യക്തമായ അന്വേഷണം നടത്തും.
