പത്തനംതിട്ട: കൈക്കൂലി വാങ്ങുന്നതിനിടെ നേത്രരോഗ വിദഗ്ദ്ധനെ വിജിലന്‍സ് പിടികൂടി. പത്തനംതിട്ട ഗവണ്‍മെന്റ് താലൂക്ക് ആശുപത്രിയിലെ നേത്രരോഗ വിദഗ്ദ്ധനായ ഷാജി മാത്യൂസാണ് അറസ്റ്റിലായത്.
ശസ്ത്രക്രിയയ്ക്കായി എത്തുന്ന രോഗികളില്‍ നിന്ന് കൈക്കൂലി വാങ്ങുന്നെന്ന പരാതിയെ തുടര്‍ന്നാണ് വിജിലന്‍സ് എത്തിയത്.
ആശുപത്രിയില്‍ നിന്ന് ഡിസ്ചാര്‍ജ് ചെയ്യാന്‍ രോഗിയുടെ മകന്റെ കയ്യില്‍ നിന്നും 3000രൂപ ഇയാള്‍ ആവശ്യപ്പെട്ടിരുന്നു.
ഒ പിയില്‍ വച്ച്‌ ഈ പണം വാങ്ങുന്നതിനിടെയാണ് ഇയാള്‍ പിടിയിലായത്.