ബെംഗളൂരു: ഷിരൂരില്‍ മണ്ണിടിച്ചിലില്‍ കാണാതായ കോഴിക്കോട് സ്വദേശി ലോറി ഡ്രൈവർ അർജുന് വേണ്ടി സ്‌ക്യൂബാ ഡൈവേഴ്‌സ് പുഴയില്‍ തിരച്ചില്‍ നടത്തി.
ഇന്ന് അർജുനെ കാണാതായിട്ട് ഏഴാം ദിവസമാണ്. സ്‌ക്യൂബാ ഡൈവേഴ്‌സ് പരിശോധന നടത്തുന്നത് മണ്ണിടിച്ചില്‍ നടന്നതിന് സമീപത്തുള്ള ഗംഗാവലി പുഴയിലാണ്.
പരിശോധന പുഴയില്‍ മണ്‍കൂനയുള്ള സ്ഥലത്താണ്. അധികൃതർ അറിയിച്ചിരിക്കുന്നത് ഉടൻ തന്നെ സൈന്യത്തിൻ്റെ ഡീപ് സെർച്ച്‌ മെറ്റല്‍ ഡിറ്റക്ടർ എത്തുമെന്നാണ്.
സൈന്യം ഇതുപയോഗിച്ച്‌ ആദ്യം കരയില്‍ തിരച്ചില്‍ നടത്തുന്നതായിരിക്കും. പുഴയില്‍ പരിശോധന നടത്താനായി നാവികസേന കൂടുതല്‍ ഉപകരണങ്ങള്‍ എത്തിക്കാനുള്ള തയ്യാറെടുപ്പിലാണ്.
സുപ്രീംകോടതിയില്‍ അർജുൻ്റെ രക്ഷാപ്രവർത്തനത്തിനായി സമർപ്പിച്ച ഹർജി ലിസ്റ്റ് ചെയ്യുകയുണ്ടായി.
ഹർജി പരിഗണിക്കുന്നത് ജസ്റ്റിസ് വിക്രം നാഥ് അധ്യക്ഷനായ ബെഞ്ചാണ്. എം കെ രാഘവൻ എം പി പറഞ്ഞത് അർജുനെ കണ്ടെത്തുന്നത് വരെ തിരച്ചില്‍ തുടരുമെന്നാണ്.
